نكمل تمشينا بكان




واخر الشارع ما كملنا للأخير
من عند الكازينو

















القطار السياحي كان ودي بس الشمس والتعب لازم نمشي بعد مسافه

مارحنا له





المهم عبرنا الشارع والى احد محلات الايس كريم اللذيذ نريح بالبراد شويه















نكهات حلوه وفي جينجر معاهم





القعده بره اريح من داخل بس نبي التكييف























يبيلها تنظيف هالنافوره



طلعنا ورحنا الشارع ورا البوتيكات فيه محلات الماركات العاديه مثل زارا ومانغو وغيره









اقول لكم هالسفرة شفت كل انواع واشكال الچلاب عزكم الله
وهذا شكبره مدخلته راعيته زارا





قلنا بنتغدى عند هالمطعم للهوت دوغ مشهور وعليه مدح
بس تونا ماكلين برييد وما يفتح الا الساعه 3









الشارع كله ناس رايحة البحر او راده منه




وهالمحل يرسمون ويكتبون على الكبابيس بس دشينا نطمش






يتبع

واخر جزء لليوم



وصلنا الشارع وركبنا باص نبي نروح جدام على البحر





نزلنا وقعدنا نمشي















وصلنا شاطئ يبون البنات يشربون جوز الهند
طبعا من بحثهم لاقينه ونزلوا قبلي في سلم وانا لقيت اصنصير مكشوف نزلت فيه

وهذه المناظر جدامنا




اول شي قلت لهم انا بروح تكرمون الحمام
لقيت بنات حبوبين يشتغلون فيه




ورجعت لهم لقيتهم طالبين العصير
وناخذ لكم كم صوره بارد يسرسح















يوم رجعت قاعده اسولف مع البنات والا واحد خليجي يمنا يخزني ومعاه وحده تسولف معاه وتشتكي على وحده معاهم ما يت البحر

طبعا الله يستر عليها اللي معاه مادري ليش يفسخون الحيا لي سافروا بره ترى عادي تدشين بمايوه اسلامي والا تي شيرت وشورت طويل ليش تلبسين لبسهم
المشكله اللي معاها ماعندك عيب ولا حيا وقاعد تخزنا ليش احنا متحجبات وقاعدين نفس مكانك
والله شفت محجبات لابسين حجابهم ومايوهم الاسلامي موجودين معانا


المهم عطيته خزه خليته يشيل ويهه عنا ويرجع يسمع الزف من اللي معاه



وبس ريحنا وغسلنا ويوجهنا من الحر وتبردنا بالمراوح ههه
عقب الراحة مشينا وصعدنا هالمره ثلاثتنا بالاصنصير

وشفنا سيارة كويتيه
ياكثرهم هناك




شحلات الحديقة




طبعا رجعنا نمشي ونبي نروح المطعم ومع جوله يم المحلات












وصلنا المحل ولقينا بنت وولد توهم يفتحون المحل وطلبنا احنا اول ناس بس ننطرهم ينظفون ويشتغلون بالطلبات
قعدنا على عتبة محل مسكر وتذكرت مروحتي وطلعتها اهفي على نفسي

وتجمعوا الناس يطلبون اشوه احنا اول ناس




المحل اخذ اكلك وروح لان مافي قعدات

وصل الطلب طبعا عطونا جرس تنبيه



نقانق دجاج مع صوص لذيذ








ارجعوا البنات اطلبو لهم بعد مره ثانيه




في شباب كويتين
اربعه اطلبوا كرتون وقعدوا مبسطين على الارض واكلوا طبعا عقب ما صوره اكثر من مره


صج لذيذ

بس خلصنا طلبنا تكسي من البرنامج


وهذه صور الطريج ردتنا
















وصلنا شقتنا تقريبا الساعه 5 وقلت لهم خلاص عقب مشي اليوم
ماراح اطلع ريحت ويابو لي عشا من المطعم الهندي يمدحونه ويمدحون سمبوسته





والحمدلله انتهى يومنا الحلو وشفنا فيه اماكن كنا نتمنى نشوفها


فيديوات اليوم


https://youtu.be/hhZ7zR3uFTg?feature=shared


https://youtube.com/shorts/SlgRLSsC60I?feature=shared

الله يسعدك ام حسين
استمتعت بالتقرير

الكلاب اعزكم الله فعلا اشكال وانواع فيه كلاب شكلها لاباس فيه لكن فيه ثانية شكلها مقرف

يقولون في اوربا لو عضك كلب اعزكم الله صاحبه يعوضك 2000 او 3000 يورو
يعني عضتين تطلع سفرتك في بلاش

نيس / موناكو
اليوم الخامس
السبت 26 / 8 / 2023






اليوم غنومة تبي تسبح بالبحر تشوقت الحمدلله ياييبن معاهم المايوهات الاسلامية

وانا ودانه وبوحسين طلعنا نتريق في مطعم سوهو
وعلى ما خلصنا لقينا بوحسين سابقني ودانه بتيي وراي نشوف ريوق بوحسين




مكان طاولة بوحسين
ماعجبني قعدت بطاوله ثانيه وطلبت لي ريوق
كان في شاب تونسي خدوم خدمنا بدون منيو وخرابيطه

طلبي




الشارع كله كافيهات ومحلات سوفينرات وبقالات واخره هناك البحر













يتني دانه








ماشاءالله كل يوم نفس هالزحمة وبالليل ازحم







وعلى ما تتريق دانه اشوف سنابات البنات


على البحر



أجروا عند هالمكان يقولون أأمن من المفتوح
الكراسي الأماميه كلها محجوزه








يقولون البحر حلو بس الارضيه كلها صلبوخ * زلط *
لازم تلبسون جواتي بحر وهم شارينهم من المحلات اللي بشارع الريوق

والغدا من ماك طبعا هالصوره بوقت متاخر بس حبيت اضيفها مع صورهم




ونرجع لنا انا ودانه لان بوحسين خلص ريوق وراح يتمشى


يتبع

نكمل



بعد ما تريقنا رحنا نتسوق انا ودانه وبشوف غاليريا لافاييت وبتشرى عدل
طبعا علشان اخزن طاقة طلبنا تكسي يودينا من التطبيقات
وصل لنا عند المطعم
وقطنا عند غاليريا لافاييت
دخلنا والاجواء خيال

الادوار












ورحنا لونغ شامب وكانت قبلها عندهم دانه وشاريه كمية منهم حق بنات العايله طالبين منها







وانا بغيت وحده جلد ما حصلتها واخذت حق صديقة البنات بعد مقاس كبير مع ستراب ينشال وينحط



هذه نفس حجم جنطتي
انا الصفره




هذه اللي اكبر ب 200 €


المهم واحنا ندفع والا يقول حق دانه انتي امس كنتي هني ونسيتي تاخذين هالجنطة واحنا حاسبينها بالفاتوره

قالت دانه ويي صح هذه اخترتها اول وحده بس الظاهر نسى يحطها

ما شاءالله زين انه اهو اللي موجود يشكر على امانته


عقب تمشينا كل وحده بروحها بين الادوار






في خصومات




حلوه البدلات كله شتوي















صعدت عقب ما تشريت ورحت للتاكس فري خلصت بسرعه ماكو زحمة عندهم

وفي مطعم دانه تنطرني هناك رحت لها







طبعا بالحر مالي الا الأشياء البارده وخذيت عصير باشن فروت






ودانه طالبه مكرون وهوت شوكليت




وبعد ما ريحنا كملنا تمشي بنفس الطابق يحلو المواعين واكسسوارات البيت




هالغوريلا مادري شقصتها عندهم بكل مكان
وحتى باجي المجسمات من عمل الفنان ريتشارد اولنسكي










وعلى ما تخلص دانه قعدت قريب باب الطلعه عند عطور شانيل استأذنتهم بالقعده رحبوا




طلعنا وتعب المشي مال امس مافيني شدة امشي اليوم
لقينا هالقواري وصعدنا مع واحد قال 10 € مسافة يمكن اقل من كيلو
بس يقولون لكم قبل لا تركبون تبي حياك ما تبي مو لازم غيرك وايد
اهم شي راحتي قلت له اوكي وصعدنا
عاد مع الابل باي والدفع اونلاين حرصوا ان يكون معاكم كاش لان بعضهم مايبي الا كاش






وصورت لكم فيديو بعد

https://youtu.be/trlfoY1quPk?feature=shared


يتبع

نتابع معاكم




بعد ما وصلنا الشقه وريحنا شوي ولقينا البنات رادين وجاهزين للطلعه بنروح موناكو
بوحسين قال ماله خلق يروح
نزلنا وطلبنا تاكسي ودايما ما يطولون اربع دقايق حدهم وهم واصلين عندنا

وحركنا على الساعه 2,40 الظهر








احب الانفاق تذكرني بابوي يقول لنا سمعوا صوت الهرن ولان يطلع صدى نستانس






طريجنا صح






وصلنا الحدود وطبعا مافي اي اجراء للدخول بس الكرت اللي ينحط على السيارة
وهذا اكيد كان حاطه السايق








وبين بحر موناكو وبيوتهم










عجبتني احواض الزرع












اعلام موناكو بكل مكان

























يعجبني ترتيب العماير



وانا اقول ليش عاجبني طلع قصر اعتقد فندق






وشفنا هالسيارات اطلعت آجار للي يحب يجربهم
ويتمشى فيهم






جذور الشجرة
اهني راح ننزل عند الكازينو والسنتر
وصلنا الساعه 3,10


حديقة

Jardins de La Petite Afrique














يتبع

⏳⌛⏳⌛⏳

نشوف موناكو



ونزلنا السنتر وخاصة ساحة كازينو مونت كارلو

طبعا الكازينو مو لنا ولا لنا شغل فيه
اهو اكبر صالة قمار عندهم وفيه اقسام مختلفه مثل ما قريت عنه






بنيان قديم








وهذا مجابل الكازينو الحديقة اللي نزلنا عندها



وفي مطعم بقسمين واحد كافيه وواحد اكل وحلو












ماندري وقفنا انا ودانه مع الناس يواعه والبنات يبون الكافيه ووقفوا بالثاني اللي هناك




طلع ان ذاك اهو اللي يقدم الاكل فرحنا
لقينا البنات واقفين بالطابور الحمدلله وقفنا معاهم والطابور مو كبير بس ما يدخلون بسرعه





وقفو البنات ونتناوب على القعده على العتب

المهم يت فلبينيه تقول انها من نيويورك ويايه باجازه وتشتغل عند دكتور عظام تقول لي تعالي عندنا نسوي لج مساج هههه
المهم ما خلت احد ما سولفت معاه وتشاركنا كلنا بالسوالف يحليلها ونستنا وضيعت وقت النطره





واحنا واقفين بعد مر راغب علامة وربعه ياي يغني بحفلة
زواج خاصه طبعا هالخبر شفناه بالنت

شوفو مواقف بالسرداب للي ياخذ سياره
وهالعمارات كلها بوتيكات ماركات




الطابور












هذه صديقة الفليبينه



من ضمن الواقفين بنت تركية وقعدت سوالف دانه معاها




العوايل متواجدين بكثرة



طبعا حر بس نقعد تحت الظل










يتبع

نكمل معاكم





وصل دورنا وقال ترى مافي بره بس داخل قلنا له احسن بعد ما نبي بالحر مع ان ظل بس حسينا نبي تكييف



ودخلنا والا الصاله داخل وايد طاولات فاضيه والمكان كبير ليش ما تدخلونا بدل وقفة الطابور
















الناس يبون بره حر ويحطون لهم مظلات

























ضيافتهم






ووصلت طلباتنا انا ودانه نبي عيش ومرق لحم خروف
سمينا وكلينا






طاسة المرق اكبر من بادية العيش



الخضار في المرق ما تبين بس الطعم موجود
والا طلعت مرقة باميه ودانه مسكينه ما تحب الباميه وايد الحمدلله اكلت بس ما عجبها وايد
انا اكل باميه فعادي عندي اعطيه 8 من 10








وفرفر وغنومه اطلبوا حلو وقهوة

















وهذا حسابنا





وكنا هني



وبعد الشبع نشوف انطلاقتنا اشلون بتصير

يتبع