السلام عليكم
كل عام والجميع بخير
بعض النصائح ع السريع اللي استفدت منها ولعلها تفيد غيري
ابلكيشن ديلفرو فيه سوبر ماركت ومطاعم حلال توصل لك الى الفندق
المطل من فندق المشهور بدل ماتقص تذكره ب الشيء الفلاني تقدر تروح له من برج رقم واحد مطعم ايطالي كانت نصيحه من سائق تاكسي ف الدور 57 تطلب اي شي واستمتع اسمه lavo Italian restaurant
الحديقه الليليه احجز اول شي مكان في المسرح حقهم الساعة 8:30 واركب باص سفاري اول ماتفتح الحديقه وقبل مايزدحم المكان وتظلم الدنيا واول ماتخلص تور تدخل المسرح اللي حجزته من عندهم طريقة حجزهم سهله امسح البار مود على الخريطه الموجوده عندهم وسجل ايميلك ويجيك تاكيد الحجز (طريقتنا: كنا في حديقة الحيوانات amazon river quest الساعه 4 تقريبا خلصنا جولتنا ورحنا مشي كم دقيقه للنايت سفاري )مميز للي ماجرب السفاري عجب اولادي
مسرح الليزر الليلي في سانتوزا time of wings ماتسوى عنوتها
الى الان ماتعاملنا كاش مع اي محل وكله بالبطاقه اريح وأأمن
هذا اللي اتذكره الى الان وباقي لنا ايام وبنرجع، اذا جد جديد بسجله هنا
دمتم بخير