يسعد صباحكم جميعا
ما أجمل الأجواء الباردة
نتمشى بالظهر والعصر أجمل أجواء
اليوم مخططين نروح لسوق القيصرية بالهفوف
ونتقهوى في كافيه ريشيو التاريخي

السلام عليكم و رحمة الله و بركاته
أسعد الله صباح الجميع بالخير و المسرات

صباح الخير

بعد الاطلاع على الأخبار وأحوال الطقس قررت نمدد يوم آخر في تسفيزل ...
أمس حسب رادار الطقس كانت تسفيزل في المنطقة البنفسجية وهذا يعني صقيع .. صفائح ثلج شفاف زلقة تغطي الأرض والشوارع ... ومن بعدها جاء مطر غزير بنسبة ١٠٠% وإلى الآن مستمر .



اللون الأخضر مطر واللون الأزرق الفاتح ثلج يعني توقف تكون الصقيع ولكن المتبقي من أمس يمكن مايذوب بسهوله يحتاج يوم على الأقل تكسره حركة الطرق

هذي صورة مباشرة المطر ذوب الثلج



وحسب أحوال الطقس بيكون فيه هطول للثلج من بعد الظهر وهذا شي يريح لأن الثلج ما يسبب صقيع مثل المطر

وحسب خريطة الرادار من هنا إلى براغ راح يكون فيه صقيع على الطريق ويستمر لبعد الظهر علشان كذا قررت نمدد يوم



الجو هنا حلو ولا داعي للعجلة ولاحقين على براغ ليش السفر وقت التحذيرات

هذا منظر الصقيع وأحيانا يكون شفاف تماما ... كيف راح تكون الطرق مع وجود الصقيع وحتى الملح مايأثر فيه ... وكفرات / تواير الثلج ما تنفع معه ... سبق ومشيت على طرق مليانه ثلج عادي لكنه يبقى ثلج تمشي عليه السيارات ما هو صقيع كأنه صفيحة قزاز ... علشان كذا يحذرون .

الله يكفينا الشر ....

اللهم صل وسلم على نبيك ورسولك محمد

السلام عليكم

وأسعد الله صباحكم

اليوم الأجواء مناسبة .... نتجه بإذن الله إلى براغ