ونكمل معاكم




وكلموني البنات وقالو اهم بستاربكس ودلوني انا وابوحسين رحنا لهم واصور لكم كل ما تشوفه عيني






ووصلنا ستاربكس ماشاءالله كبير بعد واول شي ندور الحمامات وما يفتحونها الا تطلب من العامل




الجلسات في بره بس حر احنا نبي التكييف وهذا الحاجز بين اللي كاونتر البيع وبين الجلسات الداخليه



وادور البارد





وتقريبا ريحنا ساعه
وبعدها طلعنا
الشارع او المنطقه هني اسمها

سيتا انتيكا

Citta Antica








شارع فيه الماركات العالميه وزحمة ناس



ووصلنا الى
مدرج فيرونا /
Verona Arena





مسكر للصيانة








وايد واقفين يصورون هني










في طاولات وكراسي قعدنا ريحنا والبنات فروا شوي هني بين المحلات








الصور من تصويري وتصوير البنات

















هذا لابس اللبس القديم والكل يصوره ويصور معاه













ومشينا ناخذ تاكسي يودينا لمحطة القطار
الساعه الحين 4.30










هني حديقة حلوة
Piazza Bra




















وهالشارع كله مطاعم
يبدي من اول المدرج










يتبع

نكمل


وصلنا الشارع ولقينا تاكسي والى المحطة






من الطريج






وركبنا اول قطار مزحوم الحمدلله لقيت لي كرسي وقعدت ومسكينه هالعربانه جدامي



وهذه الصور من الطريج













عند محطة من المحطات










وصلنا محطتنا بعد تقريبا ساعتين مع التوقف بالمحطات
Centrale FS




ودخلنا هالكافيه نحتاج شاي وقهوة




انا شاي







طلب البنات










وهذه محطتنا من بره

















وبعدها للشقة
وبالليل طلبنا برياني توصيل ديلفري




برياني دياي وبرياني خضار وسمبوسة
بطاط




العشا 60 €

فيديوات اليوم


https://youtu.be/Du2BdGcgECM?feature=shared


https://youtu.be/f3GYm4twaAo?feature=shared

فيرونا جميلة يبيلها بالجو البارد والسكن فيها ليلتين على الاقل


وبعدها نوم والى يوم جديد في ميلان

ميلان
اليوم السابع
الأثنين 14 / 8 / 2023



اليوم الأخير في ميلان الهادية
صليت الفجر ورجعت نمت وكبرت المخدة بعد
صحيت وسويت لي ريوق
بوحسين يحب ريوق البيت
فدايما يشتري الاغراض



والبنات راحو ستاربكس الكبير وهذه صورهم











ومتمشين بالسوق














وغويارد اطلبت غنيمة جنطة وعليها الاحرف والتوصيل على عنوان الكويت ووصلوها بعد شهر من الطلب تقريبا





ارجعوا وانا كنت منظفة تكرمون الحمامات وغسلت الفوط ورتبت المطبخ وبعدها تجهزت ولما يوو رحنا نتغدى في الدومو

والمطعم المقابل للدومو





















والباص السياحي




وصل غدانا

















السعر كان 130 €

الحمدلله كان الاكل لذيذ نطلب على القد واذا لزم احد يبي نطلب بس الحمدلله جذيه احسن لا تخمة ولا جوع الاكل باعتدال لان ورانا برييد

تمشينا بالدومو والاسواق اللي يمه وقعدنا بالظل



للي يسألون عن لبس العبايه السودا عادي ترى









وبعدها رجعنا الشقة انا وابوحسين

والبنات كملو تمشي

دانه يابت لي برييد وطبعا ذايب من الحر بس بصور هههه











ونصور سنابات البنات



تعرفون هالمحل البنات وايد يحبونه يشترون منه الثيرمل والبديات اقطانهم وايد حلوة كد ومد

ماكلين برييد شكله لذيذ
















شروا من البطات لهم ولليهال



وانا قضيتها ترتيب جناطنا انا وابوحسين ومتابعة مسلسلاتي على الايباد


ارجعوا البنات ورتبوا جناطهم وطلبوا لنا عشا بورغر
من هالمطعم






اللي ما احط سعره البنات طالبينه ودافعين اون لاين انا احط بس اللي انا وابوحسين ندفعه

خلص يومنا الخفيف والأخير في ميلان ونوم باجر ورانا قعده وسفرة الى وين تابعوو وشووفوو

ميلان
اليوم الثامن
الثلاثاء 15 / 8 / 2023




اليوم قعدنا شوي متأخر
وتجهزنا ونزلنا الجناط وحطينا المفاتيح على الطاوله
التشيك اوت الساعه 10 الصباح
ونزلنا كنا طالبين من الأمن المصري ان يطلب لنا سيارة فان كبيره علشان الجناط وخمس اشخاص
طلب وتواعدنا معاهم على الساعه 10 يكون عندنا
نزلنا ننطره وما وصل كلمنا صاحبنا المصري اللي ماسك الامن بالتلفون
لأن اليوم اجازته وكلم راعي الفان وقال له ما يقدر ايي وبعدين
افضل شي نطلب سيارتين من التطبيق
‏Freenow
و bolt

وحصلنا وقعدنا ننطرهم بره





بفريجنا الهادي








هالمكان كنا بنركب التاكسي يوم بنروح المول
والا ريال كبير بالسن ويمشي على عكاز وينادي علينا واحنا رايحين نركب التكسي انا وفرفر وغنومه

خليناه والا دانه وابوحسين ينطرون تكسيهم وشافونا ماردينا على الريال والريال ينادي راح له بوحسين والا اثاريه مسكين يبي يعبر الشارع ووصله بوحسين للشارع اللي ورا العمارة
ههههه بس طريقته بالمناداة تضحك
وتقول دانه بالغصب يمشي شمطلعه

المهم يه تكسي وركبنا معاه انا ودانه وغنيمه ونص الجناط وقلنا له نبي نروح محطة القطار
قال وين بتروحون قلنا له جنيف قال اوكي
قال لازم انزلكم جهة اليسار من المحطة قلنا اوكي


وقفنا عند المحطة والا اكثر من واحد ماسكين عربانات للجنط بس تعرفون اللي تكفي جنطه وحده واغلبهم بنغاليه

قال لنا واحد انا اشيل الجناط قلنا وايد قال مو مشكله ويركن عربانته ويسحب الجناط عادي ثلاث جناط واحنا سحبنا الصغيرة وودانا باصنصير وصعدنا فوق قال قطاركم بعده قلنا له نبي المطاعم

وهني الممرات وعلى اليمين بوابة السكك الحديده والقطارات محد يدخل بدون تمرير الكود للتذكرة






وودانا مطعم نبي نتريق
وحط جناطنا يمنا وقال ديروا بالكم عليهم عطيناه المقسوم وراح
واحنا ننطر بوحسين وفرفر وطلبنا لنا ريوق







وطلبنا كباتشينو وفلات وايت للبنات وقهوة بارده دانه
واخذنا كلنا الصمونه المشهوره عندهم

المحل اللي نبيه وسمعنا عنه بميلان كان مسكر

هذه الفطيره شوقنا لها الشيف بدر الشايجي برحلته وهذا المحل



المحل يقول دايما زحمة وطابور









احنا شفنا المحل قريب من محل البيتزا بس كان مسكر اجازه


وهذه طلباتنا وصلت












وهذه الصمونه












الفطيرة او الصمونه اعطيها 7 من 10 عاديه جدا
اللي اكلناها بماكدونالد الصغيره احلى


واحنا ناكل وصلو ابوحسين وفرفر واطلبوا لهم ريوق وعقب رحنا حق علشان ندخل عند القطارات وعلى فكرة الحجز حاجزين من الكويت اونلاين من موقع المحطة وموعد قطارنا الساعه وحدة الظهر





طابعين اوراقنا وهذه اهي
الطريق بياخذ اربع ساعات ونص تقريبا





ودخلنا بتمرير الكود على الحاجز يفتح الباب




ننطر قطارنا اي رصيف ويكتب على اللوحة
البنات طبعا سوق وجمعية يتشرون او يطمشون وانا قعدت مكاني المعتاد























الساعه 1الا عشر احنا بالقطار وكنا قاصين VIP
علشان نضمن مكان للجناط والاماكن الراهيه
والحمدلله مافي بالقاطره معانا الا عايلتين وشوفو مكان الجناط احنا حطيناهم بنفس هالمكان بس عند الباب
وفي بعد بين الكراسي






والساعه 1 بالضبط مشى قطارنا











يتبع

نكمل طريجنا




صور الطريج ممتعه هونت علينا طول الدرب


من ميلان نبدي
Greco







الكهرباء متوفرة بكل الكراسي بالقطار



خوش قعدة بالحوش تشوفون القطار كل ما يمر











والقطار يمشي بين السهول والبحيرات والجبال وكل منظر سبحان الله اجمل من الثاني

هذه المنطقة اسمها

Sesto Calende




سبحان الله الصور بدون فلتر الا اللي تحسون الوانها اكثر








































نلعب شوي


































تسالي الطريج
شريناهم من كافيه القطار راحو البنات
ويابو المؤنه من البفكات والماي







منطقة دومودوسولا للحين بايطاليا



كافيه بمحطة












نهر







هذه منطقة
Varzo




وهذه اخر مكان بايطاليا وراح ندخل الحدود السويسريه
طبعا بدون نقطة حدود او اي كاونتر بس يبين عندي بالبوم الكاميرا للايفون

فيديو
https://youtu.be/MuP8VbeJGwg?feature=shared


ننتهي من ميلان ايطاليا

والى جنيف سويسرا

رابط يوصلك الى تقرير جنيف
حياكم

https://www.arabtrvl.com/vb/t54252.html#post606997

الله على جمال كومو
الجو مبين شمس وحار .. بالشتا كانت وايد حلوه
عليكم بالعافيه البريد وكل الاطباق
محطة القطار وايد زحمه مبين موسم صيف

ام حسين ما مريتوا على بيلاجيو ؟؟

صور الاطلالة على كومو عجيبه ❤

حلوو المول وتصميمه وايد حلو
يوم حلو للتسوق
كافيهاتهم اتشوق ومحلاتهم
عليكم بالعافيه

الله الزحمه على بيت جوليت اشوه الدور يمشي بسرعه
ههههههه الكتابه مبدعين على الطوفه
ووااي المواعين ودج تاخذينهم كلهم 💔
حلو سنترها فيرونا