السلام عليكم ورحمة الله وبركاته،

انا طالعة بعثة لأمريكا ورحت مع اهلي في موعد الفيزا ودخلنا مع بعض، انا F1 وهم B2.
انا قبلوا فيزتي ورفضوا اهلي تحت 214b، ثاني يوم ارسلوا لي ايميل يسألوا أسئلة عن ابوي مثل اي اسماء ثانية استخدمها وتاريخ وظيفته من 2012 وتاريخ السفر من 2012 واي عقارات يمتلكها وسكن فيها، فأنا أستغربت من هذا الإيميل لكن ردينا عليهم بكل الي طلبوا، ومنها ما تواصلوا معنا. حجزنا موعد ثاني للفيزا الأسبوع الجاي وعملت استشارة مع مكتب وقالوا لي ممكن سبب الرفض ان اهلي كبار بالسن وخافوا تصير معهم انتكاسة صحية ويدخلوا تحت ال public charge فنصحتني اطلع لهم تأمين صحي وانهم يذكروا هالنقطة في مقابلتهم الجاية، ذكرت لها نقطة الايميل وكثير استغربت ان التواصل بعد الرفض تحت 214b وسألتني متأكدة هذا بند الرفض؟ تقول احتمال كبير انه فيه تشابه اسماء بين ابوي وبين شخص مطلوب امناً وهذا سبب الاسئلة، وشجعتنا انهم في موعدهم الجاي يذكروا الايميل الي وصلهم وكيف ان ابوي ماعنده اي مشاكل قانونية واننا نقدر نثبت ذلك.

ابوي صار متخوف من الموضوع بعد كلامها والصراحة بغيت اعرف وش رايكم بالموضوع؟ وايش ممكن يكون سبب الايميل؟
هل تنصحونا نذكر النقطة هذي في المقابلة الجاية؟ صراحة خايفين نذكر هالنقطة ونجيب لنفسنا شبهة ولا شي او مانذكرها وينرفضوا مرة ثانية بسبب انهم مشتبهين
شرايكم ارسل ايميل للقنصلية استفسر او ايش ممكن اسوي؟