أسعد الله مساكم بكل خير يا اخوان

بحمد الله طلعت الفيزا لنا يوم الخميس لإيطاليا بإذن الله طبعا لدي مسار رحلة يبدا من روما وينتهي في ميلان ببداية اكتوبر وودي بإستشارة منكم لو تكرمتو

المسار كالتالي :

اقلاع من الرياض الى روما بتاريخ 2 اكتوبر الوصول هناك على الساعة 11 ونص بالليل داخلين على 3 اكتوبر
" وهذي متورط فيها بخصوص السكن " .

بتاريخ 6 اكتوبر راح نطلع بالقطار من روما الى فيرونا,, السكن محجوز لليلة واحدة وراح نستاجر منها سيارة ونطلع الى البندقية بتاريخ 7 اكتوبر .

طبعا بالبندقية ماراح يكون فيها مبيت بنطلع منها الى الى جاردا بتاريخ 7 مباشرة.

في تاريخ 10 اكتوبر راح نطلع من جاردا وننطلق باذن الله الى اورتساي من 10 الى 14 .

في 14 بنرجع الى فيرونا نسلم السيارة وناخذ قطار الى ميلان بنجلس فيها 4 ايام تشمل كومو ومن ثم بتاريخ 18 العودة الى الوطن ..

المسار حاس ان فيه حوسة زايدة صراحة وممكن تترتب بشكل احسن من كذا للعلم ان فيه زيارة لبحيرة برايس وكذلك احس الرحلة نقدر نرتبها اكثر ونضيف فيها ثلاث ليالي في انترلاكن بس اخاف يكون الجدول مزحوم وتروح الرحلة خطوط وارهاق فما رأيكم؟؟

مساء الخير، بخصوص اول يوم وصول لازم حجز الفندق يكون بتاريخ ٢ وليس ٣ أكتوبر، ولازم ترسل لهم معلومات الرحله الخاصه بالطياره عشان يعرفوا الوقت التقريبي للوصول للفندق . بخصوص إيجار السياره في فيرونا !؟ اقترح من روما نفس يوم الشيك اوت من الفندق تكون مأجر السياره وتنطلق براحتك توصل فيرونا ولا ترجع السياره الا بعد ما تزور كومو وبعدها ترجع السياره للشركه ولا تنسى انك تأمن شامل ويكون عندك الرخصه الدولية والسرعه بالخطوط هناك ١٣٠ بحد أقصى.