نيس
اليوم الثامن والأخير للسفرة

الثلاثاء 29 / 8 / 2023





صباح جميل صباح أخر يوم من السفرة
التشيك اوت الساعه 10،30 صباحا
فقعدنا على الساعه 9 جاهزين ومقايسين وزن الجناط
وضبطنا الشقه مثل ماكانت كل شي رجعناه بمكانه

ومطلوب منا ان نجمع الشراشف والفوط بالحمام حطيناهم وقعدت انطر اللي بيعطيني التأمين بعد ما يشوف الشقه

وقلت لهم انتو نزلو تريقوا وطبعا نزلو الجناط يعطيهم العافيه بوحسين والبنات

يت الحرمة تاخرت شوي ...وكشفت على الشقه وسلمت لي التأمين كامل وتمنت لنا رحله سعيده

ونزلت اتريق وجناطنا يمنا ماشاءالله
طبعا بالرجعة اخترنا كل شخص جنطتين وجنطة كابينه









الجو يقول لا ترجعون بس شنسوي الدوامات قربت







يايبين الخيالة يودعونا




















تجهزت طاولاتهم وشغلهم ينطرون الزباين كالعاده واحنا ننتظر التكاسي

سالفة التكاسي
طلبنا اثنين كبار على علشان ننقسم بينهم
وصل واحد وانا قاعده على الكراسي وربعي واقفين عن نص الجناط على الشارع وقف وما اشوفه الا نزل وعصب وصعد سيارته

يقول ليش ما قلتو لي بونجور طع ويهك مالت عليك

يقولون ردينا عليه بس اهو ماسمعهم عدل وراح

ووصل الثاني وصعدنا انا وابوحسين ودانه والبنات قالو احنا نطلب واحد ثاني


واحنا رايحين قلنا للسايق التونسي ونعم الرجل
ما تعرف احد ياخذ البنات قال لا
قاله بوحسين تقدر تروح لهم قال اروح لهم بس لا يطلبون احد ثاني وانا اروح اجيبهم لكم

دقينا عليهم وقلنا لهم الحين بييكم سايقنا


ونودع نيس وشارعها الجميل






















































وصلنا المطار










نزلنا واخذنا عربانتين لنا والسايق ساعدنا فيهم وراح حق البنات

يتبع