ايضا ارجو المعذرة من الجميع, لان تاخرت بكتابة هذا التقرير, لظروف صحية, والحمدلله على كل حال,


نصيحة لاهل السفر وخصوصا الرحلات الطويلة, افحص بين كل فترة واخرى, والله يشفي الجميع,






معلومات عالطاير:



التاشيرة:
تاكد من تاريخ بداية وانتهاء التاشيرة الامريكية, ليس الكل ياخذون نفس المدة.





البطاقات الائتمانية:
التنويع مطلوب بين بطاقات الائتمان (الكريديت) و بطاقات الشحن (الديبيت).

يفضل البطاقة المطبوعة (البلاستيك), ولا تعتمد كثير على وسائل الدفع الالكترونية (ابل باي, سامسونج باي, ولا حتى المحافظ الالكترونية).


حاول تنوع (حسب الامكان) بين بطاقة فيزا, وبطاقة ماستركارد, وبطاقة اميريكان اكسبرس.

بعض البنوك عندها منتج بطاقة السفر فيها اكثر من عملة (ريال سعودي, دولار امريكي, جنيه استرليني, درهم اماراتي, وغيرها) تحول من حسابك الجاري الى حساب العملة اللي تبي وتستخدمها.

لاني لقيت اماكن ماتقبل بطاقات الشحن (الديبيت) مثل شركات ايجار السيارات, تامين الفنادق, اماكن المواقف العامة, حتى بعض السوبرماركة الكبيرة, ماقبلوها حتى ولو كانت البطاقة مليانة فلوس.


بعض البنوك عندها منتج بطاقة استرداد نقدي (كاش باك) بنسب مئوية مختلفة, مثال اذا استخدمتها بالمطاعم و الكافيهات يجيك استرداد نقدي 10%. والسوبرماركة من 5 الى 6 % حتى بالمشتريات الدولية.


ايضا بعض البنوك عندها منتج بطاقة اميال سفر (بطاقة الفرسان التابع للخطوط السعودية, وبطاقة طيران الامارات) بعدد اميال مختلفة ومقدار صرفك بالمشتريات المحلية والدولية.





صالات الانتظار بالمطار (اللاونجات):
اربط البطاقات الائتمانية مع صالات الانتظار, بدل ماتقعد بالزحمة وكراسي غير مريحة (خصوصا اذا معك عائلة) يمكن توصل المطار بدري وتدخل مرتاح, وكراسي وسيعة افضل من المتعبة.





مبلغ التامين:
تقريبا معظم الفنادق اللي تعاملة معاهم, وشركات ايجار السيارات تطلب تامين (مسترجع) فقط من بطاقة ائتمانية, وترفض العملية اذا استخدمت بطاقات الشحن (الديبيت), مثل ماذكرت, حتى ولو كانت البطاقة مليانة فلوس.


لان مبلغ التامين محجوز من رصيد البطاقة الائتمانية اللي انت معتمد عليها بمصروفك اليومي.

وللامانة الفنادق اللي تعاملة معاهم ذكرو ان المبلغ بيرجع من يومين الى اسبوع, ولكن جاتني رسالة البنك (عملية مسترجعة) بمبلغ التامين وانا واقف عند الاستقبال اسوي خروح من الفندق.





حجز الفنادق والسيارات:
مواقع حجز الفنادق والسيارات كثير, يفضل استخدام مواقع معروفة تعطيك كاش باك, او بونص, او نقاط, او ترفيع لفئة العميل, تجمعها وتستفيد منها بحجز اخر.


اختار سكن قريب من شركات ايجار السيارات (بعضها داخل فنادق) لسهولة استلام و تسليم السيارة.





عضوية المولات و الاوتليت:
كثير من المولات والاوتليت بامريكا تعطيك تخفيض زيادة لانك عضو او مسجل بموقعهم الالكتروني. فقط تعطيهم الايميل اللي مسجل بيه وبيطلع عند الكاشير نسبة الخصم.





مدينة لاس فيقاس جميلة:

تحصل فيها من افضل وافخم فنداق العالم, ولكن حاول تبعد عن البوليفارد, اذا تبي سكن مناسب للعايلة,

ايضا للعايلة والاطفال العاب خارج الفندق.





مدينة اورلاندو, الوجهة الجميلة للعايلة:

فيها مدن العاب كثيرة وكبيرة جدا مثل:

شركة ديزني فيها مدن العاب (ماجيك كينقدوم) الاساسي والاكبر, و (ايبكوت) فيها العاب الكترونية كثير, و (مملكة الحيوانات) نسخة من حدايق السفاري, و (هوليوود ستوديو) اكثرها عن تصوير الافلام, و(ديزني سبلاش) العاب مائية.


شركة يونيفيرسال فيها مدن العاب (يونيفيرسال ستوديو) اكثرها عن تصوير الافلام, و (يونيفيرسال ادفينشر) مغامرات واكشن.


شركة دولفين مدينة العاب مائية.





الافضل تنوع بين مدن العاب الاستوديو والالعاب المائية والسفاري, شكل شوية من هنا وشوية من هنا, لان فيها متشابهات كثيرة.

خصص يوم للبارك, لان البارك جدا كبير ومتعب.


اورلاندو فيها 3 اوتليت كبيرة, مثل انتيرناشيونال بريمير, و فنلاند.

خصص يوم للاوتليت, لانة بعضها جدا كبير ومتعب.





السكن باورلاندو يفضل شقة عائلية, او فيلا, او غرفتين مفتوحه على بعض.


السكن بمنطقة والت دزني, فيها فنادق كثيرة, والكثير من الفنادق عندها باصات ترددية من الفندق الى مدن العاب (دزني فقط), والى (دزني سبرينق).


الافضل تحجز تذاكر المدن الترفيهية اذا وصلت, تحسبا للاحوال الجوية, (حجز أونلاين بعض المرات مفيد) حسب العروض الموجودة بموقعهم.





شبكةT-Mobile قوية في مدينة اورلاندو, ضعيفة في مدينة لوس انجليس و مدينة لاس فيقاس, وللاسف شركات الاتصالات السعودية (موبايلي, و اس تي سي) تتعامل مع T-Mobile





لا اقول وداعاً, ولكن اقول انتظرونا في تقارير جديدة.