رحلتي الى الشمال التركي واسطنبول بالصور والفيديو 11 ليلة - الصفحة 12

أبونــورهـ · 03-05-2015, 12:21 PM

ياسلام عليك ابداع واجواء روعه مثل روعة حضورك ياعناقيد

واصلي واحنا معاك

عناقيد الربيع · 03-05-2015, 01:37 PM

اقتباس : المشاركة الأصلية كتبت بواسطة طوق الياسمين

جزء رائع

يازين الوالد ربي يخليه وهو صادق برد وتبغين تجدفين
وانتي ماخذه احتياطك ههههه

الفندق عجبني رايق واطلالته مريحة

من جد ناقصتكم القهوة
عاد احنا يالسعوديين ماتحلالنا الجلسة بأي مكان بالعالم الا والقهوة بينا

يوووه نومتكم وقتها غلط وبالشمال لو انا مكانك كان بكيت من الضيقة اصحى 8 وانا مسافرة

جزء رائع وصور وفيديوهات رائعة

كملي

ننتظر المضاربة هههههههه

ويخليج حبيبتي انتي

اي لزم اخذ احتياطي حتى لو بروح ازور الاهل براس الخيمة "عندهم بحر" اخذ معاي احتياط عشان ما انقهر واقول اخ لو اخذت

اي حلو الفندق هااادي ونظيف

انتوا ما تحلى الا بالقهوة "ما احبها"

انا عني ما تحلى الا بالكرك

حبيبتي نصحى 5 ونص ومرات 6 وهيك

بس نومة العصر كان لا بد منها لان الوالد تعبان من السواقة ومو راضي يخليني اسوق

انقهرت اني ما شفت غروب الشمس من فوق " بصراحة انا نمت بدون تخطيط لنوم كنت ع الموبايل وفجاة ما حسيت "

تتعوض ان شاء الله بالرحلات القادمة

تسلمين ومرورج الاروع حبيبتي

دمتي بحفظ الرحمن

عبدالرحمن الصلالمعجبون بهذا.

عناقيد الربيع · 03-05-2015, 01:49 PM

اقتباس : المشاركة الأصلية كتبت بواسطة كتكات783

أهلا بك .. عناقيد ..

جزء ( إيدر ) كما هي الأجزاء السابقة .. سلسلة مترابطة بدرر سكّتها يد ماهرة ..

فعلا أجدتِ و أفدتِ .. والله التفاصيل مهمة .. أحيانا تكتب التقرير وتقول لا هذه النقطة ( مالها داعي )

وربما تكون مسألة يبنى عليها قرار ( أوكِ أو لا ) عند البعض ..

مثلا .. الرافتينق .. جربته في جزيرة بالي كان ممتع جدا جدا

وقرأت عنه ( موجود قبل دخولك لإيدر ) .. لكن لما ذكرتي بأن طوله ٣ كيلو فقط

غيرت رأيي فيه تماااااما .. أشوفه لايستحق ( في جزيرة بالي ١٦ كيلو )

أوزنجول وإيدر .. كانت تجربة الأكواخ الخشبية كسكن ممتعة وجديدة علينا ( ملينا من الأوتيلات )

فعلا إيدر في الليل موحشة ( وهذا طبيعي هي هكذا الأرياف ليلا )

استمري مشرفتنا على هذا الخط التصاعدي للتقرير .. حكاية تركية جااااااذبة

تسلم اخوي كلك ذوووق

مرات التفاصيل تفيد ومثل ما قلت مرات تقول مالها داعي وتمسحها

اجل الحمد لله سألتهم عن المسافة ...

ببالي 16 كيلو اكيد كان رووووعة .. يبالنا زيارة شبابية فقط مخصصة لرافتينق ههههه اعوضها ببالي ان شاء الله

الاكواخ حلوة ونظيفة ما توقعت مستوى النظافة فيها كذا ... اراء بوكينق نصها كلام فاضي اعتمد ع احساسي لجيت بحجز وبصراحة اقول دعاء الاستخارة

بصراحة موحشة بالقوووو اذكرت كل الافلام الامريكية عن قطاع الطرق و سفاح تكساس و كل لقطة رعب ... مادري كيف نمت يومها

ما احب الظلام وهذا الشي الوحيد اللي ضايقني بالشمال

تعجز حروفي ع الرد عليك ...

شكررااا ع متابعتك الاكثر من رائعة

دمت بحفظ الرحمن

عبدالرحمن الصلالمعجبون بهذا.

عناقيد الربيع · 03-05-2015, 01:51 PM

اقتباس : المشاركة الأصلية كتبت بواسطة Imagination

مبدعه. عشنا في ثنايا التقرير اوقات جميله... كما لو كنا معكم.. شكرا جزيلا

تسلم اخوي كلك ذوووق

ردودكم ومتابعتكم المستمرة هي الاجمل

العفو وهذا واجبنا اتجاه هالصرح العظيم

نورت صفحاتي بمرورك

دمت بحفظ الرحمن

عبدالرحمن الصلالمعجبون بهذا.

عناقيد الربيع · 03-05-2015, 01:53 PM

اقتباس : المشاركة الأصلية كتبت بواسطة أبونــورهـ

ياسلام عليك ابداع واجواء روعه مثل روعة حضورك ياعناقيد

واصلي واحنا معاك

تسلمون ع الردود الحلوة المشجعة

كلك ذوووق اخوي

ان شاء الله بنواصل وان شاء الله الاجزاء القادمة تعجبكم

مرورك الاجمل والاروع

دمت بحفظ الرحمن

عبدالرحمن الصلالمعجبون بهذا.

زهرة نيسان · 03-05-2015, 02:36 PM

عنقودة رافتينق في الشتاء
كويس الوالد مو من النوع المغامر وما وافق ههههههههه
بس ما شاء الله بعض الناس متعودين اذكر باستراليا يومياً كانوا يطلعون يسبحون الساعة 6 الصباح بعز البرد

فندق ايدر نظيف ويفتح النفس

وانا بعد اذا شفت السعوديين معهم قهوتهم اتحمس واقول ياليت جبت معي قهوة
والرحلة الاخيرة جبت معي بس ما سويتها ههههههههه

(بونتشاك) في اندونيسيا هي قرية صغيرة وكل شي يسكر بدري قعدنا 3 ايام ننام من العشاء ونقوم ونام
جانا إكتئاب لاننا من النوع الي يحب السهر وما تستهوينا اماكن زي كذا نمل بالرغم من ان الطبيعة فيها والجو خيال
وبيني وبينك كنا ساكنين بفلة وبالليل رعب ما تحسين بأمان

متابعين ومستمتعين

عبدالرحمن الصلالمعجبون بهذا.

فيصل · 03-05-2015, 09:19 PM

حمدلله علي السلامه

كل يوم أحاول أتابع التقرير وأنشغل قلت اليوم لازم أقرأه وأنهيه
ساجيك ولله الحمد منزله من زماان من أول ما نزل خبر عنه وبحثت عن برنامج يعفيني عن القارمن وبعدين قرأت أ[وغسان ما قصر شرح له
الحين فيه نسخ بدون ما تشتري جاهزه من النت
عاد المساحات ما تطرا علي البال الا اذا فيه مطر
الحمدلله ما تأخرت كثير
نتابع اليوم الثاني
يا زين هالصوره

الي هالدرجه يخوف ويمكن سقوط أي صخره
الحمدلله ربك ستر والوالد ما أًابه مكروه
من أِشوف المطاعم يذكر علي يوسف كوفته في بورصا

ربي يحفظه يسابقهم

حلوو ما طلب هويه ب سهل تغطيتها مثل الشركه الثانيه أم لا
الرافتنيج حلو و3 كيلو طيبه للي مو متعود يجرب هالرياضه وسعره مره رخيص بنظري
شاكرين لك ومقدرين
وان شاء الله استمر بالمتابعه

عبدالرحمن الصلالمعجبون بهذا.

عناقيد الربيع · 04-05-2015, 09:13 AM

اقتباس : المشاركة الأصلية كتبت بواسطة زهرة نيسان

عنقودة رافتينق في الشتاء
كويس الوالد مو من النوع المغامر وما وافق ههههههههه
بس ما شاء الله بعض الناس متعودين اذكر باستراليا يومياً كانوا يطلعون يسبحون الساعة 6 الصباح بعز البرد

اي عادي شو يعني ههههههه شايفه الانهار عنده مقطعة عشان ارفض التجربة

فندق ايدر نظيف ويفتح النفس

اي حلو بس حرامية ههههههه شوفي المفاجئة بالجزء القادم

وانا بعد اذا شفت السعوديين معهم قهوتهم اتحمس واقول ياليت جبت معي قهوة
والرحلة الاخيرة جبت معي بس ما سويتها ههههههههه

وش الفايدة تعبتي نفسج هههههههه

انا اذا ما احب شي ما اعرف اسوي ولا اتعلمه ليه اسوي قهوة وانا ما اشربها اللي يباها قدامه المطبخ

(بونتشاك) في اندونيسيا هي قرية صغيرة وكل شي يسكر بدري قعدنا 3 ايام ننام من العشاء ونقوم ونام
جانا إكتئاب لاننا من النوع الي يحب السهر وما تستهوينا اماكن زي كذا نمل بالرغم من ان الطبيعة فيها والجو خيال
وبيني وبينك كنا ساكنين بفلة وبالليل رعب ما تحسين بأمان

بونشاك "الجبل" حلوة بس مملة زي ما قلتي

اتذكر ابوي راح لها اهو وعمي وملوووا قعدوا باندونيسا شهر كامل شوي في بونشاك شوي في بالي وكم منطقة ثانية

بس عند ابوي تايلاند احسن من اندونيسيا الف مرة و الشمال التركي الحين احسن منهم الـ 2

الرعب عندي هو الظلام

متابعين ومستمتعين

تسلمين ع المتابعة حبيبتي وان شاء الله الاجزاء القادمة تكون افضل

دمتي بحفظ الرحمن

عبدالرحمن الصلالمعجبون بهذا.

عناقيد الربيع · 04-05-2015, 10:02 AM

اقتباس : المشاركة الأصلية كتبت بواسطة فيصل

حمدلله علي السلامه

الله يسلمك مديرنا

كل يوم أحاول أتابع التقرير وأنشغل قلت اليوم لازم أقرأه وأنهيه

معذووور مديرنا ما شاء الله عليك ما تقصر نشيط ترد ع الجميع

ساجيك ولله الحمد منزله من زماان من أول ما نزل خبر عنه وبحثت عن برنامج يعفيني عن القارمن وبعدين قرأت أ[وغسان ما قصر شرح له
الحين فيه نسخ بدون ما تشتري جاهزه من النت

ساجيك سايجك مادري شو اسمه انا استخدمه في دبي وممتاز جدا ونسخه مجانية نزلها لي زوج اختي اما حق تركيا بـ 99 درهم

عاد المساحات ما تطرا علي البال الا اذا فيه مطر

اه بس يا زين المطر و يا زين الثلج .. اول كل محد قالي ثلج قلت لا ما احبه ههههههه فكرته نفس اللي بسكي دبي

الحمدلله ما تأخرت كثير

الحمد لله وجودك يحفزنا ع طرح المزيد

نتابع اليوم الثاني

ان شاء الله تتابع جميع الاجزاء واسمح لنا ع القصور

يا زين هالصوره

الي هالدرجه يخوف ويمكن سقوط أي صخره
الحمدلله ربك ستر والوالد ما أًابه مكروه

اي والله الحمد لله جت سليمة المكان خطير ع الاطفال بالذات لانك ما تتوقع حركاتهم

من أِشوف المطاعم يذكر علي يوسف كوفته في بورصا

شفت اكثر من حد يمدح يوسف كوفته منهم الاخوان بتويتر لصارت لنا فرصة بيوما ما ورجعنا تركيا بعد الحصار نجربه ان شاء الله

ربي يحفظه يسابقهم

ويحفظك اخوي ... اي والله يسابقهم عرفت الحين انا طالعه ع من

قلت له اذا جاك خبر بنتك تسابق حد لا تستغرب ولا تعصب .. البنت سر أبيها

حلوو ما طلب هويه ب سهل تغطيتها مثل الشركه الثانيه أم لا

من تغريدات عاشق اسطنبول اقولك تركسال افضل كمان من سعر المكالمات ارخص

اطلعت ع تفصيل الاسعار وقالي وللاسف نسيت اسجل المعلومة فطارت مني

افيا عيبهم ما تلاقي ارسال بكل مكان ومرات ضعيف النت جنن اهلي مرة ضعيف ومكالماتهم نااااار

الرافتنيج حلو و3 كيلو طيبه للي مو متعود يجرب هالرياضه وسعره مره رخيص بنظري

اي سعرهم مرة حلووو و معقول جدا

عندنا بالعين مغامرات الوادي اسعارهم نااااااار

شاكرين لك ومقدرين
وان شاء الله استمر بالمتابعه

العفو مديرنا وهذا واجبنا واقل من واجبنا ومهما كتبنا نظل مقصرين في حقكم

جزاكم الله خير الجزاء ع هذا الصرح العظيم

متابعتك تسعدني جدا

كل الشكر ع المرور الحلو

ودمت بحفظ الرحمن

عبدالرحمن الصلالمعجبون بهذا.

طارق عنايات · 04-05-2015, 10:21 AM

جزء ايدر جميل جدا

مناظر تفتح النفس

منسوب المياه على طول كذا و الا يرتفع لاني احس الماء قليل

فيديو منطقة الرافتينج خرير الماء شيئ رائع

تسلم ايدك و اكيد متابعك

عبدالرحمن الصلالمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي في مطعم Nusr-Et Steak House بالصور والفيديو	عناقيد الربيع	تركيا	63	19-02-2018 02:13 PM
برنامج سياحي بجدول للشمال التركي واسطنبول	أبو أسامة	تركيا	48	24-01-2018 02:56 PM
رحلتي العائلية الى الشمال التركي (عشرة أيام ممتعة) معلومات مهمة	(( أبو رائد ))	تركيا	46	11-01-2018 11:11 AM
جدول رحلتي (عشرة أيام) إلى الشمال التركي بالتفاصيل ( للفائدة والاستفادة)	(( أبو رائد ))	تركيا	8	02-11-2015 04:12 AM