الموضوع ومافيه انا اول مره اسافر امريكا والصدق ما اعرف شي واتوقع انها اخر مره يعني انا من النوع الي اذا زار دولة ما يرجع لها ثاني مره المهم خلونا نخش بالموضوع انا ومعي شخص اخر وانشاء الله رحلتنا يوم 15 نوفمبر الجاي ولمدة 15 يوم والمقصد من السفره زيارة اكثر من ولاية حتى لو المدة بالولاية نفسها ما تكون طويله وبعطيكم الجدول والفنادق التي تم الحجز فيها وودي نتشارك موضوع انه وش يبيلك هناك والتنقل والامور ذي وعندي كذا سوال بحطه بعد كل ولاية وشكراً لكم وان شاء الله يعني يجوز لكم الطرح

اولاً: نيويروك لمدة يومين وطبعاً الوصول 9 الصباح يعني بداية اليوم
وتم الحجز في فندق انتركونتينتال وانا قد ما اقدر وابي مساعدتكم بخصوص اني اقضي اليوم الاول بمكان يكون حوله كل الاماكن الي بروح لها واليوم الثاني وكذا
استفساراتي بخصوص نيويورك
1- بخصوص المترو من المطار لمانهاتن هل يوجد لديهم تطبيق احمله او موقع واحجز التذاكر منه يعني ادفع مثلاً حق اليومين الي بجلس فيها
2- بخصوص التنقلات هناك انا م ابي سياره لاني قريبت اكثر من موضوع ازدحام وما ازدحام يعني وش تفضلون
3- بخوصوص الاماكن السياحة نبي خربتكم ياهل امريكا

ثانياً: اورلاندو لمدة ثلاث ايام وطبعاً الوصول الساعه 12 الظهر عن طريق طيران دلتا والحجز في فندق Sonder Wellborn انا اول ما حجزته شفته في نص اورلاندو بعدين تفاجئت انه بعدين عن الالعاب وكذا المهم
استفساراتي بخوصوص اورلاندو
1- صح ان اغلب الناس الي يجون يجلسون 6 ايام واكثر بس انا زي ما قلت لكم ودي امر اكثر من مكان برحلة وحده وشفت الولاية ذي تقريباً العاب وما العاب ومن ذا الكلام يعني حنا اثنين كبار مانبي نروح مكان فيه العاب صغار وذا وين تنصحون يكون الجدول في الثلاثه ايام ذي وشكرا لكم
ثالثاً ميامي لمدة ثلاث ايام طبعاً بيتم حجز سيارة من اورلاندو الى ميامي وتسليمها في نفس اليوم وتم حجز منتجع في ميامي بيتش باسم Nubo Hotel Miami Beach وبخصوص المنتجع قلت نغير بدال ما يكون حجزنا كله فنادق نغير نختار منتجع هالمره
استفساراتي بخصوص ميامي
1- نبي الاماكن السياحية في ميامي وش وضع القوارب والرحلات البحرية وهل اسعارها غااليه اول لا
ثالثاً: لوس انجلوس لمدة ثلاث ايام وطبعاً الوصول الساعه 2 الظهر عن طريق طيران دلتا وتم حجز فندق دبليو هوليوود وبخصوص لوس انجلوس يعني يقولون خلك حول الهوليوود هناك الاماكن السياحية افضل وقلت ناخذ منكم الاماكن الحلوه
رابعاً: لاس فيغاس لمدة ثلاث ايام عن طريق طيران يونايتد اير لاينس وبسالكم بخصوص طيران يونايتد كيف والوصول الساعه 2 الظهر وتم الحجز في فندق ذا كوزموبوليتان لاس فيجاس ونبي منكم المعرفه في هذي المدينة الساحره
واخيراً العودة لنيويروك ولمدة يوم واحد فقط عن طريق طيران دلتا وهو اتوقع اننا بنزور الاوت ليت المشهور الي هناك وبسالكم بخصوص الاوت لت هل يستاهل صدق يعني يقولون اسعار خورفيه وانه رخيص وكذا



واستفسار بخصوص الاوت ليت يعني في كل مكان بنروح له عادي لو نمر اوت ليت يكون قريب ما يكون بعيد مره اذا في اماكن حقت شراء ملابس وكذا تنصحون فيها في اي من الاماكن الي بروح لها

واستفسار بخصوص الاجواء في نص نوفمبر لنهاية نوفمبر كيف بتكون بكل ولاية

وشكراً لكم واعذروني وان شاء تفهموني زين لاني اول مره اكتب موضوع وباذن الله اذا رجعت اطرح لكم احلى موضوع باذن الله في موقع