رحلتي السياحية الى الولايات المتحدة الأمريكية يونيو 2023م

ابو لانا · 31-08-2023, 03:11 PM

أورلاندو

(اليوم الثالث)

الجدول:

- نوم مفتوح نصحى متى مانبي
- صدق او لا تصدق Ripley's Believe It or Not!
- غداء متأخر في مطعم Red Robin المشهور
- شارع International Drive
- منتزه ICON Park
- اوت لت Orlando International Premium Outlets
- العشاء في الفندق والراحة

بعد يوم شاق ومشي تقريباً 12 كيلو في Magic Kingdom لابد من يوم للراحة. النوم كان مفتوح متى ماصحينا, وبالفعل صحينا متأخرين وماكنا جوعانين فأجلنا الغداء شوي ورحنا لوجهتنا الأولى صدق او لا تصدق Ripley's Believe It or Not التذاكر تقدر تشتريها لما توصل عندهم او اولاين مثل ماتحب وفيه 3 انواع:

- المتحف (من 12 سنة وفوق بـ 17 دولار للشخص) و (من 3 سنوات الى 11 سنة بـ 20 دولار للشخص)
- متاهة المرايات (من 12 سنة وفوق بـ 28 دولار للشخص) و (من 3 سنوات الى 11 سنة بـ 13 دولار للشخص)
- المتحف + متاهة المرايات (من 12 سنة وفوق بـ 40 دولار للشخص) و (من 3 سنوات الى 11 سنة بـ 28 دولار للشخص)

احنا اخترنا (المتحف + متاهة المرايات) واشترينا نظارات 3D من عندهم عشان تجربة متاهة المرايات تكون احلى وهذي اسعار التذاكر

دخلنا واشترينا التذاكر من عندهم مباشرة. المكان جميل جداً يستاهل التجربة مع لعايلة او لحالك فيه اشياء كثير حلوة

الأميرة لانا مبسوطة

المكان جميل صراحة ويستاهل

لانا كاتبه اسمها

الشيخة نور

صورة مع الاميرات واطول رجل بالعالم, طبعاً نور الصغيرة أطول من لانا كيف ماأدري

بعدها توجهنا الى متاهة المرايات جنبه مباشرة, وكانت ممتعة جداً انبسطنا عليها وتقدر تعيدها بنفس الوقت اكثر من مره

بعد ماخلصنا البنات قالو جوعانين, انا حطيت بالقائمة مطعم Red Robin, هذا المطعم مشهور بالبرجر وعليه مدح قلت مشنا نجرب, طلع بالضبط جنب صدق او ل تصدق يعني مايحتاج تحرك السيارة شوفو جمال اورلاندو

دخلنا المطعم وكان شرح وواسع والموظفين بشوشين ومتعاونين, والمطعم هذا فيه ميزه ان السلطة والبطاطس اذا خلصو تقدر تطلب ريفيل مجاناً

طلبنا الأكل وكان لذيذ صراحة عجبنا كلنا يطيب الخاطر بعد الجوع

خلصنا الأكل وطلعنا نتمشى مشي بدون سيارة في شارع International Drive هذا الشارع غني عن التعريف ويعتبر شارع رئيسي في اورلاندو وفيه كل شي من بدايته لنهايته

وين ماتمشي المكان شرح ويفتح النفس

البنات مبسوطين

لقينا بالطريق ملعب غولف اسمه Pirates Cove Adventure Golf عبارة عن ملعب غولف مكشوف بديكور قراصنة مكان حلو لكن الدخول بفلوس ومالنا خاطر نجرب فلقطنا كم صورة من برى

بعد التمشية رجعنا للسيارة وتوجهنا الى منتزه ICON Park وكان قريب 10 دقيايق مشي لكن ماحبيت اتعب البنات لأن امس تعبو كثير ورحنا له بالسيارة, المنتزه جميل جداً عبارة عن مطاعم ومقاهي والعاب مفتوحة والعاب مغلقة ومقاهي وأكشاك تبيع وفوود ترك يعني مكان حلو تتمشى فيه

وقفنا السيارة بالمواقف ودخلنا وهذي صور للمنتزه

لعبة
Sling Shot
المشهورة

بعدها توجهنا الى اشهر اوت لت في اولاندو Orlando International Premium Outlets كبير وله مداخل وخارج كثير, انا جلست وتركت ام لانا والبنات ياخذون راحتهم بالشوبينغ

بعدها رجعنا للفندق وريحنا وسهرنا وتعشينا واحلى نومه استعداداً لليوم الرابع ديزني Animal Kingdom...

خلوكم قريبين ...

q8ya metnaqla, الايمان, Abu Muataz و 2 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل سبق وزرت الولايات المتحدة	non91	فيزا امريكا	2	16-02-2022 09:32 AM
شرح طريقة حجز شقق فندقية بالصور في الولايات المتحدة الأمريكية	العنان	بوابة امريكا	22	01-09-2019 11:16 PM
تنبيه لزائري الولايات المتحدة	Well Done	بوابة امريكا	25	01-09-2018 05:49 PM
رحلتي السريعة الى الولايات المتحدة الامريكية	ek201	بوابة امريكا	11	03-06-2018 11:09 PM
تنبية للمسافرين إلى الولايات المتحدة الأمريكية (سياحة أو دراسة)	ابو ناصر المسافر	بوابة امريكا	28	10-04-2017 11:15 PM