السلام عليكم اخوتي المسافرون

اليوم باذن الله حسويلكم تقرير مفصل عن رحلتي لماليزيا في سبتمبر واكتوبر 2024

حيكون متحدد باذن الله و في صور وتوصيات

اللي عنده سؤال لا يتردد و ان شاء الله اقدر افيدكم زي ما افدتوني جميعا


بسم الله الرحمن الرحيم

حجز الطيران تم على الطيران السعودي يوم 17 اغسطس (عرض 50%) لرحلة يوم 23 سبتمبر 2024

دفعت مايقارب 1890 ( كان في رحلات ارخص تصل ل 1550 ريال ولكن هذا التاريخ كان مناسب لان نحن كن

مجموعة اصدقاء احدنا سيصل من كندا ف كان هذا انسب تاريخ )
ا
لحجز يشمل شنطه 20 كيلو و 7 كيلو فقط

قبل السفر ب 3 ايام عبينا ماليزيا كارد

يوم 23 سبتمبر بدات الرحلة من مطار جدة الى كوالالامبور الساعه 3 ونص عصرا

كانت اجراءات الشنط والبوردينج من اسهل ما يكون وربنا سهل ولله الحمدلله

وصلنا كولالامبور الساعه 5 ونص فجرا
ا
لمشوار من الطياره للمطار والتختيم كان طويل الصراحه ما بين باص وجسر و مشي مطول في المطار الى ان

تصل للتختيم


تحديث ***

وصلنا للجوازات كان في موظفين كثير ماشاء الله الطابور كان سلس وبيمشي سهالات سلمت جوازي للظابط

سألني كم يوم حقعد وليش حقعد هاذي المده الطويله " قرابة ١٣ يوم " وهل في تذكرة عودة و طلب

يشوفها ولما اتاكد ختم الجواز على طول

خرجنا ل سير الامتعه كان في لخبطه كثير واكثر من طائرة في نفس الوقت وزحمه وقعدنا نستنى الشنط

تقريبا ربع ساعه

بعدها اتجهنا لمكاتب تغيير العملة وغيرت حوالي 200 ريال وقتها طلعت حوالي ... رنغت

و من ثم ل شركات الاتصالات لشراء سيم كارد ووقع الاختيار عشوائيا على شركة يوني فاي " عرضهم كان

شهر لا محدود نت ومكالمات و ١٠ جيجا هوت سبوت ب ٥٠ رنغت " اشتريت ودفعت وركبولي الشريحه

واتاكدو انها اشتغلت

بعدها اتوجهنا للبوابه عشان نطلب سياره من تطبيق grab و كان في بوابات معينه نطلب منها ونركب

في وفرة كثيره في السيارات والاسعار ممتازة ولكن بسبب الزحمه يطول لما يوصل للبوابه
ا
ول شي حيرسلك السائق مسج أنتو كم نفر وكم شنطه عشان بعمل حسابه لأن سياراتهم صغيره و

ماتكفي الشنط عادة
ا
خذنا التاكسي من مطار كوالالمبور الى فندق ريتز كارلتون في منطقة بوكيت جنتنغ ب مبلغ 74 رنغت و في

وقت ساعتين تقريبا " الطريق زحمه بشكل غير معقول توقف دائم وأخذ وقت وتعب جدا بصراحه في التاكسي

" ولكن مع الطريق الجميل والشجر المحيط به كان في استمتاع على طول المسافة والوقت

WhatsApp Image 2024-10-30 at 22.47.18_36bc2edb.jpg
WhatsApp Image 2024-10-30 at 22.47.18_87c74e0a.jpg
ا
عتذر عن رداءة جودة الصور لان اعتمدت على تصوير الفيديو والصور الثابتة كانت تصوير جوال ثاني جودته سيئه

الفندق حجزته من بوكينج قبل السفر ب شهر تقريبا بسعر 2508 رنغت لشخصين في 3 ليالي 4 ايام

وصلنا الفندق كانت الساعه ٩ تقريبا " كنا منبهين عليهم ان طيارتنا بوقت مبكر وقالولنا ماعندكم مشكله

بنحاول قدر الإمكان ان نجهزلكم الغرفه "

ولكن حصل انهم رفضو تسكيننا .. عبينا الاوراق المطلوبه واخذوا التأمين و ضريبة السائح وكل شي وبعدها

قالولنا اقعدو على جنب لما ربنا يفرجها

حاولنا نفهمهم ان أحد المسافرين معي جايه من كندا و سفر اكثر من ٢٣ ساعه وتعب .. ولكن كان في عدم

تفهم وعدم ذوق من موظفة الاستقبال وكان هذا شيء غريب على فندق ب اسم الريتز كارلتون
ا
نتظرنا على جنب بدون ان يقدموا لنا ضيافه او ماء او حتى مساعده نفسيه .. قررنا نترك الشنط وننطلق نفطر

في مكان مجاور حددته قبل موعد السفر احتياطا لموقف ك هذا .. وكان اسمه blackbixon
ا
لمكان مشي ثلاث دقائق من الفندق كانت اجواءه لطيفه جدا يقدموا المخبوزات والقهوه وفعلا طلبنا

كورواسون بالبيض ب صوص الترافل و كرواسون سادة و لاتيه و اميركانو كانوا جيدين و بسعر 69 رنغت

الطاقم كان خدوم ومبتسم ولطيفين جدا

3.jpg
4.jpg

على الساعه ١١ ونص رجعنا ل الفندق وأيضا كان هناك رفض من الاستقبال وحتى اخبرناهم لو ان الغرفه ا

لسريرين منفصله غير متاحه ويقدرو يوفرو السرير الكينج رفضت الموظفه وقالت لا يوجد غير اعلى فئه في ا

لاجنحه لو تقدروا تدفعوا !! وكان اسلوبها سيء جدا ويذكرني ب فيلم عسل اسود لاحمد حلمي 😂😂

جلسنا ننتظر ولاحظنا بعدها ان أي زائر آسيوي يسوي تشيك ان على طول يدخلوه وماينتظر زينا " ما اعرف

عنصرية ام انهم حاجزين ليله مسبقه عن ليلة قدومهم !"
ا

لمهم استلمنا الغرفه على الساعه ٢ ظهرا قبل موعد التشيك ان المعتاد ب ساعه واحده فقط

5.jpg
صراحه الغرفه كانت دون المستوى شكلا ومضمونا وخيبت أملي في فكرة ان رايحه اتدلع واحس ب فخامة ا

لريتز ولكن للصدق الحمام كان ممتاز ونظيف وجميل

بعد ما خلصنا قررنا ننام شويه قبل ما ننزل نكتشف باقي المنطقه

وبالفعل نمنا وصحينا على صوت احد بيفتح الباب ومدرعم داخل علينا " الوقت عصر ماهو وقت تنظيف واحنا

كنا بنات فقط "

طلعناله حاولنا نفهم ايش فيه كان احد الموظفين بيقول مافي شي بس جايبلنا كيك ليمون ضيافه وترحيب !! ا

لفكرة ان الكيك كان في حاوية طعام بلاستيكية قديميه واضح انها ذات استخدام شخصي مو فندقي ف

مافهمنا ايش القصه اخذناها وقفلنا الباب وطبعا ما عرفنا نرجع ننام ولا عرفنا ناكلها لأن خايفين من محتواها ..

6.jpg
7.jpg
ا

ستغفرنا ربنا وقمنا اتجهزنا وقررنا ننزل على بفاليون مول اللي على بعد دقيقه من الفندق
ا
لجو كان رطوبه وخانق الصراحه ولكن أضواء المول وبرودته كانت تستاهل المشي
ا
لمول ماشاء الله عظيم وكبير وعبارة عن متاهه لأنو يعتبر موصول باكثر من مول قريب وبعد ما اتمشينا وانبهرنا

فيه تهنا واحنا خارجين من بوابه مختلفه والمشكله المنطقه هاذي سيء جدا فيها الجي بي أس ويقعد

يلففك حوالين نفسك .. مشينا اكثر من ساعه حوالين نفسنا وبعدها بدأنا نشوف معالم الطريق الي نعرفه

ورجعنا الفندق .. غيرنا ملابسنا وقررنا ننزل نتعشى في الفندق وانصدمنا ان مااشاء الله كل شي مقفل

فاضطرينا نرجع الغرفه نشوف ايش في مطاعم فاتحه لوقت متاخر ووقع الاختيار على مطعم السلطان العربي

في شارع العرب .. تقيمه على جوجل ريفيو ٤.٩ واكثر من 1200 مقيم فتوكلنا على الله ورحنا ب grab ب 7

رنغت

8.jpg
وصلنا المطعم اجواءه عربيه ومشغل اغاني عربي وعنده شيشه

طلبنا عصير ليمون نعناع وشاي بالنعناع و مشكل مشاوي و شيش طاووق.. وكان سيء للغايه " الحمدلله

نعمه" اكلنا البطاطس والخبز وشربنا العصير والشاي
ا

لأكل كان مخلوط بنكهة كاري وبهارات غريبه تماما ونوع اللحم المستخدم كان سيء جدا يعني نقدر

نستشف ان التقييمات كانت مزورة تقريبا او انه مقيم على الجو والشيشه " ماجربناها ومانعرف "

فاتورتنا كانت 171 رنغت

11.jpg
12.jpg
13.jpg
14.jpg
15.jpg
16.jpg
17.jpg
18.jpg

رجعنا الفندق عندنا امل نقعد على المسبح ونتسلى بدون سباحه ولكن للاسف كانو قافلين الانوار ونايمين

من بدري ماينفع للسباحه ولا للجلوس
ا
لانوار في الصوره من الفنادق المجاوره

19.jpg

رجعنا غرفتنا وقررنا ننام وللاسف كان عندي خوف من فتح الباب ف حطيت الشنطه قدام باب الغرفه " نسيت ا

ذكر فوق ان غرفتنا كانت غرفه متصله بغرفه اخرى وبيننا باب مغلق سمعناه اكثر من مره في محاولة فتح من ا
لناحيه الثانيه" قفلنا الأنوار ونمنا. والساعه ١ ونص او ٢ نسمع محاوله فتح باب مره أخرى ولكن ما انفتح

بسبب الشنطه !!

يومها للاسف ماعرفت انام وخفت اكلم الاستقبال الموضوع يزيد واحنا لسه قدامنا كم يوم

خلصت اول ليله الحمدلله .. في قلق نوعا ما ولكن الحمدلله
ا

نتظروا باقي التقرير للايام الجايه باذن الله