اليوم السابع عشر
31 / 8 / 2024
السبت




اليوم قعدنا على موعد لازم نسكر الجناط الكبيره وننزلهم تحت الساعه 9,30 صباحا راح تيي شركة الطيران بريتش ايرويز تستلم جناطنا وتعمل لهم تشيك ان واحنا نروح على الراحة المطار
هذه الخدمة بسعر رمزي اعتقد اخذوا منا 60 £

طيارتنا الساعه 10 بالليل
يعني قلنا نطلع من الشقة وين نخلي جناطنا فأحسن شي هذه الخدمة فادتنا وايد تخيلو 12 جنطة كبيره وين نوديهم

تحت الشقه مكاتب عربيه للشحن والتخزين وغيرها بس افضل لنا شركة الطيران توصلهم للطياره وعطونا ارقام الجناط




احنا شرينا حجز 6جناط للرجعه
زيادة بس مااذكر السعر

المهم خلصنا ورتبنا الشقه على الخفيف
وبعدين طلعنا مع جناط الكابين 3 مالوت البنات معاهم

راحو البنات ومعاهم زيونه عقب ما دفيتها اليوم بررد اكثر من كل يوم






وانا ودانه قلنا بنتريق في كافيه بالنوتينغ هيل
سامعه عنه دانه احلى كرواسون ورحنا

الكافيه ماعندهم قعدات ومخبزهم صغير وبره كرسي تخت واحد قعدت ويمي بنتين يعني يشيل خمس اشخاص بالكثير

ووصلت كرواسونتي والكباتشينو لي








شوفو اشلون فريش صج لذيذة



هذا اسم المخبز



ومع افكت النوتينغ هيل




تمشينا بالشارع شويه وتشرينا





والحمدلله العباة موجودة للي يتخوف من لبس العباة السوداء عادي ياجماعه بكل بريطانيا












عقب صعدنا الباص ورايحين الكوفنت غاردن












هالعمارة عندنا بالكويت نفسها



مطعم نصرت تحتها




محكمة







































يتبع