ماشاء الله الشقة حلوه اختيار موفق ياليزابيت هههههههههه يازين غلاسكو واجوائها الباردة
متابعين معاك اليوم الرابع

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

اليوم الرابع
الأحد 18 / 8 / 2024






اليوم قعدنا على الراحه وسوت لنا دانه ريوق
معتبر













وزيونه متجهزة مع
الأير تاغ

ونزلنا نتمشى نبي السنتر وهذا شارعنا على يمين العمارة

غلاسكو شوارعها هالسنه فيها تصليحات




رحنا يسار قلنا نجرب الباص وهذا موقف باص




طلع ان الباص اللي يمر هني مو طريجنا فكملنا مشي للمحطة وهي سنترال ستيشن اللي يينا فيها بالقطار











هذا تقاطع شارعنا مع المحطة
بالشارع مرينا على بريت ومطاعم للشركات


تشوفون على اليمين مطاعم
وعلى اليسار المحطة
ومواقف الباص اللي تروح السنتر ونرد منها

ركوب الباص هالسنه ما قصينا كروت بس ندفع بكرت البنك نحطه على الجهاز وندخل الاطفال مجانا




المطاعم والمحلات المقابله للموقف امام المحطه

ودشينا كافيه نيرو نبي نتقهوى



وزوز الجميله معانا




وطلبي وصل















خلصنا من نيرو وصعدنا الباص ورحنا السوق ودشينا بريماك وتمشينا بالشارع من صيدليات ومكتبه ومحلات متنوعه وهالسنه الشارع فيه تصليحات مثل منتو شايفين









رجعنا عند المحطة بالباص
وهذه درجات الحرارة بهاليوم برد ايونس



وهذه المحطة نزلنا هني نبي نتغدى بعد السوق ومعانا ابوحسين مواعدنا هني



وحركات الزين




ورحنا مطعمنا بلو لاجون بناكل فيش اند شيبس




الديكور حلوو









[/

اول ما شافنا الجرسون قال قعدوا وطلبوا وراح نسوي لكم فرش حلال















من كثر ما كنا يواعه بس وصل الاكل كليت بدون ما اصور



وبس طلعنا والى موقف الباص بنرجع الشقة نريح ونصلي


عند موقف الباص





حركات الزين وهناك بوحسين عبر الشارع بيتمشى




محل السوفينرات لوحدة باكستانيه تشريت منها اخر يوم







وقطنا الباص بالشارع الخلفي لان شارعنا مافيه موقف للباص هذا




ونزلنا لشارعنا لان شوارعهم صاعده شوفو اشلون النزله




والبيج هذه عمارتنا




زيونه ودانه حمالة الأسية ما تخليني أشيل جيس


وسوينا لنا قهوة عربيه وعندي حلويات يايبتهم معاي من الكويت
ما ياكلون وهني ماكلو بعد الا شويه










بس ريحنا وعقب بنروح مكان حبيته من السفرة اللي طافت واول شي ابي اشوفه



يتبع

نتابع اليوم الرابع





بعد ما ريحنا طلعنا لمكان احبه من السفرة السابقه
وهو النهر * نهر كلايد *تذكرون كنت ساكنه مجابل النهر
بس هالمره داخل

وهني اول ما طلعنا تصور دانه تصوير ظلمه بس شوفو اشلون الشارع عندنا جنه على جبل

















وصعدنا تكسي قلنا له نبي الجسر المعلق
ما عرف بس ودانا بعد الجسر عند البقالات العربيه والتركيه
نزلنا ودخلنا البقاله وشريت لنا عدس واشترى بوحسين قيمر تركي


وطلعنا جهة النهر
وهذا الشارع يطل على النهر وعنده بيوت شكلها غير مسكونه او قديمه اقول حق بوحسين يبيلنا نشتري واحد منهم
هدووء الا من صوتنا




وهذا جهة اليسار






وهذا النهر عبر السياج







وهذا مدخل الجسر المعلق للمشي فقط ويمكن دراجات يصير
اما السيارات في جسور ثانيه لها





وقعدنا نصور عاد واخذ حق زيونه كذا لقطة واخترت منهم هذيل







وهناك تبين عمارتنا القديمة حسافه هالسنة كلمناهم ماردو علينا الا العماره صارت فل في وقتنا




اللي جدامنا سيدا فندق فيرجن شقق فندقيه بعد ما حصلنا عندهم وعمارتنا السابقة اللي على اليمين



بوحسين ينطرنا مع التأمل


وهني قمت اصور المناظر










الصور اليايه احترت ايهي اختار منهم مع انهم لنفس المكان











اصور مره يمين ومره يسار


































تخيلو الهدوء بس صوت النوارس وصوتنا



وعمارتنا ووراها شايفين القبب الزجاجيه المثلثه هذا المول قبل كذا مره دخلتها وهالسنة ما دخلته

كل هالمده انا اصور ودانه وزيونه واقفين يصورون وانا انبهم على اللي واقف وراهم وحاط عينه عليهم وانا وابو حسين نقول لهم ترى بيبوق تلفونكم ديروا بالكم عاد دانه طيبه طيبه وتحسب كل الناس نفسها

تقول يمه عادي قاعد يشوف النهر ماله شغل فينا




اهو بعد ما شافني اكلمهم وصورهم خاف اني اصوره وراح الحمدلله












واخيراا خلصو تصوير ومشينا













وتصوير دانه الظلمه

























يتبع

نتابع اليوم الرابع




قعدنا نريح ونشم هوا نظيف
وهني تكثر النوارس






فلسطين حرة بأذن الله





تقول زيونه هذه ابلتهم تراقبهم




تصوير دانه


















وهني زيونه وباباعود











عمارتنا الحلوه





عقب الراحة واستبردوا اللي معاي تعرفون ابوحسين ودانه بسرعه يستبردون




رحنا جهة الساحة واول ما وصلنا شافنا اماراتي وقعد يسولف مع ابوحسين والبنات راحو الجمعيه اللي بالمول مدخلها هني وانا قعدت اصور







هناك كافيه نيرو اللي كنت اسميه قصر بوحسين بظهر مدخل المترو




وهذا بوحسين والريال ومدخل الجمعيه باين هناك




والبنات ارجعوا وقعدنا نسولف مع بنت الريال يحليلها كبر البنات

والزين وحركاتها







وبس خلص بوحسين اخذنا الباص اللي هني يوصلنا لموقف الباص عند محطة القطار
ومنها ناخذ الباص الثاني يوصلنا شقتنا


ووصلنا الشقه وسوينا احلى عشى يدفي البطن مموش ومعدس


وقطع دياي دانه لازم بروتين تقول











فيديو طبختنا

https://youtube.com/shorts/QzRPS7uwAnI?feature=shared


وبس عاد المغرب الساعه 8 ونص نصلي ونقعد سوالف وكوي واللي يغسل ملابس واللي ينشر

وبجذيه انتهى يومنا الرابع والى يومنا الخامس


رابط تقرير شقتنا في هذه العمارة
https://www.arabtrvl.com/vb/t30092.html

البنات دايم ما يقصرون مع أمهم
تصوير دانة روووعة ما شاء الله
والزين لا بد من حركاتها

باين البرد من الملابس وموية النهر
العمارة القديمة أحلى بكثير
وموقعها ممتاز جداً

متابعين مع المبدعة أم حسين

شنو هالزين يا ام حسين
تقريرج اللندني مثل الجو اللندني ننطره ونستانس عليه ليش ماحجزتوا على الطائر الازرق

فيو غرفتكم روووعه
عليكم بالعافية ناندوز طعمه غير في لندن

سعر التاكسي من مطار هيثرو وايد زين
توني راده من لندن خذينا التاكسي من المطار الى فندق ثستيل مارل ارتش 102 باوند
ياحلو بريت كل شي فيه لذيذ وفريش للاسف اللي بالكويت مو نفسه نهائيا
عليكم بالعافية كافيه برادا والمطعم الهندي