بسم الله الرحمن الرحيم
السلام عليكم ورحمه الله وبركاته
معاكم أختكم أبرار
ببتدي معاكم في رحلتنا اليديدة إلى سنغـــافــورة

هنــــــــا سنغــافورة الكفــاح الإصــرار التعليــم التطــور



عقب المغرب و القارة الأفريقية قلت نحول شوي على شرق اسيا و من زمان عن شرق اسيا ..
قعدت افكر وين تكون الوجهة و أي وقت .. وبعد التفكير قررت اتوجه إلى سنغــافــورة ..

قريت تقارير المنتدى و استفسارات المسافرين واخذ فكرة عنها ما شاء الله محد قصر في المعلومات .. و اشوف الجو والطيران ومنو يرافقني ..
كونت فكرة كاملة عن الدولة و تم القرار بزيارتها وقت عطلتنا للأعياد الوطنية..

قلت حق اختي ها تروحين ؟؟
طبعاً الرد اكيد معاج نشوفها ..

نقول رجعنا لكم بتقرير يديد و دولة يديده علي بعد رحلة المغــرب نتجة الى شــرق آسيا و تحديدا الى:

( جمهـــوريـة سنغـــافــورة )..





هنــــــــا سنغـــافــورة



بديت بالاستعدادت اللازمة قبل السفر وقبل فترة الترتيبات بدت تقريباً من شهر 2023/11

الرحلة مستواها : متــوسط ( اللياقة البدنية ) مو ضروري عصي الهايك إلا اذا ناوين اتسون هايك .. أنا خذيتهم احتياط..



اولا : الفــــــــــيزا



ما نحتاج فيزا .. بس نحتاج نسجل في هالموقع يزاهم الله خير الردادي و بوردنغ باس نبهونا على التسجيل قبل الوصول بـ 72 ساعة..

https://eservices.ica.gov.sg/sgarrivalcard/

ثـانيـا : العمــــلات

عملة سنغافورة (دولار سنغافوري)





1 دينار كويتي = 4 دولار سنغافوري = 3 دولار امريكي

ثـالثـا : الطـيــــــــران



تم الحجز عن طريق الموقع الالكتروني للخطوط الجوية القطرية في شهر ديسمبر 2023



الموقع الالكتروني

https://www.qatarairways.com/ar-kw/homepage.html

طيران دولي : كويت - دوحه - سنغافورة - كويت بسعر 123 د.ك للشخص ..

رابــعــــــا : الفنــــادق



حجزت كل الليالي في فندق واحد بس آخر ليلة حجزت في فندق ثاني

فندق بان باسفيك اورتشارد كان فاتح توه صار له 6 شهور.
Pan Pacific Orchard
6 أيام ب 5 ليالي بسعر 450 د.ك

سعر الليلة غرفة لشخصين 75 د.ك = 245 دولار

ليلة في فندق مارينا باي ساند
Marina Bay Sands Singapore

سعر الليلة غرفة لشخصين 190 د.ك شامل الضريبة = 620 دولار.

خـامســا : الصحـــــــة و التطعيمـــــــات



قبل السفر بفترة كافية عليكم التأكد من الوجهة اللي رايحين لها اذا تحتاج الى اي تطعيمات ..

- لازم مراجعة عيادة المسافرين في دولتكم او الصحه الوقائية .
- تلقي التطعيمات اللازمة قبل شهر من السفر على الاقل ليتمكن الجسم من تكوين المناعة .
-اصحاب الامراض المزمنة مراجعة دكتورهم عشان يعرفون لو في تطعيمات تتعارض مع ادويتهم ..

والحمدلله ما احتجنا اي تطعيم لسنغافورة.

و طبعا احتياط معاكم كمام ومعقم



ســادســاً : الطقـــس



سنغافورة حالها حال دول شرق اسيا بالحر و الرطوبة لكن الحمدلله في وقتنا كان الجو وايد حلو ومعتدل مافي رطوبة وامطار خفيفة ما تضايق بعض الايام.

ســابعــاً : القـــــروب



مكون من : قايد كــويتيــة "محدثتكم أبرار " واختي..

ثـامنــاً : الأمـــان



الحمدلله الديرة وايد أمان ما شفنا اي مضايقات ولله الحمد الشعب كان واااايد ودود ولطيف ومساعد..

تـــاسعــــاً : التأمين



التأمين صار من الضروريات من عقب كورونا صار وايد مهم يفضل يكون معاكم لاسمح الله لاي طارئ..

والحين عقب ما خلصنا الاشياء المهمة نبدي العد التنازلي للاستعدادت

تم دفع رسوم الرحلة

443 دينار كويتي للشخص الواحد ( شاملة : السكن في فندقين - طيران دولي)

يتبع
[/SIZE][/COLOR][/FONT][/SIZE][/COLOR][/FONT][/SIZE][/COLOR][/FONT][/SIZE][/COLOR][/FONT][/SIZE][/COLOR][/FONT][/SIZE][/COLOR][/FONT]