الزين كله في غلاسكو
اليوم الأول
الخميس 15 / 8 / 2024










السلام عليكم اغلى الاصدقاء
رجعت لكم بتقرير جديد بناءا على طلبات الخوات العزيزات بالمنتدى ورغبتي بحفظ ذكريات سفرتنا بالمنتدى الغالي


سفرتنا هالسنه مع الزين كله والبنات والغالي ابوحسين
الحمدلله تم حجز التذاكر والسكن لكل الرحله والقطار من لندن الى غلاسكو والعوده

الطيران كان على البريطانيه
بهذا السعر





الكبير 235 دينار
الصغير 176 دينار

وهذا وقتنا






بعد صلاة الفجر تجهزنا وطلعنا الى مطار الكويت القديم
وهذه الزين جميلة السفرة






يه معانا ابوها على اساس موافقه لان بدون اهلها قالو ماله داعي دامانها بنفس اسم العايلة ما يحتاج




بعد عمل التشيك ان دخلنا ورحنا لاونج يكون اخر المطار رحنا باستخدام سيارة الغولف













وهذه قاعة اللاونج ماصورت وايد




الاكل وايد مناسب للريوق دخلنا كلنا على البطاقات البنكيه الا الزين اخذوا 6 دنانير




بعدها قعدنا شوي بالقاعه وبعدين رحنا جهة البوابه مالتنا














وطيارتنا الانجليزيه



صعدنا الطيارة على الموعد
بعد تفتيش دقيق بالاجهزه ويدوي للجناط والاجهزه الذكيه ايباد ولابتوبات للاغلبيه






شايفين اللون للشباك مافي ستاره بس فيه تغييم وتقدر تتحكم فيه بهذه الدقمه






وهني بعد ما فتحنا التغييم والطياره بدت تمشي ويبين مطار الجزيره وطيارتهم





يتبع

نتابع معاكم



وبدت تطير طيارتنا فوق ارض الحبيبه الكويت





تقريبا بعد ساعه عطونا وجبة الريوق









صور من الطريج ومسارنا صار عبر المملكة السعوديه ومنها على مصر وبعدين ارتفع الى اوربا






































































فوق اوربا







ارتفعنا مره ثانيه





وقبل ما ننزل بساعه تقريبا وزعوا لنا وجبه خفيفه



































ووصلنا مطار هيثرو بعد خضه مطب هوائي قوي
















وبعد التشيك ان رحنا حق الجناط ومنها ننتظر سايقنا








السايق حاجزينه من الكويت ب 70 £

وهذا من الطريج جم صوره والأجواء تهبل









ووصلنا فندقنا عرفتوه ؟






ننطر توقعاتكم اي فندق ؟

فيديوات الطيران


https://youtube.com/shorts/1uXUSZ2BW0U?feature=shared


https://youtube.com/shorts/KXipGL8cCO0?feature=shared


https://youtube.com/shorts/5V74WMx5p60?feature=shared



https://youtube.com/shorts/cdQbyPblidg?feature=shared



https://youtu.be/3w5lO19pUNM?feature=shared



https://youtu.be/goR39LSBXz4?feature=shared


فيديو الطريق



https://youtube.com/shorts/8KYC-3qG7co?feature=shared

معاكم اول المتابعين
ماعرفت الفندق يمكن كمبرلاند
عوداً حميداً ام حسين 👏🏽👏🏽👏🏽

ما شاء الله عودًا حميدًا أم حسين

ترتيب وتنظيم وتفاصيل رائعة كعادتك

الله يحفظ الزين ويبارك فيها وأهلها

متابعين ومستمتعين بالتقرير

نتابع اليوم الأول





بعد وصولنا للفندق ومن الصورة الأخيرة في الجزء السابق





باين لكم انه فندق الكمبرلاند بعد ما اشتروه الهارد روك رجع مسماه الكمبرلاند بس الديكورات كلها عن الهارد روك

كان حجزنا للغرفة الوحدة بسعر

حجز اول ليلتين كمبرلاند

‏You Purchased GBP 538.56 at The Cumberland Rec in UNITED KINGDOM

بالكويتي تقريبا 430 دينار للغرفتين

دانه استلمت التشيك ان للفندق وطبعا لازم كل فندق يطلع روحكم علشان يوفرون لكم غرفتين نفس المواصفات اللي انت طالبها
وأغلب اللي معانا بالطياره هني نوصل تباعا تباعا







عطونا غرفتين الثلاثيات ابعاد عن بعض بس الحمدلله نفس الدور
عطونا غرفه تطل على الساحه خلف الكمبرلاند وهني زيونه بالغرفه
خليناها للبنات لانها ابعد عن الاصنصيرات



اطوال مشاهير الهارد روك على المرايا




اغلب الفندق صور الفنانين وادوات موسيقية دكور هارد روك

بس دخلنا نتوضا ونصلي وطلعنا بعدها نتغدى
مع ان فتح بالكويت وجربناه بالكويت ما زال مفضل لزيونه والبنات مطعم ناندوز
كان خلف العمارة بعد سيلفريدجز
كانت مجموعة مطاعم جديده فاتحه












ووصل الأكل








بعدها رجعنا نتمشى بالاكسفورد قريب الفندق

واول صورة اصورها حق حماده




عاد الاسئلة قامت تهل علي من حماده روحي صعديه وشفتو مينيوز والا لا
حتى لما رجعنا الكويت يسالني ركبتو باص مينيوز


بعدها رحنا جهة كافيه عنده ماتشا وجربناه وهذا بظهر فندقنا




ووصل الماتشا











ورجعنا الفندق نشوف غرفتنا واستانسنا على الفيو انا والزين لانها بتنام عندي










غرفتنا واسعه الحمدلله والاسره مريحة
















وفتحنا الشباك ونسمة الهوا والجو روعه مع ان في تكييف بس حبينا الجو





فيديو للفيو على قولة زيونه


https://youtube.com/shorts/8PcCmR1Y2QM?feature=shared






وهذا حمامنا تكرمون
زيونه صورته لي








هني خلص يومنا ونمنا مبجر بس صلينا المغرب والعشاء نمنا من التعب لان ليلة السفرة ما ننام عدل


نشوفكم في تفاصيل اليوم الثاني باذن الله

والله متغير ديكوره وايد من زمان عن كمبرلاند
الله على تصوير زيونه
عليكم بالعافيه ناندوز اللذيذ