رِحلَة لَندَن - مَارِس 2023

& AbdulAziz & · 26-07-2023, 10:47 AM

أول مرة أقرأ تقرير دفعة وحدة .. بالعادة أقرا التقارير بشكل مجزأ .. أبدعتي أيما إبداع في السرد والصور ..

- عبارة لندن إما يحبونها مرة أو يكرهونا مرة، ذات العبارة تنطبق على إسطنبول

- في حال كان الفندق مقفل والكرت تعطل هل فيه موظف مناوب يفتح الباب؟

- خط سير الباص السياحي ما يبين بقوقل ماب؟ لازم تطبيقهم؟

- متحف الشمع يستاهل الزيارة؟ لأني بشكل عام متاحف الشمع ما أشوفها إضافة في السفر !

- الصعود لقبة Up at the 2 متعب؟ وهل يستاهل المغامرة والصعود؟ وشكله ممنوع الأطفال؟

- الأوت لت ما فيه كوبونات خصم عند المداخل؟

- هل الزحليقا تستاهل الزيارة !!

- أغلب الأنشطة حجزوتها أون لاين ! يفرق السعر ولا أساساً مافيه إلا أون لاين !

والمعذرة كثرت الأسئلة

توبليرون و Boarding Pass معجبون بهذا.

Boarding Pass · 27-07-2023, 03:47 PM

اقتباس : المشاركة الأصلية كتبت بواسطة & AbdulAziz &

أول مرة أقرأ تقرير دفعة وحدة .. بالعادة أقرا التقارير بشكل مجزأ .. أبدعتي أيما إبداع في السرد والصور ..

حيّاك الله

- عبارة لندن إما يحبونها مرة أو يكرهونا مرة، ذات العبارة تنطبق على إسطنبول

اسطنبول حلوة بس عيبها شعبها ، متعب إنك تكون طول الوقت مركز عشان ما تنسرق أو ينلعب عليك ، في النهاية إنت رايح تسترخي عشان كذا ما أفضلها

- في حال كان الفندق مقفل والكرت تعطل هل فيه موظف مناوب يفتح الباب؟

إيه أكييييييييد .

- خط سير الباص السياحي ما يبين بقوقل ماب؟ لازم تطبيقهم؟

فيه خريطة ورقية يوزعونها ، و صدقاً ما قد فكرت أشيك بقوقل ماب .

- متحف الشمع يستاهل الزيارة؟ لأني بشكل عام متاحف الشمع ما أشوفها إضافة في السفر !

لا الصدق ، بس كنت أحسه واجب نروح له و الصدق كان حق هونج كونج أفضل ، بس رحنا لأنه قريب جداً لمتحف شارلوك هولمز

- الصعود لقبة Up at the 2 متعب؟ وهل يستاهل المغامرة والصعود؟ وشكله ممنوع الأطفال؟

خواتي يقولون مرررررررررررررررررررررررررة ممتع ، و اختار وقت الغروب ، شيء مو طبيعي ، و سهل جداً تسلقه ، كأنك ترقى دحديرة و الأطفال مسموح

- الأوت لت ما فيه كوبونات خصم عند المداخل؟

لا والله بس إسأل ممكن فيه شيء و فاتني !

- هل الزحليقا تستاهل الزيارة !!

إذا عندك وقت فاضي ، إيه ، بس إذا الجدول فُل ، لا تروح ، لأنها بعيدة بعد

- أغلب الأنشطة حجزوتها أون لاين ! يفرق السعر ولا أساساً مافيه إلا أون لاين !

أكيد يفرق ! أساساً كثييييير يكون فيه عروض في الأون لاين و كذلك أريح ، يعني اللآين يضيع الوقت مرة ! أحياناً أحجز و أنا في المكان إذا شفت اللآين طويل

والمعذرة كثرت الأسئلة

أبد حيّاك الله ، و إذا فيه أي استفسار تفضّل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رِحلَة كُوريَا الجَنوبيَّة - ( سِيئُول + جيجُو ) - يُوليُو 2022	Boarding Pass	بوابة كوريا الجنوبية	69	اليوم 01:02 AM
جولاي 2023	Reham2013	بوابة سويسرا	7	18-05-2023 06:02 PM
اوربا في صيف 2023	Rema	بوابة سويسرا	3	23-01-2023 01:41 PM
رحلة الى أوروبا 2023	Noorbash	بوابة الدول الاخرى	4	16-08-2022 10:42 AM