ميلان صيف 2023 - الصفحة 3

آخـــرفـــرصـــة · 25-09-2023, 10:43 AM

اقتباس : المشاركة الأصلية كتبت بواسطة namareq

صباح الخير جميعا

خوش تقرير عالصبح
ميلان وذكرياتها الحلوه والمره
اختيار الشقة موفق نظيفه ومتكامله
السنه رحت لها بفبراير
الجو بارد وحلو
ما صادفنا نصابين بالدومو بس جنطتي انسرقت وداخلها تلفوني بلحظه
وهذي اول مره تصير معاي بحياتي كلها
فانتبهو
متابعه الجمال ام حسين

صباح النور

معوضين خير
النشالين في إيطاليا يقال عنهم يسرقون الكحل من العين
بلدين نرفع مستوى الحذر فيهم لأن السرقة فيها مرتفعة
إيطاليا وفرنسا

توبليرون, Boarding Pass, الايمان و 1 آخرون معجبون بهذا.

توبليرون · 25-09-2023, 02:23 PM

ميلان
الأربعاء 9 / 8 / 2023

ثاني يوم في السفرة وفي ميلان

صباح جميل ومن ورا البلكونة نصور الاجواء
ولقيتهم حاطين صورة حمادة على المبنى المقابل

اخذنا تاكسي ورحنا مشوارنا وصور من الطريج

مادري شسالفة هالاثنين فوق

ونزلنا هالميدان

هذا كان جدامنا
وهذا ورانا ومبتغانا

اسم المنطقة من البوم الصور

Cordusio

اكبر ستاربكس

ودخلنا ماشاءالله كبير والأكل متنوع
البنات وحده راحت تطلب قهوة ووحدة معاي نطلب الاكل

سلادي يعني سيل

سكيشن ثاني المكان وايد كبير وفيه قعدات وزحمة المكان ماكو مكان الا الكراسي المرتفعه

شايفين البايبات اللي فوق تمر فيهم القهوة وتلاقون الطريقة بالفيديو ان شاءالله

طلبنا من الكرواسون

2 بالككاو ووحده بالبيض لي

كرواسونتي اللذيذه
وكباتشينو

وقهوة البنات

بعدين يوو دانه وابوحسين ونطرناهم يتريقون وتشرينا اكواب وتذكارات منهم

طلعنا بره انا وابو حسين ننطر البنات
وصارت زحمة وطابور الحمدلله احنا رحنا مبجر

فيديو

https://youtube.com/shorts/SdVtEf5eC1w?feature=shared

https://youtu.be/VqvtOoMre8A?feature=shared

يتبع

Boarding Pass, q8ya metnaqla, namareq و 4 آخرون معجبون بهذا.

توبليرون · 25-09-2023, 02:24 PM

ونكمل جولتنا اليوم

وعقب الريوق طلعنا للدومو والاسواق اللي يمه

غليريل فيتوريو ايمانويل الثاني

خوش سوق ومحلات وبوتيكات مميزه

ودخلنا محل لونج شامب هبتنا هالسنة
مع اني شارية منها سفرة باريس العام وقلت اخذ ثانيه كروس

ماحصلت اللي ابيها هني

رسومات قديمة بالسوق

وبنروح هالصوب

مايبون احد يقعد عند الفترينه

بنيانهم القديم لازم النحت فيهم

وهني دخلنا سوق نفس سيلفردجز وهارودز فيه ماركات بس هذا اسمه صورته من الباب الخلفي

الدومو من السوق

تمشينا بكل الادوار وعقبها طلعنا

ورحنا نجرب بيتزا سبونتيني

كانو البنات سابقينا وواقفين طابور
وزحمة ورايحين بس بناخذ وحده نجربها يعني

حليوة كتجربة

قعدنا عقب الاكل نريح بكافيه مقابله

حاطين مراوح الحمدلله الجو حار مع ان الصبح كانت افضل
الظل تمام

كملنا تمشي بالاسواق ورايحين الى لونج شامب الفرع الاكبر

يتبع

Boarding Pass, q8ya metnaqla, namareq و 2 آخرون معجبون بهذا.

توبليرون · 25-09-2023, 02:27 PM

نكمل

وهني قلت لهم جم باجي على الطريج قالو لي خمس دقايق مشي

واخلي دانه تطلب لي تاكسي طبعا يقولون لك ما يصير المحل قريب قالت له دانه امي ما تقدر وودانا جزاه الله خير

ونزلنا عند باب المحل في

San Babila

وصلو البنات ورانا بشوي وبعد ما خلصنا وتشرينا
صورت لكم المحل من بره

ورحنا صيدليه دام دانه معانا لازم ندش هههه وهفب الصيدليه رجعنا الشقه بتاكسي انا والبنات بوحسين نص التسوق رجع الفندق

فيديو الدومو

https://youtube.com/shorts/VpDQUr9Ni6M?feature=shared

وريحنا وصلينا وحطينا اغراضنا
وصار العصر قالو البنات في مكان نهر ومطاعم نروح نتغدا هناك
وطلعنا البنات راحو بالترام وعقبها باص

واحنا اخذنا تاكسي وهني ننطر التاكسي والتقاطع خلف عمارتنا
وهو الشارع الرئيسي

وهني جدامنا موقف للتكاسي

على يسارنا الشارع يودي للدومو

وعمارتنا اللي على اليسار

وصل التكسي ورحنا للنهر

يتبع

Boarding Pass, q8ya metnaqla, namareq و 3 آخرون معجبون بهذا.

Boarding Pass · 25-09-2023, 10:59 PM

اقتباس : المشاركة الأصلية كتبت بواسطة المسافر2020

أبو حسين دائما ما يتفق معكم في الأكل هههههه
لكن ما خبرتينا وين تغدى
الله يعطيك العافية على السرد الرائع

هههههههه إي والله
ملاحظة أبو حسين من تقارير لندن له شط و خط لحاله

توبليرون, الايمان و Boeing معجبون بهذا.

Boarding Pass · 25-09-2023, 11:05 PM

اقتباس : المشاركة الأصلية كتبت بواسطة توبليرون

قلبوووس يالثيّارة
مستعدة أسوق إذا بسوق ذي

مستمتعيـــن يا أم حسييييين
كتّري كتّري ما تبخليش

توبليرون, الايمان و Boeing معجبون بهذا.

توبليرون · 26-09-2023, 12:02 AM

اقتباس : المشاركة الأصلية كتبت بواسطة Boarding Pass

هههههههه إي والله
ملاحظة أبو حسين من تقارير لندن له شط و خط لحاله

اييي ابوحسين ما يحب السوق واي شي يحتاجه تلاقينه يروح المحل ويخلص شغله ويرجع

مو مثلنا احنا نقعد نقلب القطعه الف مره ونفتر المولات محل محل
الحمدلله يا معودة البنات كبار وندبر امورنا والا چان ما نتمشى على راحتنا بالسوق اذا معانا ريال هههههه

بوحسين يحب المباريات والتعرف على العرب اللي عايشين هناك ويقعد يسولف معاهم

اذا في رحلات يحب الرحلات فيطلع معانا

الايمان و Boeing معجبون بهذا.

توبليرون · 26-09-2023, 12:06 AM

اقتباس : المشاركة الأصلية كتبت بواسطة Boarding Pass

قلبوووس يالثيّارة
مستعدة أسوق إذا بسوق ذي

مستمتعيـــن يا أم حسييييين
كتّري كتّري ما تبخليش

هههههه بالعكس سياقة هالسيارة تخرع
تخافين يمرون فوقها السيارات الكبيره

ان شاءالله الياي وايد بس التنسيق والحاجات يبيلها
ربي يسعدج على مرورج الجميل

الايمانمعجبون بهذا.

توبليرون · 26-09-2023, 09:58 PM

ونكمل جولتنا

منطقة

Naviglio Grande

ووصلنا النهر او

حبيت المكان من اول نظرة

كنا فوق الجسر هناك نزلنا

وأخترنا المطعم اليوناني

ووصلت طلباتنا

طلبي صحن شاورما
بالسلطة اليونانيه

يعني مسقعة

كبة خضار

الحمدلله على النعمة الاكل اعطيه 7 من 10 زايد الملح فيه
والحين نتمشى بالمكان

وقفنا نشوف السمج

وصعدنا الجسر ووايد اقفال معلقه هني

مركب يفتر بالنهر

واللي يبعيون السوفينرات اغلبهم من الجاليه الهنديه

قعدنا هني

وطلباتنا
عصير ماتشا ومادري شنو فيه بس حلوو وابوحسين تعلم على الاسبريسو

والبنات شروا قهوة بارده وعصير نفسي
مشكلتهم الطاولات صغيره ولاصقه ببعض

بعد الراحة قمنا نتمشى ونتشرى من السوفينرات

يتبع

q8ya metnaqla, namareq, الايمان و 1 آخرون معجبون بهذا.

توبليرون · 26-09-2023, 09:59 PM

ووصلنا

عبرنا الشارع بعد الجسر وهذا المنظر

الناس مبسطة هني بس ما اقدرت انزل واقعدوا البنات يحاولون يتطلبون تكسي

ما حصلنا تكسي بالتطبيق
ومافي تكاسي تمر
الا بعد مده لقينا واحد منزل ناس واشرنا له وصعدنا الحمدلله

وطلبنا منه يودينا بريماك نزلنا وتشرينا شوي انا وابوحسين والبنات تمشوا بالمحلات مثل زارا وسيفورا ورجعوا على بريماك

بريماك مرتب مع ان اخر الليل

الوان الجناط حلوه هالسنة

انا اذا خلصت اقعد انطر البنات مجابل المحل

وبس ننطر تاكسي يوصلنا الشقة

فيديو جولة النهر

https://youtube.com/shorts/r7H6-U4gNe4?feature=shared

وبس الى يوم جديد ما نتعشى هاليوم لان ماكلين متأخر

q8ya metnaqla, namareq, AL Tunaiji و 2 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كتكاته في دبي 2023	كتكاته	بوابة الامارات	19	10-05-2024 04:08 PM
أمريكا 9 2023	مسافر 12	بوابة امريكا	7	29-08-2023 06:22 PM
جولاي 2023	Reham2013	بوابة سويسرا	7	18-05-2023 06:02 PM
اوربا في صيف 2023	Rema	بوابة سويسرا	3	23-01-2023 01:41 PM
رحلتي الشتوية.. ميلان كومو البندقية فلورنسا بيزا ربالو برتفينو ميلان	ATL	بوابة ايطاليا	84	03-03-2019 04:38 PM