تابع يومنا التاسع





بعدين قرروا ان نمشي للمطاعم ومثل سنتر ورحنا




المباني خشبيه




وهذا الشارع اللي دخلنا له من جانب البيوت وهو بين غابه وكاتبين ممنوع التخييم فيها

الشارع ما مرت فيه الا سيارتين يمكن
طوله تقريبا اكثر من كيلو






اخيراا وصلنا طبعا البنات وابوحسين وزيونه وصلو قبلنا واختارو مطعم للغدا




من التعب ما صورت الشارع عدل وهني في ملاعب للاطفال
جهة الغابه وهني العاب كهربائية وصالة العاب مسكرة



وهذه ساحة المطاعم وتحت في سوق للسوفينرات والملابس وجمعية



وهذه صالة الالعاب على اليمين والبحيرة














مطعمنا




بالمدخل




والأصنصير عطلان يعني نكمل التعب يعني يت على الدري نصعد














والديكورات مهتمين فيها حيل

























قعدنا هني



والمنيوو

كلنا اخترنا نفس الشي تقريبا الا زيونه






وتشويق للاطفال مع الديناصورات

فيديو



https://youtube.com/shorts/Z0JPD0FKTAA?feature=shared





طبق زيونه





واطباقنا




















وهني طلعنا اللي يتمشى واللي يتسوق نفسي





بعد ما تسوقت سنوفيرات وتحت ماكو سيرفس يدقون علي وما يلقط

خلصت والا اشوف دانه تقول ترى اهم راحو حق محطة القطار

وخل نروح لا نتآخر عليهم وطلعنا




الحين شيرجع ام حسين بعد التعب
وقعدت دانه ادور اوبر

لقت واحد وبعد خمس دقايق كنسل
وبالغصب لقت واحد ثاني وقال راح ايي بس بعد عشر دقائق
وحجزته دانه وكل من يطلع من المكان يروح مشي
وربعنا القروب الكويتي نفس الشي


وظلينا انا ودانه وقلت لها يمعوده يلا نمشي شوي شوي
قالت كاهو الحين ايي التكسي

والحمدلله وصل التكسي والا حرمة ودتنا المحطة
شوفو الطريج من التكسي




وصلنا المحطة چان تقول ما اخذ فيزا ولا كرت ابي كاش وطلعنا حتى السنت عطيناها



واخر صورة لليوم مع الزين وحركاتها





فيديو


https://youtube.com/shorts/PTvUtBWphso?feature=shared

ووصلنا شقتنا بعد تعب
قالو البنات في محطة قريبه عند الشقه راح ننزل عندها قلنا اوكي

والله وكيلكم طلع الشارع لو مافيه تصليحات وسدود چان وصلنا شقتنا بثواني بس صار لنا لفه غير معتبره يعني اليوم مشينا مشي عدل

وصلنا لفه قالو البنات هني اسرع ودانه والزين وابوحسين راحو على خريطه دانه


والا نلاقي شارع مسدود بمواقف سيارات اشلون جذيه
ومجابله فندق هيلتون

قلت حق غنومه خل نروح الفندق ناخذ تكسي
وفرفر قالت لا برجع من طريجي طبعا هني احنا نازلين دريات

عددهم مكتوب شوي ويوصل 100 دريه

المهم دخلنا الفندق مالقينا الا الحريم والرياييل لابسين لبس اسلامي دشاديش وعبي وحجابات
ويدخلون الناس مسلمين ولبس اسلامي محتشم

والا طلع مؤتمر او احتفال بالمسلمين

سألنا عن التكاسي والا مافيه ولا افهمونا لان اهم لاهين بالمؤتمر
تالي رجعنا من نفس الطريج وادريات اعدهم

والحمدلله وصلنا شقتنا والتعب مو هين
ريحنا وحمام ساخن للتدليك ونومة مريحة بعد التعب
حتى ما اذكر ولا مصورة شنو العشا

ونشوفكم باليوم العاشر باذن الله