السلام عليكم

انا مسافرة ان شاءالله شهر 8 مع 5 اطفال من عمر 16 الى 5 سنوات
حجزي من الدوحه الى كوبنهاجن 5 أيام طياره داخليه الى بيرغن 6 أيام طيارة داخليه الى اوسلو 3 أيام ومن اوسلو الى الدوحه

حبيت استفسر بخصوص بيرغن وين ممكن اروح بالسياره مع الاطفال مكان فيه انشطة يستمتعون فيها ومابي طريق اكثر من 3 ساعات !!
والشي الثاني اذا بقعد في ڤيلا يومين اي منطقة تكون حلوة فيها أنشطة وتكون قريبة من جيرانجير اقدر اروح وارجع حق الفيلا وبعدها ارجع حق بيرغن ..سمعت ان جيرانجير حلوه واذا ماتسوى عطوني بديل ☺

لاتقولون لي بليييز جوفي موضوع وحده كاتبة عن مناطق النرويج الصراحه ماعرفت وماقدرت اسوي الجدول حسيت كلشي بعيد اخاف العيال يتمللون ومابي مناطق كلها بس جبال وشلالات ابي عالاقل فيها العاب قطار دراجات رحلات بحيره شي يناسب الكبار والصغار

راجع لك اختي ام محمد

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

حياك اختي ام محمد
اذا بتسافرين لازم تتعبي شوي في البحث ومتابعة بعض التقارير للفائدة وكذلك انتي تختاري مايناسبك من الاماكن السياحيه
رحلتك 6 ايام في بيرغن وماتبين مسافات طويلة
جيرانحر وسترين من أجمل مناطق النرويج بس المسافة بعيدة عن بيرغن اقل شيء 8 ساعات واكثر لايهمك قوقل مابز وكمان بيكون يوم وانتي رايحه ويوم وانتي راجعة لبيرغن ماعتقد بيكون عندك وقت ولكن خليك على بيرغن والمناطق القريبة منها مثل فوس وشلالات ستاينسدلس فس وفلام وايدفجورد eidfjord وهي بلده صغيرة تستحق الزيارة وفيها انشطة مناسبة للأطفال ومنها زيارة شلالات فروينغفوسن والمناطق كثيرة وجميلة ومناسبة للاطفال وقريبة من بيرغن وفوس
بعطيك مخطط 6 ايام في بيرغن وفوس
اول يومين بيرغن و 3 ايام او 4 ايام فوس تسكني فوس
او يومين بيرغن وفوس 3 ايام وترجعي اخر يوم لبيرغن
اما الاماكن اللي بتزوريها فهذا يبقى اختيارك بعطيك رابط تقريري وانتي حددي أين تذهبين
https://www.arabtrvl.com/vb/t27629-2.html


لازم تتعبي شوي وتبحثي عن الاماكن اللي تناسبك مع ان كل شيء واضح في التقرير فقط حددي الاماكن اللي تبينها ودونيها
اتمنى لك رحلة ممتعه وسعيدة واذا احتجتي لأي استفسار ثاني انا والاخوان هنا ماراح نقصر معاكِ أن شاء الله

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save