ونكمل الكوفنت غاردن




وتعبت من المشي قلت حق دانه انا بقعد هني وانتي تمشي

دخلت المطعم قعدات خارجيه عند الساحة
وطلبت عصير













شراب توت نفس الموهيتو








وصلو ربعنا ومعاهم زيونه والا تخترع زيونه وتقعد تسألني يمه شنو قاعده تشربين شنو هذا
تحسب قاصين علي ومعطيني محرمات
قلت لها جربي زيونه تقول لا لا
الحمدلله عقب صدقت ان عصير عادي هههه


وكملنا تمشي شوي




















رايحين نتغدى





يتبع

ما شاء الله
الطقم الشتوي ستايل على الزين
واللون يناسبها

كوفنت قاردن منطقة جميلة وفيها مطاعم كثير
الدور الثاني فيها كافيه فرنسي متخصص بالشاي
بس نسيت اسمه

خدمة رائعة من الخطوط البريطانية
والسعر معقول جداً بالنسبة لعدد الشنط
بس كيف استرجاع الضريبة

ونتابع يومنا




وصلنا مطعمنا لازم نروح له
ماسالا زون الهندي





وهذا اهو وديكوراته الحلوة














وزيونه واختيارها لازم عيش ابيض











بالغصب تاكل نعزمها



ذقته لذيذ الدياي بالزعفران




اطباقنا وصلت











البرياني لي برياني خضار لذيذ بعد




























الحمدلله الأكل لذيذ وراهي شبعنا عدل

يتبع

نكمل معاكم




وطلعنا انا ودانه وزيونه رحنا بشوارع ورا ماسالا زون نمشي على الخريطة
نبي ككاو * هوتيل شكوليت *





















الشارع حلوو كله محلات اتونس ندخل نستكشفهم ونتشرى ما خف وزنه









وبس رحنا مكان التجمع وهو مركز الكويتين فندق الكمبرلاند





عاد كان وقت دخول الكويتين عند وصولهم لندن اللي حاجزين بالكمبرلاند وقعدت اسولف مع وحده تسألني عن اماكن مطرشينها بناتها لهم

بس تجمعوا البنات وابوحسين اخذنا تاكسي والى المطار طبعا ما نحتاج تكسيين لان جناطنا سبقونا وعندنا الباركود مالهم

وصور الطريج




























يتبع

واخر يومنا وسفرتنا





وصلنا المطار الساعه 6 المساء
والجو يبشر بالبرد




ودخلنا لقينا وحده قالت خل اشوف الجوازات وشافتهم مع التذاكر ودخلتنا بدون طابور وبدون كاونتر وعطت زيونه هدية

دخلنا عند السوق شويه ما نخلص صح
في بالمطار عروض تشتري اثنين الثالث مجانا حلوه كهدايا
مثل الككاوات والشاي والبسكوت



ورحنا عقب السوق الحرة نريح في اللاونج





وهذا اكلهم اللي يناسبنا بس لذيذ




اللاونج زحمة وماحصلنا الا اخر شي بس قعدنا شنسوي
واللي تنظف ما تلحق تشيل ورا الناس المواعين والقلاصات
ويمنا عايله افريقيه جناطهم مترسه المكان وفاتحينهم ويرتبونهم حوسه

وبس ريحنا وتعشينا وصعدنا الطياره









وهذه من هدية الطيارة حق الزين




زيونه قعدت عندنا انا وابوها العود ووصل عشانا












وعقب الاكل زيونه نامت نومه عدله راسها علي واريولها عند ابوها العود




بالليل نصور الليتات



اشرقت الشمس والصقيع على الجام


















وهذه الدقمة اللي قلت لكم تعتم الدريشة وتفتحها



وهني وصلنا الكويت ديرة الحلوين الطيبين












والحمدلله وصلنا بيتنا على الصبح وكان في استقبالنا هالككاو من عروستنا




من المشتريات اللندنيه





وحمد وبعض صوايغه




وهداياي التذكاريه لي من هالسفره الجميله











فيديوات اليوم

https://youtube.com/shorts/Ch2kjVKrnnw?feature=shared



https://youtube.com/shorts/gfx2i7N6KP0?feature=shared



https://youtube.com/shorts/GLY9KFqcNIo?feature=shared


https://youtube.com/shorts/gIhDKDiyYB4?feature=shared


https://youtube.com/shorts/Z47w9N0VEhc?feature=shared




https://youtube.com/shorts/Z47w9N0VEhc?feature=shared













الحمدلله انتهت السفرة الجميله على خير
واحنا بطريج البيت نفكر بالسفرة اليايه وين بتكون


ونشوفكم بتقارير جديدة وجميله بإذن الله

الحمد لله على السلامة أم حسين
رحلة جميلة استمتعنا بتفاصيلها

شحن الشنط مع الخطوط ريحكم كثير
والأمور تسهلت بالمطار مع قلة العفش

وش يعني الجام !!!
أنا قلت يمكن قزاز بس مدري

تقرير يستاهل 5 نجوم والتثبيت
شكراً أم حسين تقاريرك دايم لها رونق خاص

ممتازة خدمة الشيك ان للجناط
وايد مريحه افتكيتوا من الجناط والمبلغ مايسوى

كراسون وكابتشينو وبرد لندن ولا أروع
عليكم بالعافية