السلام عليكم ورحمة الله وبركاته

باذن الله وبعونه سنكون في باريس لمدة اربع أيام وبعدها نتوجه بالقطار الى جنيف ..
وعندي عدة أسئلة اطمع في الإجابة بشكل تفصيلي ودقيق

اول شي ابي أقول لكم انا وين حابة اروح وعلى أساسه رتبوا جدول لا هنتم

انا ابي اروح برج ايفل والشانز وجولة بنهر السين وقصر فرساي واللوفر بس ممكن الغي اللوفر لاني مو زود مع المتاحف ودزني والاوت لت
طيب

كيف بيكون توزيعها على الأربع أيام ؟
عادي دزني مع الاوت لت في نفس اليوم ...؟؟

ياليت تذكرون لي طريقة الذهاب لكل وحدة من هالاماكن و ايش التذكرة المناسبة اللي اخذها وهل الأطفال عمر 3-7 سنوات لهم تذاكر خاصة او كيف
ومن متى المفروض نروح ومتى تغلق هالاماكن وكل التفاصيل لا هنتوا

شكرا جزيلا ويعطيكم العافية

وعليكم السلام

4 ايام بالراحه تزورين الأماكن الي ذكرتيها وراح يكون في وقت لأماكن ثانيه بعد
ديزني والاوت لت في نفس اليوم ممكن لانه الآوت لت يصير قبل ديزني بمحطه وحده اهم شي انه تحددون وقت يعني ساعتين بس للتسوق وبعدها الانطلاق لديزني مع اني ما افضل الجمع بين الاوت لت وديزني في يوم عشان تستغلون كل دقيقه متعه في ديزني
في توزيع الأيام اهم شي تتفادون ديزني في الويك اند عشان الزحمه
فرساي يغلق الاثنين واللوفر يغلق الثلاثاء

شوفي هالموضوع ممكن يساعدك فيه اهم الأماكن السياحيه في باريس مع اقرب محطة
http://www.arabtrvl.com/vb/t752.html

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

مشكورين حبايبي والله ماتقصرون الله يعطيكم العافية
بخصوص تذاكر المترو وش افضل نوع هل اخذ يوم بيومه او رحلة برحلتها او فيه لعدد من الأيام او اخذ تذاكر الباصات السياحية وش تقترحون ؟
فيه سؤال ثاني بعد بخصوص الانتقال من باريس الى انترلاكن هل فيه قطار مباشر بدون توقف وكيف احجزه وكم سعره ومدته
هل الطيران بيكون افضل وماهي افضل الخطوط الاقتصادية وهل فيه طيران من باريس الى زيورخ ؟؟ اذا فيه كم تقريبا السعر وكم مدة الرحلة

مشكور اخوي القطري معلومات حلوة ومفيدة
طيب هل هذي هي نفسها باريس فزت وهل تشمل كل شي المترو والباصات الرحلات النهرية ؟
هل الأطفال لهم تذاكر وبنفس السعر والا كيف وضعهم ...أعمارهم 7 و 3 سنوات ..

رحلة القطار كم سعر التذكرة للبالغ والطفل ؟ المباشر زين وقتها يعني نوصل انترلاكن بالليل ونوم على طول ومن ثاني يوم نبدا النشاطات على طول حلو حسيت وقتها
بس بيكون التشيك ان يوم قبل عشان ندخل تشيك ان متأخر

فيه سؤال ثاني بعد بخصوص تذاكر المترو اعتقد فيه بطاقة اسمها موبيليس mobilis قريت عنها من زمان في احد المواضيع ياليت تعطوني فكرة عنها وكم سعرها واي افضل باريس فزت ام هذي البطاقة

باريس فيزت يختلف سعرها البالغ عن غير البالغ
الاطفال في بعض الاحيان لا يدققون
فيه اللي بيوم واحد تقريبا 6 يورو للطفل وبزون من 1-3 Paris Visite Pass - Transport ticket - Paris Tourist Office
الموبلييز اعتقد والاورنج قديما موجوده بس ما قريتهم من الرابط اعلاه http://www.ratp.fr/en/ratp/r_61584/tickets/
يتاح لك ركوب الباص والمترو والرير

تفضل عن موبليز

Mobilis

يعني افترض برتوح ديزني بتدفع 16 يورو
الفيزت بتكون اكثر

يعني خيار جيد

مشكور اخوي فيصل على الروابط يعني الموبيليس الى الان موجودة مو قديمة ؟
الرابط حق موبيليس اللغة فرنسي ومافيه اختيار للانجلش ماعرفت لها صراحة