ميلان صيف 2023





تقريري الجديد لسفرة جديدة ووجهات جديدة
بدأت فكرة السفر اولا بعرض الخطوط الكويتيه والشاطر من يصيدها
اذكر العرض كان في شهر يناير يوم واحد والسفر حجز لمدة سنة اذا ما خانتني الذاكره


وكان وقتها بقروب السفيرات ابرار وايمان ومنال وانا نتكلم عن الاسعار واللي حجزت ابرار وايمان وانا كنت مترددة لان كان العرض ليوم واحد وسوالفنا كانت بالليل وما كنت ادري اي وجهة يبيلها سؤال البنات وابوحسين

والا الصبح دازه لي بنتي انها حجزت لنا تذاكر السفر وحددت الاقلاع الى ميلان والعودة من نيس
مدة 3 أسابيع شهر اغسطس عندنا شهر 8 من
8 / 8 الى 30 / 8

المبلغ لخمس اشخاص بالغين




وللشخص الواحد
تقريبا 133.5 دينار كويتي مع الضريبه والتفاصيل بالتذكرة
مع جنطة وحدة كبينة 8 كيلو ووحدة 23 كيلو لكل شخص

والعودة حجزنا كان جنطة كبينة 8 كيلو وجنطتين 23 كيلو لكل جنطة



وبعدها عبينا الابليكيشن للفيزا من السفارة الايطاليه
واخذ موعد

دفعنا لموعد الفيزا 56 دينار
يوم 30 ابريل
ورحنا الموعد وكانت زحمة خفيفه صورنا عندهم علشان لا يرجعونا على الصور وبعدها سوينا التأمين عندهم بعد لثلاثة اشهر وفي ناس يقولون كل ما زدتي فترة التأمين يزيدونكم فترة الفيزا
وفي ناس يقولون لا نفس الشي نفس ما قالت الموظفه هناك
فحجزنا 3 اشهر وعطونا 3 اشهر فقط من يوم السفرة
وشايفين سعر التأمين ب 33.500 دينار






وسوينا الفيزا
وسعر الشخص 26 دينار

ووصلت الجوازات بعد 3 ايام عمل
وشفتو عطونا 3 اشهر من تاريخ السفرة


صور من مطل السفارة ببرج الرايه









ووبس عقبها طبعا حجزوا الفنادق واولها شقة ميلان مدة اسبوع









خلصنا الحجوزات وهالمرة ما دفعنا شي انا وابوحسين الله يكثر خيرها فرفر كل المصاريف اللي طافت من رصيدها الخاص وجميع الحجوزات القادمة يعني
احنا صرنا محمول مكفول

المهم صار الشوق للسفرة كل ماله يزيد لان مخلينها بشهر 8 نبي البراد يعني
وصار وقت السفرة قعدنا على صلاة الفجر صلينا وتجهزنا ونزلنا حسين ينطرنا بيودينا المطار

ووصلنا مطار الكويت الخاص بالخطوط الكويتيه تيرمنال 4



الاجهزة الذاتيه
ماشفت احد يستخدمها يمكن يحاتون نفسي سالفة الجناط
وكلنا على الكاونترات
زحمة كل الموجودين مخلط بين الوجهات ليش مافي تحديد لكل طيران كاونتر مخصص له



سوينا التشيك ان ودخلنا الجناط
انا مخليه جنطة الكابينه داخل الجنطة الكبيرهلي ولا بوحسين
البنات ما خذوا جنطة كبينه الا دانه ومعانا جنطتها بالمطار

وتمشي شويه بالسوق الحرة

















تريقنا بستاربكس






تمشينا شوي وبعدين قعدنا ننتظر عند


البوابه

وهني قالو لنا البنات خل ننزل تطبيق airalo حق الانترنت نزلناه وعبيناه

37 دولار = 12 دينار تقريبا
لمدة 30 يوم 10 غيقا

انا طول السفره شغال معاي ممتاز لحد ما وصلت الكويت وهو ما خلص
وكنت اسكره بالليل او لما ادخل الفندق اعتمد على انترنت الفندق



ولازم نصور الجوازات








والانتقال بالباص للطائرة
وازعج عايلة بالطيارة




ماشاءالله الطيارات الكويتية

























يتبع

نكمل طيران

وصلنا طيارتنا الجميله



وقعدنا اماكنا



الكراسي ثلاثه بثلاثة
والطيارة فل والبنات اشتغلو على الشاشات




والدعاء




ومشت الطيارة بمدرجات مطار الكويت









فيديو الاقلاع اللي احبه


https://youtu.be/AUwvHtnwnSc?feature=shared


وزعوا علينا المنيو





وهذا ريوقي





الدرايش سكرناها لان شمس والناس تبي تنام





ونقلب بالشاشه نشوف الكاميرا السفليه










اخترت فيلم
ذا ايتريينال دوتر



وكملته كله بدون سماعه الطياره كلها ماكو سماعات مادري ليش
اشوه مترجم



نفتح الدريشه شوي بنشوف العالم














ونلعب سودوكو



احاول اغط شويه محنا قادرين من العايلة الايطاليه طول الرحله
الولد الصغير يبجي ويحن والولد الكبير امه معلقه له العاب على كرسي اللي جدامها وهو كرسي البنات
وتشب الليت وتسكره لان عنده ستيكرات مضيئه وفوق هذا كل شوي طاقين الكرسي
لما اطلبوا منها البنات الهدوء وكانت معاهم حرمة كبيرة انزعجوا وكلموها مو راضيه تهدي عيالها وكلموا المضيفات ابد ما سوو شي

بعدين راحت دانه والحرمة ورا لقوا مكان لهم وريحو









منو ما يحب يطل من الدريشة




















عطونا وجبة خفيفة قبل الوصول بساعه تقريبا شاي او قهوة او عصاير مع كيكة ما صورتها


وبدينا بالنزول هني




























المنظر بالكاميرا السفليه كله اشجار

















ظل طيارتنا بالارض





وطبت بسلام الحمدلله على السلامة
في مطار مالبينزا
Malpensa AeroportoT1









الجبال الاوربيه




الطيران الاماراتي والسنغافوري




تونس الخضراء





وراونا الدومو قبل لا نطلع من الطياره





ونقول للخطوط الكويتيه العفوو للسفر معاكم متعه
ولا شكر على واجب

يتبع

الوصول



الحمدلله وصلنا الساعه 1.30 الظهر
ونزلنا ومشي مسار دائري اعتقد بس طويل مشي ومشي




هالبنت كله مخربه علي التصوير هههه



حاطين هالسيور علشان تخفف علينا







ومشي الكل سبقني وهذه دانه جدامنا انا وفرفر وراها





ولسه نمشي ونمشي مادري ليش
ما اخذت كرسي متحرك للي يتعب مطار ميلان تعب

وصلنا للكاونترات ولقينا ابوحسين وغنومه ينطرونا يقولون لازم كلنا قايلين لهم ما تدخلون الممر الا مع بعض




والسيور ودي اشيلهم ماكو الا احنا تعب اضافي



خلصنا كل واحد وجوازه بروحه وطلعنا
سهاله جدا مافي اي سؤال

وعلى سير الجناط








واخيراا سايقنا واقف
اهني الوقت الساعه 2 الظهر بالضبط

طالبينه من وحنا بالكويت
كان بسعر 60 €













ومواقف المطار




























الشوارع فاضيه ومافي ازدحام ويسأل بوحسين يقول الديره فاضيه ههههه




سوق الثلاثاء
شفنا الناس هني

قاعد يشيلون اغراضهم الساعه ثلاث الا ربع











وهني الترام وهذا ممر يودينا عمارتنا او باب العماره بالخلف ودايما نطلع من هني للشارع الرئيسي وامتداده يسار يطلعنا على الدومو





يتبع

حجز معاكم اول كرسي
ممتاز سعر التذاكر
اذكر هاليوم كان الخصم يستاهل صراحه
ماقصرت فرفر الله يرزقها 🙏🏽وانتوا تستاهلون

الحمدالله على سلامتكم أم حسين
سعر التذاكر ما شاء الله مغري جدًا
وكذلك سعر الشقة حلو ومناسب
متابعين معكم هذه الرحلة الجميلة

بداية جميلة
أسعار التذاكر صيدة
ما قصرت فرفر الله يكثر خيرها

مدة الفيزا قليلة
بس هم عادةً المتقاعدين ما يعطونهم مدة طويلة

الطليان حلوين كل شيء عندهم سهالة
عطونا انطباعكم عنهم

متابعين معكم