السلام عليكم

احتاج بس مساعدتكم في جدول بالأماكن السياحية لمدة عشر أيام لزوجين فقط في النمسا مع وصول ومغادرة ميونيخ.

المسار على الأغلب بيكون:
ميونيخ
سالزبورج (3 أيام)
زيلامسي (3 أيام)
الوجهة الثالثه محتار بين سيفيلد أو انسبروك (يومين)
الوجهة الأخيرة بتكون ميونيخ (يومين)

اول استفسار بس هل الأماكن الأربعة كلها ضرورية؟ فيه مجال اقلل التنقل واخلي السفرة وجهتين فقط بالإضافة إلى ميونيخ؟ ولا كذا افضل.. مع العلم ان مالنا في الزحليقات والألعاب غالبا نحب السنتر الجميل والطبيعة والتمشية.

استفسار ثاني، وصولنا بيكون الصباح في ميونيخ، مسكة الطريق إلى سالزبورغ في نفس اليوم عادي ولا يحتاج نرتاح في ميونيخ وش تشوفون الأنسب؟

ياريت بعد إذا تقترحون علي فنادق في ميونيخ، شيكت الأسعار في مايو يوم 13-16 وكلها مرتفعة جدا، مدري يمكن عندهم ايفنت بهالتواريخ، إذا عندكم اقتراحات لفنادق مناسبة أكون شاكر..