بسم الله الرحمن الرحيم
السلام عليكم ورحمه الله وبركاته
معاكم أختكم أبرار
ببتدي معاكم في رحلتنا اليديدة العائلية القصيرة

إلى

دوحــــــــــــة الخيــــر ( قطـــــــر)

هذي اغنية لوحة قطر في اوبريت خليجي 10 وانا من المشاركين في لوحة قطر وهذي كانت كلماتها.. من احلى مشاركاتي في الاوبريتات .. اخيه على هالايام يا زينها من ذكرى..

">" type="application/x-shockwave-flash" wmode="transparent" width="425" height="344">

حي الله هالقطري حي الله حبه ربى في حشاي .. مانحتاج حق السري سراينا هالجاي

حبيت اسمي تقريري فيها ..



عقب المغرب و القارة الأفريقية وشرق اسيا تم تجهيز هالرحلة العائلية وتحديدا زيارة دولة خليجية كل زياراتي لها ترانزيت.. وبناءً على طلب الوالدة الله يحفظها رسينا على قطر الخير..

قريت تقارير المنتدى واخذ فكرة عنها .. و اشوف الجو والطيران .. تم القرار بزيارتها وقت عطلة عيد الفطر..

رجعنا لكم بتقرير يديد و دولة عزيزة علينا بعد رحلة المغــرب وسنغافورة نروح الى:

( قـطـــــــر )..





هنــــــــا دوحـــة الجميـــع



بديت بالاستعدادت اللازمة قبل السفر

الرحلة مستواها : نقاهة ( ريلاكس )

اولا : الفــــــــــيزا



ما نحتاج طبعا فيزا .. الحمدلله خليجنا واحد والبيت واحد

ثـانيـا : العمــــلات

عملة قطـــر (ريال قطــري)





1 دينار كويتي = 11 ريال قطري = 3 دولار امريكي

ثـالثـا : الطـيــــــــران



تم الحجز عن طريق الموقع الالكتروني للخطوط الجوية القطرية في شهر مارس 2024



الموقع الالكتروني

https://www.qatarairways.com/ar-kw/homepage.html

طيران دولي : كويت - دوحه - كويت بسعر 65 د.ك للشخص ..

رابــعــــــا : الفنــــادق



حجزت كل الليالي في فندق سانت ريجس دوحه
the st.regis Doha

5 أيام ب 4 ليالي بسعر 520 د.ك ل 3 أشخاص.

سعر الليلة غرفة ل 3 أشخاص 104 د.ك = 339 دولار

خـامســا : الصحـــــــة و التطعيمـــــــات



قبل السفر بفترة كافية عليكم التأكد من الوجهة اللي رايحين لها اذا تحتاج الى اي تطعيمات ..

- لازم مراجعة عيادة المسافرين في دولتكم او الصحه الوقائية .
- تلقي التطعيمات اللازمة قبل شهر من السفر على الاقل ليتمكن الجسم من تكوين المناعة .
-اصحاب الامراض المزمنة مراجعة دكتورهم عشان يعرفون لو في تطعيمات تتعارض مع ادويتهم ..

والحمدلله ما تحتاجون اي تطعيم لقطر .

و طبعا احتياط معاكم كمام ومعقم



ســادســاً : الطقـــس



قطر حالها حال دول الخليج كلنا تقريبا نفس الاجواء لكن الحمدلله في وقتنا كان الجو وايد حلو ومعتدل مافي رطوبة ولا حر.

ســابعــاً : القـــــروب



مكون من : قايد كــويتيــة "محدثتكم أبرار " وأمي الله يحفظها وأختي..

ثـامنــاً : الأمـــان

الحمدلله كل دول الخليج امنة وعسى الله لا يغير علينا.

تـــاسعــــاً : التأمين



التأمين صار من الضروريات من عقب كورونا صار وايد مهم يفضل يكون معاكم لاسمح الله لاي طارئ..

والحين عقب ما خلصنا الاشياء المهمة نبدي العد التنازلي للاستعدادت

تم دفع رسوم الرحلة

238 دينار كويتي للشخص الواحد ( شاملة : السكن في فندق - طيران دولي)

يتبع
[/SIZE][/COLOR][/FONT][/SIZE][/COLOR][/FONT][/SIZE][/COLOR][/FONT][/SIZE][/COLOR][/FONT][/SIZE][/COLOR][/FONT][/SIZE][/COLOR][/FONT]