مستمتعين بالصور

كومو يبيلها ليلتين الى ثلاث بالجو الحلو

المطل من فوق وايد حلو بس اعلى شي بالقمه يبيله مشي واااايد

متابعه

ميلان
اليوم الرابع
الجمعة 11 / 8 / 2023



اليوم يوم راحة بالنسبة لي
اول شي قعدت للصلاة الفجر وصورت بره البلكون























وبعد هالتصوير رجعت كبرت المخدة وقمت لقيت الربع طالعين
ماكو الا دانه
بدلنا وطلعنا لكافيه قريب نتريق




























ودخلنا داخل بعد الطلب واغلب اللي عندهم حلوو
طلبت كرواسون بالزبده ومربى التوت للأسف ماكو جبن





ووصلت طلباتنا




الكباتشينو لذيذ







بعدها رجعت الشقة عندي غسالة والأهم الراحة
ودانه راحت لخواتها السوق

صور من البنات لجولتهم الصباحية

محل لورا بيانا
والحمدلله لقوا اللي يبونه








هذا المحل يمدحونه كوفا
ويمدحون التيراميسيو





ودانه راحت للماتشا














يتبع

نكمل وياكم



نزلت مع البنات على الساعه 2,30 الظهر رحنا نتغدى بفايف غايز نفس شارعنا باتجاه الدومو

وهذا محل اللي تريقنا فيه الصبح وبنايتنا البيضا اللي هناك







الصورة الوحيده للغدا




بس تغدينا طلبنا تاكسي ورحنا السينما الناطقه بالانجليزي
في منطقة
Porta Vittoria




اتونس السينما





كان خوش فيلم من يذكره



حجزنا تذاكر وتشرينا من هني


ماشفنا احد يشتغل الا اثنين اللي يقص التذاكر واللي يبيع ومافي من اللي بيدشون السينما الا واحد مع بنته وولده




















الاسبريسو نتفه زيدوها لنا احنا اهل القهوة




وهذا فيلمنا ممنوع بالكويت



وهذه التذكرة الواحد ب 6€




شاشه معلقه في هالاستراحة












ورحنا نصعد حق صالتنا اسمها
صالة برلينو




اسماء مدن لكل صاله



هني باربي بالايطالي




هذا معروض عندنا بشهر يونيو دشيناه يوم عيد ميلاد حمادة
كان طويل وبايخ وكلنا اندمجنا بس حماده يلعب هههه





















خلص الفيلم الصاله مافيها الا احنا ورانا بنات من السعوديه والعايله اللي شفناهم تحت
البنت والابو يتابعون الفيلم والولد ماشاءالله مو مهتم بالفيلم بس ما خلا كرسي بالصاله كامله ما راح له بس هادي يعني بدون صوت يتحرك



الفيلم ما فيه شي يمنع العرض مادري ليش تم منعه بالكويت




بره السينما وننطر تاكسي طلبنا من التطبيق



وصل التكسي وقلت لهم انا ابي الشقه التعب مازال موجود

والبنات راح الدومو وابوحسين



هذا المبنى القديم في منطقة

Universita degli Studi di Milano



رايحين عن متجر أبل




احسن شي للتعب اقعد وريح مع المناظر الجميله والجو حليوو



والعشا طلبنا من مطعم فلافل طبعا الطلب دانه اطلبت لنا والسندويش وايد لذيذه





حساب الفلافل
الطلب عن طريق ديلفيرو





الحمدلله انتهى يومنا هذا والى يوم اخر جديد
وجولات جديدة

ماكو فيديو لان تصوير للفيلم ومحاولات فاشله هههه

اهم شي بالسفر انج تكونين مستمتعه ومرتاحه

زين سويتي ريحتي وما ضغطتي على عمرج

وبنفس الوقت باجي المجموعه مو متقيده معاج

متابعه

ميلان
اليوم الخامس
السبت 12 / 8 / 2023





اصبحنا واصبح الملك لله
اليوم قعدنا شوي متأخر مريحين
وتجهزنا والريوق اكلت بسكوت وشاي خفيف

وطلعت مع البنات فرفر وغنومه والى
مول السيتي لايف

وهني عند الشارع ننطر التاكسي اللي طلبناه





المحلات اللي اصحابها ماخذين اجازة





والترام رايح وجاي شغل عدل لوعندنا چان خفت الزحمة





والكافيه اجازه بعد بس شوفو مواقف التكاسي هني
على اليسار




المحلات كلها بالشارع 90٪ اجازه


وهالجهة الشارع اللي يودي الى الدومو








والباص السياحي متواجد







ووصل التاكسي ورحنا للسيتي لايف

CityLife Shopping District


قبل لا احط الصور نشوف نبذة عن السيتي لايف

رابط يبين وصف للسيتي لايف التصميم لمجموعة مهندسين من العالم من ضمنهم المهندسة العراقيه *زها حديد*

https://e3arabi.com/الهندسة/شقق-سيتي...fe-apartments/


نبذه عن المول
من سائح كويتي

‏مجمع تجاري في مدينة ميلان الإيطالية

‏ـ مجمع تجاري جميل وراقي صغير إلى متوسط الحجم نسبياً يقع في منطقة Piazza Tre Torri
ـ المجمع التجاري قريب من وسط المدينة وساحة الدومو أقل من 20 دقيقة في السيارة أو تاكسي
ـ الدوام الرسمي في هذا المجمع التجاري يبدأ من الساعة 9:00 صباحاُ إلى الساعة 9:00 مساءً
ـ المجمع جميل وراقي له متاجر ومحلات خارجية وسوبرماركت وصيدلية وكافيهات ومطاعم
ـ من الداخل تجد محلات تجارية شهيرة مثل Guess و Coin و Jaked و Tommy و OVS
ـ من الماركات أيضاً Max & Co و Levi's و Jack & Jones و Calvin Klein و Adidas
ـ تجد مطاعم وكافيهات متنوعة في الدور الثاني في المجمع ويحتوي المجمع على صالات سينما
ـ يوجد محطة مترو قريبة ومباشرة عند المجمع التجاري تحمل إسم Tre Torri يمكن الذهاب خلالها
ـ توجد مكتبة كافيه إسمها RED تشتري الطعام وتقرأ كتابك حيث توفر لك المقاعد والكتب والطعام
ـ المجمع صغير مكون من طابقين أساسيين مغطى ومكيف عدا قليل من المحلات والكافيهات الخارجية
ـ لا بأس بزيارة هذا المجمع التجاري ومشاهدته والتسوق فيه خاصة إن كنت في مدينة ميلان الجميلة


وهذا اهني وصلنا


















محلات كبيرة على الجهتين







هالمحل اول ما وصلنا كان مسكر حمدت ربي لاني ان دشيت ماراح اشتري واتحسف بعدين اشياء ومواعين حلوة للمطبخ تهبل بس اخاف من الوزن ووراي مشاوير





اخر الممر تلاقي المحلات بعد يمين ويسار




المول كبير ومتفرع لمولات ثانيه




ورحنا يسار
وهذه اسماء المحلات وفي محطة مترو






وصورنا شقق زها حديد قبل لا ندش المول
















وطريجنا الى الفودهول جواعه البنات وبلغنا ابوحسين ودانه ايوون على موقعنا ننطرهم هني
على ما نتغدى












هالمطعم ديكوراته اتونس











من تجار سوفينرات ميلان واوربا كلها …محلهم جنطتهم …




يتبع

نكمل معاكم



احنا بالطابق الثاني
اختارو البنات مطعم وعلى ما يطلبون طلعت اصور








التصميم للمجمع نفس طريقة العمارات




محد قاعد لان غدانا صار مبجر مو متريقين




وهذا منيو مطعمنا اللي اخترناه






ووصل غدانا

وجبة فرفر





ووجبتي بيتزا بجبنة الريكوتا لذيذه





ووجبة غنومة







السينما فوق

وطلعنا بره من الجهة الثانيه
















وبعد ما وصلو ابوحسين ودانه تغدوا بوحسين اكل سمك
ودانه تغدت بورجر في مطعم داخل مكتبه

للاسف ما صورتهم لاني قمت بجولة التسوق الممتعه












وهني بعد التلفلف والتشري مع دانه اشتهينا نشرب عصير طازج من هالمحل



تصدقون ما عندهم غطا للقلاص





وتمشينا عقب عندهم محلات نفس بريماك موجوده هني















ورجعنا بالتاكسي بعد التسوق الحلو
طبعا التكاسي لازم من التطبيق بس بوحسين يوم راح طبعا تغدى وتمشى شوي ورجع ولان التكسي ما يشيل خمسة راح بتأشيرة لتكسي مار بالشارع

يتبع

ونتابع



ووصلنا الشقه وصلينا الظهر والعصر
وريحنا وقعدنا بالبلكونة ننطر اذان المغرب



















والدومو بالتقريب










وهني طلعنا والبنات كانو نارلين قبلنا مجربين السكوتر






واخذنا الترام ونزلنا عند الدومو عند المطاعم

منطقة Vie 5


هذا مطعم تركي




جدامنا محلات الماركات




ورحنا كنتاكي نتعشى لقينا طاولة بره وقعدنا






طالعو وجبتي التب اصغر من القلاص



شوفوه حجمه بيدي تب قطع الستربس



هالترام كشخه




بعد العشوة
والقارص اللي كان بؤرة هني







رحنا لمحل ايسكريم Venchi

يمدحونه وايد




لقينا الطابور طوييل ووقفوا البنات وحتى داخل المحل طابور












واحنا ننطر





وبريدنا انا و غنومة
وصورة للذكرى











ورجعنا للدومو ونتمشى شوي







واخذنا التكسي ورجعنا الشقه وهذه الصورة من السيارة
منطقة
Cordusio



فيديوات اليوم


https://youtube.com/shorts/IZ2a0GzB3zo?feature=shared


https://youtube.com/shorts/s7staUpOXmc?feature=shared



https://youtube.com/shorts/rCLDinGXcE8?feature=shared



وخلص يومنا بالرجعه للفندق والنومة الهنية
والى جولات اليوم السادس انطروني