السلام عليكم ورحمة الله وبركاته،

باذن الله بازور شمال المانيا هذه السنة انا واسرتي (زوجتي واطفالي) من خلال الخطوط الالمانية لافتانزا.

بيكون مطار فرانكفورت مجرد محطة وصول وبعدها باطلع الى مدينة ثانية (للاسف لا يوجد طيران دولي مباشر لها) ومدة الانتظار في مطار فرانكفورت 2 ساعتين.

السؤال: هل هذه المدة كافية لختم الجوازات ومن ثم الانتقال الى المطار الداخلي ؟ علما بأن وصولي بيكون يوم سبت او احد الساعة 8 صباحا.

حاب تفيديوني جزاكم الله خير، خاصة انه بيكون معي اطفال ولا ودي احجز وتروح علي الطيارة الداخلية بسبب الزحمة والتأخير عند ختم الجوازات والمشي الطويل الى منطقة السفر الداخلي.

وشكرا ،،

وعليكم السلام ورحمة الله وبركاته

الواضح ان رحلاتك منفصلة صحيح ؟ يعني الرحلة اللي داخل ألمانيا ما اشتريتها


1- في حال تأخرت رحلتك من السعودية ساعة او ساعتين وتوقع هالشيء بنسبة كبيرة , فالرحلة الداخلية فألمانيا خسرتها .
2- مدة ساعتين بين الرحلات ومعك أطفال متعبة ولن تكفييك وخاصة انك واصل من رحلة دولية .
3- ختم الجوازات في فرانكفورت مزدحم وتستغرق تقريباً 40 دقيقة الى ساعة واستلام الحقائب تقريباً نصف ساعة.
4- مطار فرانكفورت كبير ومزدحم أنصحك تأخر الرحلة الداخلية وتخليها بالقليل 4 ساعات وفي جميع الحالات ان ذهبت عليك انت من تتحملها وليس الشركة

طبعا الا اذا كان نظام مطار فرانكفورت استلام الحقائب اولا ومن ثم التوجه الى المطار الدخلي - اذا كان خارج المبنى - او استلامها والانتقال الى الى الصالة الداخلية

الله يعافيك واجبنا

لاحظت انك ما اشتريتها لما قلت اوصل صباح السبت أو الأحد ولكن الى الأن ما عرفنا هل انت بتحجز من هنا
الى مطار هانوفر أو هامبورغ والترانزيت حيكون في فرانكفورت أو بتشتري الرحلة الداخلية منفصلة ؟

النقطة هذي مهمة

نظام استلام الحقائب من مطار فرانكفورت او مطار هانوفر هذا يعتمد على شركة الطيران اللي حاجز عليها اذا منفصلة تأكد انك بتستلمها في فرانكفورت وإذا الرحلة متصلة بتستلمها في هانوفر

الموضوع الأهم : لا أنصحك بترانزيت ساعتين الوقت ضيق جداً تقدر تحجز ليلة او ليلتين في فرانكفورت وتخلي الأخرى منفصلة

( 2018 حجزت رحلة الى ڤيينا وترانزيت في اسطنبول ساعتين وتأخرت الرحلة من السعودية والثانية أقلعت . الله وكيلك جلست 10 ساعات في مطار اتاتورك لين أقلعت صرت مرشد فالمطار اي أحد يسألني عن البوابات والمخارج أجاوبه) هههههههههههههه

عفوا بس لوفتهانزا تنزل هانوفر و مدة الانتظار ساعة و 45 دقيقة اذا من الرياض
و ساعتين لو من جدة
ليش حجزين منفصلين

الله يرحم موتاكم وموتى المسلمين ويسكنهم جنات النعيم

أختي الفاضلة كلامك صحيح ولكن فقط من باب الإحتياط تجنباً للإرهاق وإعادة جدولة الرحلات
إن أمكن يستطيع تجنب الترانزيت القليل أو يجازف ويتوفّق بها ، وإن تأخرت عليه مثل ما تفضلتي يستطيع ان يستأجر وينطلق للشمال

اقتباس :  المشاركة الأصلية كتبت بواسطة منيرة اذا تذكرة وحدة لوفتهنزا يوفرون لك رحلة ثانية بدون ماتخسر تذكرتك هذي شغلة عموما ساعة و 45 داخلي بتفكيك باذن الله لان العفش بتحرك اوتوماتيك فقط تختيم جوازات و اذا انتوا عايلة طلبوا عربة قولف تنقلكم و راح يدخلونكم الفاست تراك سايق العربة راح يرتب لكم بمجرد ماتعطيه البوردينغ كارد للرحلة الثانية انا لما اسافر مع والدتي رحمة الله عليها في سيارة القولف دائما ندخل الفاست تراك و بعض المطارات مثل هيثرو ماننزل من العربة بعد لان لها مسار مخصص لوفتهنزا و مطار فرانكفورت يمكن كان لي مرتين او ثلاث ترانزيت ماواجهت اي مشاكل عربة القولف واقفة تنطرنا و علي طول لي الفاست تراك بس للعلم مطارهم كبير لذلك السيارة مهمة للتنقل و اذا وايد متخوف خذ لك سيارة و خط لي هانوفر 4 ساعات