اليوم الثاني عشر
26 / 8 / 2024

الأثنين




اليوم بنودع غلاسكو ونروح لندن
واول شي سلمنا مفاتيح الشقه على الطاوله بعد ترتيب المكان على الخفيف وبعدها ننزل الجناط وندق على تكسي بولت
وصل والا يعرفنا طالبينه مره وصل بوحسين للمباراة

وصلنا انا وغنومة والزين مع اربع جناط
ورجع لابوحسين والبنات اييبهم



ونص الجناط انطرهم ايوون




صاروخ صجي



عقب ما تجمعنا رحنا نتريق وابوحسين قعد عند الجناط

برت مافي الا كرواسون خذيت حق زيونه ورحت كاريبو كوفيه





البنات راحو هذا الكافيه










زيونه شرت هالقصه وقعدنا عند مكتب سيارات الغولف علشان توصلنا حق قطارنا





ودخلنا داخل المكتب لان قالو حق دانه لازم اسجل اسمي وادخل داخل دشينا انا وزيونه





خلصت قراءة القصه بالقطار



ولما افتحوا حق قطارنا قالت دانه حق اللي توصل ان توصلنا وهذيج عنصريه تقول حق دانه انا ما اشي جناط وتبي توصل ناس قبلي وتكلمنا بطريقة مو حلوه

عصبت عليها دانه وقالت لها من المسئول هني بكلمه واخذت اسمها من الباج اللي معلقته

ومشت فينا انا والزين والجناط واخذت دانه جنطه صغيره وراحت واحنا نمشي والا تشوف دانه تقول حق دانه تعالي صعدي معاهم
دانه قالت لها روحي روحي

ووصلنا الحمدلله لان الطريج لمقطورتنا طويل





مشى القطار الساعه 12ونص بالموعد






































مرينا على محطات













يتبع

نتابع طريجنا







ونكمل طريجنا اللي ياخذ 5 ساعات

في كافيه راحو البنات يتشرون منه وتكرمون في دورات مياه توضينا وصلينا










اخيرا صورت البقرات عدل





























ووصلنا لندن بعد 5 ساعات






اخذنا تكسيين والى الشقه الجديده



شقتنا نفسها لاخر سفرة بس الشقه الأصغر

نشوفها بالجزء الياي


يتبع

نتابع يومنا




وصلنا شقة مارليبون اللي سكنا فيها قبل
بس اخذنا الشقة الأصغر ام غرفتين

هذه شقتنا قبل من التقرير القديم

https://www.arabtrvl.com/vb/t51445-27.html


وهذه شقتنا الجديده فرق عن الكبيره ان هذه بدون تكييف والحمدلله نفتح الشباك والجو روعه هالسنه مع وجود مراوح ما احتجنا لها دايما

والشق تفرق بعد مافي شطافات بالحمامات


وما صورت الا شوي

اول شي ننطر يصعدون الجناط والمفتاح انا وزيونه
عند الشقه تصور









وهذه الغرفه الرئيسية
وفيها حمام

والمخدة اللي بالنص مخدة بوحسين معانا بكل سفرة ما يرتاح الا فيها





وهذه الصاله وعفستنا قبل ما نرتب




الغنفة تصير فراش كبير وزيونه اصرت تنام عليها ونامت معاها دانه
الغرفه الثانيه فيها سريرين وتكرمون الحمام بره بالصاله



وهذا المطبخ














ريحنا ورحنا نتغدى انا ودانه
نبي المطعم التركي طلع مسكرينه ورحنا مطعم ثاني كردي









وهذا طلبي ودانه اخذت ساندويش شاورما






وبس تمشينا شوي تحت بالسوبرماركت اخذنا ماي وعصير ورجعت الشقة رتبت ملابسنا انا وابو حسين بالكبت وعقبها نوم لليوم الثالث عشر

فيديو

https://youtu.be/nV40q-bNg5s?feature=shared



https://youtu.be/pyw8fKLrKm0?feature=shared


https://youtu.be/m9kc4-aycms?feature=shared


https://youtu.be/IWGEbBQ3WUg?feature=shared

اليوم الثالث عشر
27 / 8 / 2024
الثلاثاء






بهاليوم انا ريحت عدل تذكرت نوم الصبح في الكويت وكبرت المخدة على قولتنا

وبعدها الريوق خفيف جدا بالشقة والظهر طلعنا انا والزين ودانه اللي مريحين معاي ورحنا نتغدى مع البنات حاجزين مطعم من الكويت


ننطر الباص






نزلنا عند الماريوت مقابل الهايد بارك ومنها مشي طلع ام الراحة اللي ريحتها الشارع خلف البنايات شارع الاكسفورد ومشي للمطعم ومن كثر التعب البيوت حلوه وتشوق للتصوير بس ما صورت الا هالصورتين











وصلنا المطعم وطبعا كانو الكويتين كلهم بالمطعم ترندنا قوي

مطعم
NAC

ما صورنا الا قليل من زحمة
المنيو













واحنا ننطر الطلب والا وحدة تسلم علي والا بنت خالي وبس قعدنا نسلم عليها وبنتها وبناتي سوينا زحمة عدل هههه

ووصلت الصحون واصورهم ابي نفسهم


















ووصلت الطلبات اللذيذه















وهذا الحلو








طلعنا واخذت تكسي مع دانه ورحت الشقه تعبانه اليوم
بس صورنا زوزو الجميله






بالليل بعد ما ريحت رحنا انا ودانه سيلفردجز اتمشى واشتري حق زيونه تكرمون جوتي للمدرسه وجناط حق حمد والزين








بعد التشري من سيلفردجز طلعنا
واخذنا عشا من هني













في كراسي ورا ريحت فيهم








وزحمة بس خلصنا
رجعنا الشقه
والى اليوم ال 14 ان شاءالله

ماشالله دايما تقريراتك تكون من أفضل التقارير

كنت في لندن في الفتره اللي كنتي فيها .. فعلا الجو كان حلو هالصيف بارد

بالنسبه للشقه اللي سكنتيها مرت علي في اقودا افكر احجزها بروح بعد كم يوم
وين يكون موقعها وكم مشي لاكسفورد
و من وين حجزتيها

الطريق كله مناظر
ما يحس الواحد بالمسافة
وللأسف كثير منهم عنصري يخدمونك من طرف خشمهم

الشقة جميلة وعلى قدكم
والجو بارد ما يحتاج مكيفات

الشاورما لابد منها في لندن
والزين ما شاء الله كاشخة

اليوم الرابع عشر
28 / 8 / 2024
الأربعاء




اليوم بتريق بره انا ودانه والزين
طبعا ربعنا طالعين قبلنا تسوق وتمشي وريوق قبلها


صعدنا الباص من الجهة المقابله بنروح يمين شارعنا يعني امتداد للاجور رود




وصلنا المطعم
وديكورات المطعم تهبل































وصل الفلات وايت لي ولدانه قهوة بارده وزيونه عصير تفاح
واخذت عصير برتقال بعد

















ووصلت الاطباق طبقي بس صورته











زيونه طلبنا لها مع دانه بيض حوس وبان كيك وهاش براون











وهذا بره بالشارع ننطر الباص






يتبع

نتابع معاكم جولتنا




ورحنا نادي تشيلسي نتشرى حق حسين واليهال
وصلنا
































ونصور زيونه بعد








دخلنا المحل مالهم وشرينا واخذت كور حق اليهال وطبعنا عليهم ارقام واسماء والطباعه عليها دور
حق حسين




وحق حمد




واحلى شي على علي جونير





ولبسناه اول ما رجعنا مباراة تشيلسي واخسروا هههه






خلينا دانه تنطر الدور واحنا رحنا كافيه النادي
‏وهذي صور من الكافيه



ستامفورد بريدج



طلبنا ماي وليمون













وبس طلعنا ومشوارنا الثالث الى هارودز

يتبع