السلام عليكم ورحمة الله وبركاته
انا بروح طرابزون إن شاء الله بتاريخ 25 اغسطس والعوده 10 سبتمبر
وعندي كم سؤال واستفسار اتمنى منكم تساعدوني تكسبون اجر الوالد والوالده لانهم راح يكونون معي بإذن الله
السؤال الاول : هل التواريخ مناسبة للسفر من جميع النواحي ؟
السؤال الثاني : ما هي انسب وافضل طريقة بخصوص الانترنت ؟
السؤال الثالث : من وين استأجر سيارة افضل حل وطريقه هل فيه مواقع موثوقه احجز من خلالها على الانترنت او من عند المطار مباشرة افضل ؟
السؤال الرابع : انا ابي استقر في طرابزون كامل الرحله تكفون ابي سكن يتكون من 3 غرف ويكون مطل على البحر وقريب منه اللي عنده طلبي او يعرف رقم احد اتواصل معاه يوفر المطلوب او طريقة اخرى
السؤال الخامس : انتم عارفين انه معاي والدي ووالدتي وكبار بالعمر ما هو حل الشطافات داخل دورة المياه اعزكم الله يعني هل يوجد طريقة معينه لتركيب شطاف ؟
وشكرًا لكم مقدمًا وجزاكم الله خير

اهلا بك

بحاول أجاوبك باللي اعرفه

النقطة الأولى …
التوقيت مناسب من حيث تلاشي الزحمة
تضمن المدارس بدأت ورجعوا السياح
والطبيعة ما زالت مستمرة بالخضار

النقطة الثانية …
إذا معك مجموعة خذ لك مودم انترنت مفتوح
عندك عدة شركات من اشهرها رنت كونكت
وإذا بس أنت تحتاج انترنت شوف تطبيق airalo

النقطة الثالثة …
ركز على الشركات العالمية
أو محلية مجربة ( جارينتا / سيزجي )
عندك موقع رينتال كار أو مواقع الشركات نفسها
وأميل تحسم امورك من بلدك لا تنتظر توصل المطار

النقطة الرابعة …
افتح قوقل ماب واكتب مطار طرابزون
وإذا طلع الموقع اكتب بعدها apart
بتطلع لك شقق كثير مقابل المطار
شوف التقييمات والصور وغالباً رقم التواصل واتس

النقطة الخامسة …
لعل أحد يفيدك أعرف مني
لكن بتركيا الكرسي فيه شطاف داخلي
لأن البعض يحسب الوضع مثل اوروبا ما فيه

بالتوفيق

والله يا اخوي انا توي جاي من تركيا وشفت بالنسبة لايجار السيارات افضل شي انك تحجز من المطار خاصة انت رايح بغير الموسم وبعد عودة المدارس يعني باذن الله التوفر موجود واذا كان غير موجود بالمطار في مكاتب كثير في طربزون ممكن تستاجر منها واتوقع والله اعلم انها ارخص لكن زي ما قال اخوي نواف اعتمد على الشركات الموثوقة والمجربة

بالنسبة للسكن اذا يسمحولي الاخوة في المنتدى انا سكنت في شقة جميلة ثلاث غرف في طرابزون اعطيك رقمها في البلد تبعد عن المطار 20 دقيقة تقريبا ولكن لالوصول لها به طلعه و اللي معك كبار الا اذا كان معك سيارة امورك تمام

بالنسبة لشريحة النت انا اول ما وصلت اخذت turkcell ب600 ليرة تقريبا 100 ريال مدتها 3 شهور وبها 25 جيجا انترنت واتصال مجاني كفتني وزود وهي ارخص خيار كان موجود

بالنسبة للشطاف كل مكان رحتو كان فيه شطاف داخلي يؤدي الغرض لكن كان ايضا معاي شطاف اشتريتو من محلات البر والبحر اللي ينشبك بالمغسلة وله راس شطاف من الجهة الثانية لكن ما استخدمتو

اهلا بك

إذا التكلفة اللي قلتها اشوفه مرتفع
سعرهم كان تقريباً 5 يورو في اليوم
ولو تواصلت معهم بتويتر يعطونك كود خصم
الخصم عبارة عن 5 يورو .. يعني يوم مجاناً

شوف هذه شركات ثانية وقارن بينهم

All day wifi
Stay in wifi
Always With Wifi


وممكن تطلع من تورك سيل
بس ما قد طلعت شريحة منهم
وأهم شيء اختار اللي يناسب استخدامك

بالتوفيق