العفو عزيزي كمون

1- الباص يتحرك كل ربع ساعة وفي نص ساعة وفي مناطق ساعة على حسب وين وجهتك ( كل باص له رقم وجدول رحلات ) تأخذه من مركز المعلومات.

2- نعم يصل لأقرب نقطة وإذا كانت قمة يصل الى التلفريك

3- لا ياعزيزي الساعة 10 مافي الا أنت والخفافيش أتوقع أخر رحلة الساعة 7

4- أوبر موجود لكن فالليل محد حولك الناس نايمة أو لا تصلح للقيادة 😂فالليل مافي شيء حرفياً

5- بالنسبة للسكن لا تسكن أطراف زيلامسي إذا ما معك سيارة خلك قريب من الخدمات ويوجد كذا محطة حافلات ترا مو بس وحدة لازم تعرف المواعيد اللي يمر فيها الباص وكله من مركز الخدمات

6- المطاعم الحلال في زيلامسي منتشرة بس أكتب في قوقل ماب halal restaurant وتصل لمبتغاك واكتبها في أي مدينة أوروبية وتلقى لك جواب ، زيلامسي ترا صغيرة جداً مشيتها كلها من أولها لأخرها ولكن على حسب الأجواء ..

لازم تصاحب google maps لاحظت أنه هوا ما تحتاجه بس أدخل المكان أو المنطقة اللي تبغاها في خانة البحث وهو يقوم بالواجب ويعطيك الخيارات باصات، مشي ، سيارة ، قطار ، طيران ، دراجة ويعطييك جدول الباص أيضاً ، فعلاً لم أجد مثله صاحب فالسفر وترا الموضوع أسهل بكثير مما تتخيل