سبحان الله من فترة قريبة نتناقش عن الوجهات مع الشباب في المجلس
فاذكروا كم بلد منها النرويج و ايسلندا فكنت اقول يوم بنروح الشلال والبحيرة والجبل واليوم الثاني الشلال والبحيرة والجبل و اليوم الثالث نفس الشي وبعدين؟ يمل الواحد من التكرار
واشوف ان التكرار حتى في المدن ممل يعني السبب مب لانك بتمل من الطبيعة انما الملل من التكرار
فلو رحت مدينة وكل يوم كوفيات ومطاعم ومولات وتكرر الجدول كذلك بتمل بعد

احلى شي التنويع ويكون جدول يشمل كذا وكذا يوم ريفي ويوم اثار قديمة ويوم مولات وابراج ويوم بحر
في دول مميزة ممكن تجمع فيها كل هذي الامور

السؤال هل الطبيعة كل شي خلال السفر ؟
لا ولا المدينة كل شي خلال السفر ولا الاثار كل شي خلال السفر
لذلك اوروبا وامريكا هم التوب في السياحة فيهم طبيعة ومدن وثقافة وجو جميل

يمكن يكون الي اهم من هذا كله ولا تقدر تسمتع الا اذا كان موجود الجو اللطيف المائل للبرودة
في سنغافورة كان كل شي موجود الا الجو اللطيف ماقدرت استمتع بالرحلة فقدت جزء كبيير من المتعة