جلسنا في واشنطن 3 ايام وبعدها بالسياره الى اورلاندو لكن بتنا في مدينة سانت اوغسطين قبل اورلاندو ب200 كلم وكنت متعمد ابات فيها بعد ماقطعنا يمكن 1200 كلم مشيتها في اليوم الاول ،،المهم مدينة سانت اغسطين مدينه تاريخيه عظيمه لها تاريخ وفيها اثار قديمه واللي بيقراء عنها يشوف الى درجة انه فيه بيت واحد من اكثر من 100سنه وحاطينه متحف مزار واكثر ديكوراته وتحفه عربيه حتى فيها كتابات من القران الكريم والغريب فيها صور اهل البيت قبل 100 سنه في نفس الغرف الحاليه والله شي مبهر …
وزرنا مبنى قديم وحالياً صار جامعه ومزار ولفينا فيها ابوساعتين طبعاً هذا كله اليوم الثاني لان اورلاندو مهيب بعيد وماحنا مستعجلين عليها على مايحين وقت دخول فندق اورلاندو ..
وصلنا كيسيمي وكنت حاجز تقريباً نفس المنتجع اللي اخذه كل سنه ومخلين الرحله استجمام بدون الابناء الله يحفظهم ..
رحنا يوم الى مدينة كليرووتر البحر في تامبا ومنها متعمد ابي اروح مطعم ايراني سبق ان اكلت فيه 2013 عندهم بوفيه غداء وعشاء ،،،
بعد كيسيمي عودتنا من واشنطن لكن مخطط باذن الله ارجع واشنطن واروح من عندها الى مدينة هيرشي في ولاية بنسلفينيا لانها قريبه من واشنطن بروح وارجع في نفس اليوم والحقيقه ماعمري جيتها مجرد قريت عنها فقط واللي عنده معلومات عنها لايبخل علينا مشكور …
حبيت انقل لكم بعض من رحلتي المتواضعه