معليش

سؤالي قبل هذا كله ، ليه ما تستأجرون سيارة تعينكم في تنقلاتكم ؟
أوروبا بدون سيارة تعب
إذا كان زوجك متردد أقنعيه وخليه يتوكل على الله
قيادة السيارة في أوروبا أسهل مما تتخيلون وغير كذا هي مهمة جدا جدا

السلام عليكم ورحمة الله وبركاته :

كيفية الذهاب الى الانشطة المذكورة بواسطة الباصات او القطارات ..سهل ..لكن الشرح فيه نوع من الصعوية .

ولكن مو مشكلة ..لكن عندي استفسارات في البداية اود الاجابة عنها .

اولا ..كم عمر الاطفال ؟؟ ..لأنها بتحدد في نوعية الانشطة ..مثلا ..اذا كانو صغار جدا ..راح تتعبهم المرتفعات ..وهكذا .

ثانيا ..هل لديكم فكرة عن السويس باس ؟؟؟ ..اذا لأ ..هذا رابط اطلعو عليه ..وااذا ما وضح شي معكم ..نقدر ان شاء الله نفيدكم فيه .
ط§ظ„ط³ظˆظٹط³ ظˆط§ظ„ظٹظˆط±ظٹظ„ ط¨ط§ط³ – طھظ‚ط±ظٹط± ظˆط´ط±ط­ ظ…ظپطµظ„ | Aboaziz


ثالثا ..موعد وصولكم الى انترلكن ..يحدد فيه انشطة اليوم الاول في انترلكن ..مثلا ..ممكن تزورو قمة الهاردركلم فقط ...او الاكتفاء بجولة في السنتر .



بالنسبة للسكن ..
لا يوجد بالقرب منه محطة قطارات ..واقرب محطة قطار هي محطة قطار انترلكن الغربية ..وتبعد عن الشقة بالباص 17 دقيقة ..واقرب محطة باص تبعد 3 دقايق مشي ..قريبة يعني ..واسمها Wilderswil, Dorf


ملاحظة :
اذا كنتم تعرفو تستعملو خرائط قوقل ..في خيار الاتجاهات ..حطو اسم محطة الباص واييلدرسفيل دورف في الذهاب ...ومثلا اي نشاط ودكم تروحون له ..مثلا Blausee ..بحيرة البلاوسيه ..وراح يعطيكم طريقة الذهاب له بشكل جميل .
هذا رابط ادخلو عليه ..وتشوفو المسار ..مثلا من جنيف الى موقع الشقة :
https://www.google.com/maps/dir/Gene...1432636800!3e3




اجوبة سريعة :
مطل هاردركلم موجود في سنتر انترلكن

بالنسبة للجولة البحرية في بحيرة برينز ...تشملها زيارة الشلال ..وكلها مجانية اذا كان معكم السويس باس ..
يعني تطلعو من مرفأ انترلكن الموجود على بحيرة برينز ..وتوقفو في محطة شلال الجسباخ ...ثم العودة الى انترلكن ..او زيارة مدينة برينز ..ثم العودة .


مواعيد الرحلات من نفس المرفأ تاخذونها.
او من هذا الموقع
BLS Schifffahrt in the Bernese Oberland - Timetables


وهذا خط السير:
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 876x289 .




بحيرة الاوشنسي والبلاوسيه قريبات من بعض ..وكل وحدة لها ميزة .

وطريقة الوصول

الذهاب من محطة القطار في انترلكن الى محطة شبيتز ..Spiez

ثم الى محطة قطار فروتينجن
Frutigen
ثم من محطة الباصات اللي اسمها Frutigen, Bahnhof
الموجودة في محطة القطارات


الذهاب الى محطة باص البلاوسيه Blausee
Blausee BE

يجب اخذ مواعيد الباصات ..مهم جدا .

ثم
من محطة البلاوسيه الى محطة كاندر شتج ..بالباص طبعا.
Kandersteg

راح تسوي تبديل للباص ..وتطلع على الباص المتجه على الاوشن سي:
Kandersteg, Talstat. Oeschinen

ثم بالتلفريك الى البحيرة .

من التلفريك الى البحيرة ..مسافة طويلة شوي..لكن توجد حناطير تجرها الخيول توصلك للبحيرة .


العودة
ترجع الى باصات كاندرشتج ..ومن محطة القطار اللي فيها ..ترجع الى شبيتز ومن شبيتز الى انترلكن


تتلس :
الوصول لها يستغرق ثلاثة ساعات تقريبا ..الذهاب من انترلكن الى لوزيرن ..ومن لوزيرن الى محطة قطار Engelberg ...ثم بالتلفريك الى قمة تتلس .
وفي العودة ..اكيد بترجعو للوزيرن ..وتتمشو فيها ..ثم العودة الى انترلكن .
ارجو الانتباه الى مواعيد القطارات والباصات (لأن الشقة تبعد عن محطة قطار انترلكن الغربية تقريبا مشي نص ساعة )

الهبوط المظلي ..الحجز عن طريق المكاتب الموجودة في سنتر انترلكن ..او مراسلتهم على الايميل والحجز ..وموجودة في الموقع السياحي الرسمي لأنترلكن :
Tandem-flight providers - Paragliding & hang gliding - Interlaken Holiday Region - Interlaken Tourismus



وبالتوفيق

ماشالله الف شكر لكم على الردود الجميلة جزيتم خيرا

بخصوص السيارة اخوي غريق المسالة مو متردد فقط بل رافض نهائي لانه حتى هنا اقرب مشوار مايحب يسوق ويتعب بسرعة
فمسالة السيارة مااقدر اقنعه ابدا عجزت وليتني اعرف اسوق كان ارتحنا من هالنقطه ههه

اخوي ميدو ردك جدا رائع وهذا غير مستغرب منك دائما مبادر بالمساعدة والعون

اولادي أعمارهم 7 و 3 سنوات يعني لسا صغار فما ابي اكثر في النشاطات في اليوم الواحد
احد الاخوان نصحني باستبدال قمة هارد كلم بقمة ثانية هيمفلو او شي يشبه هالاسم المهم اللي فيها زحليقة بحكم كونها اقرب للشقة فماادري وش رايكم ؟

سؤالي بعد هل فيه باص يوصلني للمحطة الغربية اللي تبعد نص ساعة عن مكان السكن
أيضا بخصوصا البحيرتين انا افضل اروح وحدة منهن يا البلاو سي او الاوشن سي ما ودي اتعب العيال فايها اجمل وبالأخص أيها اسهل في الوصول وانسب للأطفال

القمم وش القمة اللي اقرب من تتلس ثلاث ساعات احسها واجد

سؤال مهم أيضا يخص انتقالي من باريس لانترلاكن أيها افضل قطار او طيارة سمعت ان الطيران الاقتصادي ارخص من القطار
وهل هناك طيران من باريس الى زيورخ وكم مدته وكم سعره

واذا بالقطار هل فيه مباشر لانترلاكن وكم يستغرق وكم سعره

؟؟

أسئلة كثيرة ببالي بس تحملوني تكفون و كلما تذكرت سؤال بجيكم وكلي ثقة انكم ماراح تقصرون معي

الف شكر لكم

العفو ...عدنا ...وعذرا لتأخرنا

لا تمام بالنسبة لأعمار الاطفال ..ان شائ الله يستانسون ..بس لبسوهم زين .

الهاردركلم موجودة في السنتر ومطل رائع على انترلكن ..وما هو بعيد بالحيل عن محطة قطار انترلكن الشرقية ومرفأ انترلكن على بحيرة برينز .

اما الهيمفلو Heimwehfluh واحداثياته : 46.675995,7.850246 ...جميل وفيه مطعم وزحليقة ...وهو قريب من محطة انترلكن الغربية ومن مرفأ انترلكن على بحيرة ثون ..عشر دقايق مشي .

بيني وبينكم ..مافي شي قريب من الشقة ..يا مشي او بالباص او بالقطار من محطة Wilderswil
ولكم الخيار .


بالنسبة للباص ..نعم ..على هذا المسار هنا


ارشح لكم البلاوسيه ..لأن فيها العاب للأطفال كمان ..وجلساتها حلوة .


بالنسبة للقمم القريبة ..فيه قمة اوروربا الثلجية ...قيمة الصعود لها 190 فرنك ..بالسويس باس نصف القيمة ...والصعود لها يستغرق ساعتين ..وعمل تبديل للقطار في كلاين شتج .

وفيه قمة شيلثورن والمطعم الدوار بيز جلوريا ..بس احتمال الثلج يكون ذايب في فترتكم ..اذا بعد مايو .


واذا تبون شوري ..تتلس ومعاها لوزيرن ..ثلاث ساعات بالقطار والاستمتاع بالجمال الرباني .



بالقطار من باريس الى انترلكن..تستغرق خمسة ساعات..مع تبديل واحد في بازل..بسعر 150 فرنك للبالغ .


وهذا الموضوع بيفيدكم
- شرح كيفية حجز تذاكر القطار في سويسرا..عن طريق الانترنت


بالطائرة على الخطوط السويسرية من باريس الى زيورخ ب 113 فرنك ..تقريبا ..رحلة مباشرة .


الاسعار بتحدد تماما اذا كنتم راح تاخذون السويس باس ولا لأ .

وبالتوفيق

الف شكر اخوي ميدو شرحك والخريطة مفيدة جدا عجبتني مرة

طيب ممكن شوي تحسبها معي الله لا يهينك بخصوص السويس باس انا ابي اخذها بس اول شي بحسب التكاليف معها وبدونها
ابي امشي خطوة بخطوة وخلكم معي لا هنتم

السويس باس سعرها للبالغ 173 فرنك سويسري للبالغ لمدة اربع أيام
وفيه للأطفال من ست الى الى 16 سنة ...السؤال هل يشوفون عمر الطفل في الجواز ؟
لان ولدي بو سبع سنوات والله كنه بو خمس حجمه صغير
هل ناخذ السويس فاملي باس ونعطيهم خبر انو معنا طفلين او كيف
من وين ناخذها البطاقات من هنا والا هناك لما نوصل
هل الفاملي كارد تختلف السعر عن لو اخذنا اثنين بالغين ؟

ابي اعرف هالاشياء عشان احسب معاكم الله يجزاكم خير

عفوا سويت بحث سريع و السعر مو نفس اللي كتبته انا فهمت العملة غلط

حولتها للدولار واتضح ان البالغ لاربع أيام سكند كلاس 279 دولار والأطفال من 6 -16 مجاني في الفاملي كارد

حسبتها بالريال لنا كلنا 2093 ريال

بالفرنك السويسري تكون 251 للبالغ *2 يعني 502 فرنك

الحين ابي احسب هل المواصلات اللي انا بستخدمها في اقامتي هناك رح توصل الى هالمبلغ او اقل او اكثر عشان اشوف وش انسب لي اخذها او لا

مع الاعتبار ان بعض الأماكن بتكون خمسين في المية وبعضها مجاني لولدي

مخي تلخبط يا جماعة ساعدوني ميزانيتي محدودة شوي فما ابي اضيعها وانا اقدر استفيد منها

الله يعطيكم العافية ويجزاك خير يارب

الله يجزاكم الجنة .

بالنسبة للسويس باس على هذا الموقع :
Swiss Travel Pass - Most popular Rail Pass of Switzerland. Buy the Swiss Travel Pass online


سعر التذكرة 251 فرنك ..للشخص البالغ ..502 لشخصين

وهي تعطيكم حرية التنقل بالموواصلات العامة ..قطار - باخرة - باص - ترام - ميترو ..مجانا ..والتلفريكات والعربات الجبلية 50 % .
هذه خريطة التغطية
http://www.swiss-pass.ch/wp-content/...system-map.pdf




يعني بشكل مختصر أساسي بدون البطاقة :
من جنيف الى انترلكن قيمة تذكرة القطار =71 + 71 + 35 + 35 = 212 فرنك
قمة هاردركلم = 30 + 30 + 15 + 0 = 75 فرنك
قمة تتلس ل: 89 +89+ 44 + 0 = 220 فرنك .
من انترلكن الى لوزيرن ذهاب وعودة = 64 + 64 + 32 + 32 = 192 فرنك

المجموع = 699 فرنك .

بينما بالسويس باس :
جنيف انترلكن = 0
قمة هاردركلم = 15 + 15 +15 + 0 = 45 فرنك
قمة تتلس = 44 + 44 + 44 +0 = 132 فرنك
من انترلكن الى لوزيرن ذهاب وعودة = 0

المجموع = 177 فرنك + 502 فرنك قيمة البطاقتين = 679 فرنك .



هذا بسسسسسسسس ...من اربعة انشطة ...ولسه في رحلة بالباخرة مجانا ..ودخول بعض المتاحف مجانا ..وخصومات لدى بعض الفنادق ..وغيرها من التنقلات بالباصات والمواصلات العامة .


الاسعار اللي فوق مأخودة من المواقع الرسمية للأنشطة + الموقع الرسمي للقطارات السويسرية .


عاد لكم القرار .


ممكن تشوفونها غالية ...لكن راح تكون المواصلات مكلفة بدون البطاقة .


ولكم الحكم .

بصراحة ماااا اقدر اوفيك الشكر اخوي ميدو والله حسبتك رائعة رائعة افادتني بشكل كبييير
انا هذا اللي كنت ابيه بس من كثرة الأمور اللي قريتها ما كنت عارفة احسبها بينما ردك اخوي مفيد مفيد جدا لي تشكررر الف

طيب الان حنا غيرنا المغادرة خليناها من زيورخ وراح نروح لزيورخ من انترلاكن بالقطار وانا بحثت السعر في موقع القطارات لقيته 110 فرنك تقريبا
طبعا بتكون بالسويس باس مجاني صح ؟

أيضا سؤال اخر انا بجي انترلاكن من باريس ... فيه خط مباشر الى باريس بدون تبديل قطار فهل اقدر استفيد من السويس باس اذا دخلت سويسرا بالقطار اوهي تذكرة وحدة لازم ادفعها كامل وما بيكون فيها استخدام للسويس باس ؟

بغيت اسال بعد عن أسعار الباص لو بدون السويس يعني كل مرة بروح المحطة بستخدم الباص فهذي المشاوير بكم تكون تقريبا خصوصا اني بحتاجه يوميا واكثر من مرة اكيد في الذهاب والعودة للشقة .. وأيضا بحتاجه في الأماكن السياحية بعضها لازم باص بعد القطار صحيح ؟؟ فكم تقريبا سعر المشوار بالباص في التنقل بشكل عام ؟

سؤال أيضا بخصوص القمم هل فيها خطورة على الأطفال يعني ينزلقون لا سمح الله من مكان عالي او شي كذا ؟ وايش اكثر امان قمة تتلس والا ااعلى قمة بأوروبا ؟ اعلى قمة اقرب لمكان سكني صح ؟

معليش الأسئلة كثيرة

رفع