ياسلام تقرير من بدايته مرتب ومفصل وعن كوكب اليابان 🇯🇵
متابعين

الكل يشتكي من غلاء التاكسي عندهم ..
شنو السبب ؟

-اليوم الثالث-






صحينا في هذا اليوم وافطرنا بالفندق وتوجهنا لاحد اكثر الاماكن اللي كنت متحمس لها باليابان بشكل عام وهو متحف Teamlab وهو متحف مشهور بالاضاءات الجميلة ويعتبر من اكثر الاماكن السياحة زيارة في طوكيو .. ولكن للاسف بعد الوصول اكتشفنا ان المتحف يتطلب حجز مسبق قبل موعد الزيارة باسبوعين على الاقل

للاسف على كثر ما شفت صور وفلوقات لاشخاص زارو المتحف محد تطرق لهذه المعلومة ولذلك ما قدرنا ندخل المتحف



تحسبون بس هذا اللي صارلنا اليوم ؟
لا بعدها توجهنا الى قصر imperial palace وهو قصر مشهور بطوكيو وبعد الوصول له تبين ان يقفل يوم الجمعة هههه
مع ان في قوقل ماب كان مكتوب انه مفتوح

اليوم هذا بدأ معنا بشكل سيء

عموما بعدها توجهنا الى حديقة Shinjuku gyoen national garden







بصراحة الحديقة جميلة جدا كبيرة وتحتاج ساعتين او ثلاث للتجول فيها بالكامل















بعدها توجهنا الى مطعم حلال يبيع رامن اسمه (Honolu halal ramen)
والرامن للي ما يعرفه هو اكله (زي الاندومي) ولكن يقطعون معه دجاج ونكهته مختلفة تماما عن الاندومي

طبعا المطعم يقدم نكهات مختلفة (مالح - حار - حالي)

سعر الطبق للشخص الواحد حوالي 1600 ين (40 ريال سعودي تقريبا)





ومن الصور يبين لكم انه كان لذيذ جدا هههه


بعدها توجهنا الى شارع شينجوكو














وبهذا ينتهي يومنا الثالث

ماشاء الله يعطيك العافية عالتغطية وبشارك معك تجربتي أيضا بحكم رحلتي كانت قريبة من توقيتك

بالنسبة للاكل أشوف مطاعم الحلال كثرت بشكل كبير مقارنة بالسابق خصوصا في المناطق السياحية ك طوكيو واوساكا وكيوتو، وطبعا كل مابعدت عن هالمدن تتقلص المطاعم الحلال.

مطار ناريتا فيه قطار اسمه Narita express ياخذك من المطار لمحطة طوكيو وسريع ومريح أكثر من الباص وأريح لك مع الشنط الكبيرة.

أما المواصلات صراحة المواصلات العامة تغنيك عن التنقل بالتاكسي لكن نصيحة اذا شخص حاب يتنقل كثير ياخذ معه شنطة كبيرة و Curry on. ولو حابب ينتقل من منطقة لاخرى وبسبب ازدحام المترو يشيل الاغراض اللي يحتاجها معاه في ال Curry on ومحطات القطار فيها اماكن يمديك توضع فيها الشنطة الكبيرة وهالشي يفك أزمة في التنقل.


فعلا اليابان من الدول الجميلة وأي شخص هاوي للسفر لازم يزورها، دولة جميلة وشخص محترم جدا وودود.

-اليوم الرابع-






صحينا بهذا اليوم قاصدين احد اهم وجهات اليابان وهو مشاهدة جبل فوجي

رحنا اليوم اللي قبله لمحطة الباصات على اساس نحجز رحلة من طوكيو الى منطقة جبل فوجي (تبعد حوالي ساعتين بالباص) ولكن للاسف رحلات الصباح كانت مخلصة

ورب ضارة نافعة كان مالنا الا اننا نحجز رحلة سياحية عن طريق تطبيق Klook وكان سعر الرحلة ٤٠ دولار وبصراحة استمتعنا كثير بالرحلة وقابلنا اشخاص وتعرفنا عليهم ومتأكد ان لو رحنا لوحدنا كانت المتعة بتكون اقل

طبعا نظامهم يحددون لك نقطة تجمع وكانت بمنطقة Shinjuku ياخذونك من الساعة ٧ صباح ويرجعونك لنفس النقطة على الساعة ٤ مساء تقريبا

انطلقنا الى نقطة التجمع وكان الجو مغيم ..







ركبنا الباص وانطلقنا الى جبل فوجي



ابلغنا مرشد الرحلة ان انتم وحظكم ممكن يكون الجو مغيم ووقتها ماراح تشوفون الجبل
صراحة توترت حرام كل هالمسافة اخرتها ما اشوف الجبل هههه

عموماً الحمدلله وقتها كان الجو مشمس ..




توجهنا مباشرة الى بحيرة Kawaguchi ..












بعدها توجهنا الى محطة Mt.fugi 5 وهي محطة على ارتفاع ٢٣٠٥ متر .. المنطقة جدا مرتفعة والجو فيها باااارد جدا ولازم تاخذون احتياطاتكم





المنطقة فيه مناظر طبيعية جميلة وفيها كافيهات ومطاعم (ولكن للاسف لا يوجد مطاعم حلال)













بعدها توجهنا الى قرية Oshino Hakkai وهي قرية صغيرة مليانة سياح صراحة فيها زي الينابيع وتقدر تشرب منها مباشرة لكن كانت زحمة وسرا طويل فاكتفينا بالتجول بالقرية ..













واخيرا توجهنا الى اوت ليت اسمه Gotemba وهو عبارة عن مكان تجاري زي المول لكن outdoor ،، فيه عشرات البراندات والمحلات التجارية ،، وايضا الحلو فيه انه فيه مصلى

عن نفسنا ما كان من خططنا التسوق فذلك تمشينا فيه شوي











وبعدها رجعنا على طوكيو وبهذا انتهى يومنا الرابع