السلام عليكم اعضاء هذا المنتدى الرائع

تم حجز رحلتنا الى ماليزيا باذن الله الوصول يوم 8 نوفمبر الساعه 7 الصباح بتوقيت ماليزيا والعوده 16 نوفمبر صباحا - يعني 8 ايام كامله عندي

احنا عائله مكونه من زوجين و 3 اطفال : 11 - 8 - 3 سنوات

ممكن تساعدوني بالبرنامج وتقسيم الايام؟ الرحله كلها للاطفال ويهمني انهم يغيرون جو وينبسطون

فكرت اخليها كلها كوالالمبور ؟ ولا اتنقل مدينه ثانيه معها ؟

في انتظاركم

شكرا لكم

2 سلانجور فندق صن واي لاقون
2جوهوبارو والسكن بفندق ليقو لاند بالتحديد
4كوالالمبور يتخللها يوم زياره مرتفعات جنتنج من الصباح للمساء

او الخطه الثانيه
2ايام سلانجور فدق صن واي لاقون
3ايام جزيره بينانج فندق بارك رويال او هارد روك
3ايام كوالالمبور يتخللها يوم زياره مرتفعات جنتج

بما انه الايام قليلة بنصحكم بالمتابعة مباشرة برحلة داخلية الى جزيرة لنكاوي لمدة 3 او 4 ايام

وبعدها كوالالمبور

فكرت اول مانوصل من المطار على فندق الصن واي لاقون يومين بعدها نروح الكاميرون يوم ( عشان نزور حريقة الشاي والفراوله) ونرجع كوالالمبور 5 ايام

او

اول مانوصل من المطار على فندق الصن واي لاقون يومين بعدها نروح بينانج يومين ونرجع كوالالمبور 4 ايام

شرايكم ؟

كاميرون مافيها شي يستاهل والطريق لها متعب ولا يوجد ترفيه للاطفال الافضل مرتفعات جنتنج وخاصه للاطفال

وعليكم السلام اختي Reham2013

كاميرون غير مناسبة ابدا للاطفال و الطريق متعب

لنكاوي فيها منطقة تل فريك الجسر المعلق كلها فعاليات للاطفال والكبار

وفيها رحلات بحرية ومنجروف كمان مناسبة ,
و كل منتجع عنده فعاليات على الشاطىء

لزيارة الحدائق بينانج افضل والسكن يكون في منطقة باتو فرنجي
للرحلات البحرية والاسترخاء لنكاوي افضل