ما شاء الله رحلة جميلة وتقرير مرتب
واحلى شى رحتو كازبجي لان 5 ايام كثير على تبليسي

اليوم الرابع 23 مايو

طبعا البداية مع الفطور




وقتها بلغت البنات نبغى نروح للبحيرة بس ماكانو حابين يروحو اماكن بعيدة زي الجبل وانهم تعبوا



قلت اوكي نروح الحمامات الكبريتية ونحجز موعد نسوي شي يخلينا ريلاكس وكدا
اول شي تمشينا شوية ورحنا بس ماحبيت المنطقة من الداخل حسيت برطوبة ماتعجبني



وبعدين دخلنا نستفسر عن الاسعار وحجزنا عالساعة 7 الليل

ورحنا اخذنا ايس كريم بالكرز والفانيليا يجنن



وبعدين رجعنا الاوتيل لمينا ملابسنا ورحنا المغسلة نغسل



نظامهم حلو واون لاين واللي بالمغسلة رجال كبير بالسن واختي شوية وتصيح

بعد ماخلصنا رحنا المول مشييي وبعدين اكلنا في نفس المطعم

وبعد ماخلصنا فاتنا موعد الحمام اللي حاجزينه

قلنا عوافي ايش نسوي طيب البنات قالو نروح كوفي وجلسو يدورو على كوفي مرتب يروحوه ورحنا







وصار موقف يفشل بالكوفي
انا جالسة مروقة اشرب قهوتي واحلي طالبة 3 انواع حلا نجربهم وشوية يحي كلب صغييييير اوكي شكله حلو بس انا اخاف من الكلاب ويحوم عندي واصرخ وانادل الويتر لو سمحت شيلوه وشوية يجيني الكلب يحوم عندي ونفس الموال وارجع انادي الويتر ويشيله 3 مرات تصير نفس الحركة اخر شي اكتشفت انهم كلبين مو واحد وجات بالنهاية صاحبة الكلاب شالتهم كان نفسي الطمها بس قلت خليكي فريش احنا في رحلة وبس بعد ماخلصنا رجعنا عالاوتيل ونمنا بس ماتهنيت بالحلا من الكلبين كل شوية افز من مكاني

يوم 24 مايو

صحينا بدري وقلنا نروح نحجز موعد بالحمامات بس لمن رحنا كانت موجودة موظفة ثانية غير الاولى واعطتنا اسعار مرة عالية والاولى كانت موجوة برضو فكنسلنا الفكرة

قلنا نروح المول نقضي ونشتري هدايا ودا وقت استغلال تواجد البراندات التركية في مولاتهم

بعد ماتسوقنا وانا خارجة من المول لقيت وحدة تبيع قدام المول ستيكرات وميداليات واشياء حلوة نفس اللي شفتها اول بس بسعر ارخص واشتريت طبعاا دايما الواحد يبعد عن الاماكن السياحية في شراء الهدايا

وقلنا نرجع للاوتيل مشي ونرتب اغراضنا لانه بكرة الرجعة







اخذنا حلا في طريقنا



طبعا اليومين الاخيرين ماكان فيها فعاليات لان اللي معايا تعبو من رحلة الجبل فصار كله تسوق واكل

من طقوسي بالسفر اخر ليلة اتمشى في الليل لوقت متاخر اودع المكان





يوم 25 مايو


يوم العودة





فطرنا وطلبنا بولت

الكابتن كان رجال كبير وسالنا انتو عرب قلنا سعوديين المهم جلس يمدح فينا ويذم في ناس مو حابة اذكرهم بس المهم حسيت بالوطنية والانتماء والفخر وكل حاجة حلوة


طبعا طول الرحلة ماصادفت شحاتين او شي لكننننن

بالمطار عند كاونتر فلاي ناس جانا واحد يبغى يدف الشنط قلت لا شكرا وجلس يلح علي واصلا اللاين شبه فاضي يمكن قدامنا 4 اشخاص او 5 رايحين بدري

المهم مع الحاحه قلت اوك واصلا معايا 10 لاري اخدنا تذاكرنا واعطيته ال10 قال ابغى 100

قلت واااااااااااااات ار يو كررررررايزي وشوية جا صاحبه يتكلم عربي مكسر قال هوه معاكم له ساعة قلت ياكذاب كلها ماجات 5 دقايق وهي ياعشرة يابلاش راح اخذها ومشي

البنات يضحكو لين وصلنا الصالة قالو شيماء تحولت 180 درجة

فالحقيقة ماعرف اكاسر لكن الموقف استفزني

في اشياء نمشيها واشياء لا ومستهدفين كاونتر معين سبحان الله





وبس ورجعنا بالسلامة
والحمدلله كانت من اجمل السفرات واجمل صحبة
صحبة اختي بلغت اختي بعد مارجعنا
مرة ثانية اذا سافرنا نمشي على جدول شيماء ونبطل كسل

وان شاءالله نلقاكم بتقرير قادم وسفرة قادمة

موقف الكلب أكيد مضحك
بس الكلب يشم ريحة الخوف ويلف على الخواف
لو عملت جامدة ما راح يقرب منك

رحلة ريلاكس وما فيها ضغوط ومزارات كثيرة
وهذا يخلي الرحلة أحلى

أسلوبك جميل في عرض الرحلة
وان شاء الله نشوفك في تقرير جديد

اعطينا انطباعك عن البلد
وأهل البلد بشكل عام

تستاهلين 5 نجوم