اليوم الرابع
تاريخ 2024/7/24
يوم الاربعاء

اصبحنا واصبح الملك لله

نروح نتريق



وخلصنا من الريوق والجو اليوم غيم ومطر محد في البحر ولا بحمامات السباحة



قلنا وين نروح مع الجو رسينا على فندق نيكي بيتش nikki beach hotel

طلبنا تاكسي وتوكلنا على الله



وصلنا 30 يورو



دخلت شاطئهم للشخص كرسي مع مشروبات بالاساس 100 يورو بس حظنا لان مطر ومافي احد صار الشخص 51 يورو







طلبنا غدا برغر وكلاماري الكلاماري طار من غير تصوير



الحمدلله على النعمه عندهم مطعمين

مثل ما تشوفون مافي احد البحر والسبب الجو





بحر فندقنا وايد احلى احنا عندنا يال اهما مافي











هذي فاتورتنا فيها سعر الدخول والاكل



وطلعنا من نيكي رحنا ارقى منطقة في مونتينيغرو

بورتوو



وصلنا بسعر 30 يورو

وهذا اشهر فندق اسمه ريجنت



المنطقة حلوه ومرتبة وايد وطبعا في المحلات العالمية
واغلبنا احنا الخليجين فيها

الساعة الذهبية في هالمكان خيال





























من عقب هالبوابة تحسون جنكم دخلتوا منطقة شعبية كلها مطاعم وقهاوي عكس اللي كانوا عند المرسى



الديره تنفع اللي توهم معرسين ويبون شهر عسل على ميزانية بسيطة بتكون اختيار ممتاز حتى سوق مافيها يعني بترتاحون من حنة الحريم اهم شي لاتيبونهم منطقة ريجنت انتوا بخير

فيديووو











قعدنا بواحد من المطاعم الموقع خيال والجو عجيب بس الخدمة تعيسة للأسف













طلبنا تاكسي بنرجع فندقنا وركبنا للاسف مع واحد منفس مو راضي يفتح المكيف و وقف عداد التاكسي ويبي ياخذ اكثر من العداد ..
كنت ناوية انزل بس للأسف مافي تكاسي وكملنا معاه ..
والحدلله وصلنا بالسلامة وخذا 25 يورو على التوصيل من بورتو لي كوتور

وانتهى يومنا الرابع على خير والقاكم في اليوم الخامس

اليوم الخامس في الجبل الاسود
الخميس
2024/7/25

اصبحنا واصبح الملك لله

اليوم ماعندنا شي خليناه راحه مع ان السفرة كلها راحه
تريقت على الساعة 10:30 ص





ومن عقب الريوق قعدنا عالبحر وسباحه وتعرفنا على شايب ومرته عمرهم ب 80 من بريطانيا يحتفلون بعيد زواجهم







الغداا



الحدلله على النعمة (السعر 34 يورو))

اجرنا من البورد

الساعة ب 35 يورو







الكروزات على طول رايحين ورادين







وعلى 6 طلعنا من البحر وتجهزنا ورانا طلعه خفيفة وسريعة
وصل التاكسي الساعة 7:30 م..

وتوكلنا على الله
رايحين نركب التلفريك ونلحق فوق الجبل على الغروب لكن للأسف حاشتنا زحمة موطبيعية والسبب حادث..
وصلنا بسعر 21 يورو



مع أن المكان قريب علينا وتقريبا يبعد 15 دقيقة بس مع الحادث صار ساعة



شرينا التذاكر الشخص ب 23 يورو.. الله يسلمها منال اهي اللي نصحتنا بالتلفريك واشوة رحنا المكان وايد حلو ويستاهل



التلفريك منن داخل وايد نظيف و هدوء وحاطين موسيقى هادية بس الهوا لعب فينا لعب كل ما صعدنا البنات خافوا



المنظر خيال ولو كنا واصلين ابجر اشوي بعد يكون أحلى

هذي كوتور من فوق









وصلنا عقب 15 دقيقة صعود



هذا المطعم الموجود



الموقع الالكتروني

https://kotorcablecar.com/

واهني تقعدون وتأملون



الجو وايد بارد فوق



فيديووو



هذي المنطقة ورا كوتور











اللي عاليمين كوتور ومن وراها منطقة ثانية









احتفلنا بعيد ميلاد رفيجتنا وعقب نزلنا ودخلن محل التذكارات







خلصنا وقعدنا ندور تاكسي للأسف مافي فجأة واحد قال انا تاكسي وين بتروحون قلنا المدينة القديمة وتبعد تقريبا 7 - 10 دقايق ..

احنا بصراحه خفنا لان السيارة مافيها علامة تدل انها تاكسي جازفنا وركبنا ولأن الطريج عارفينه وقريب ما يقدر يغيره قلنا نتوكل على الله ..
طبعا اختكم واختها المحقق كونان الا انعرف اهو صج تاكسي ولا جذب علينا .. سألناه قلنا اول مره نركب تاكسي مافي علامات ولا معلومات السايق ومن هالأسئلة ؟
قال احنا من لوحات سياراتنا يعرفونا ان تكاسي ومعلومات السايق موجودة بس لأن خلص دوامي شلتها وهذي أهي ورانا اياها
والحمدلله وصلنا بسلام المدينة القديمة بسعر 7 يورو

ردينا المدينة القديمة

من المعالم السياحية الرئيسية في كوتور

كاتدرائية القديس تريفون
تتمتع كوتور بواحدة من أفضل المدن القديمة المحفوظة في العصور الوسطى في البحر الأدرياتيكي وهي موقع مدرج على قائمة التراث العالمي لليونسكو: فهي جزء من المنطقة الطبيعية والثقافية التاريخية في كوتور وأعمال الدفاع الفينيسية بين القرنين 16 و17: ستاتو دا تيرا - ستاتو دا مار الغربية.

تعد كوتور موطنًا للعديد من المعالم السياحية، مثل كاتدرائية القديس تريفون في البلدة القديمة (التي بُنيت عام 1166)، والأسوار القديمة التي تمتد لمسافة 4.5 كم فوق المدينة مباشرةً. كما تعد جزيرتا Sveti Đorđe وGospa od Škrpijela قبالة ساحل بيراست من بين الوجهات السياحية في محيط كوتور..





















سكيكها حلوه للتصوير بس ترا صغيرة المدينة بسرعة اتخلص

















خذينا تاكسي من المدينة لي الفندق
نسولف مع السايق شاب صغير في العمر يمكن 25-26 سنه ومنفصل عن اهله على قولته ..
وقعد يسولف عن نفسه وشلون يبني ويعتمد على نفسه احنا قلنا ممتاز حلو الواحد جذي يسوي ..
بس يقول لازم بسرعة اتصير غني مو تقعد اتطول عشان تكون ثروة .. قال بالصيف انا ارجع كوتور واشتغل سايق واروح كوبا اشتغل شغله ثانية وعندي 3 جوازات ..
احنا اهني عرفنا انه راكبين مع واحد غسيل اموال ومافيات شكله طبعا ثلاثتنا سكتنا وماكملنا سوالف لما وصلنا الفندق ..
وصلنا ب 15 يورو ومن كثر ما اهو راهي يبي حسابه ..

وانتهى يومنا الخامس على خير مع سواق التكاسي
القاكم في اليوم السادس

ماشاءالله
رحلة جميلة مع الاخت والصديقة
اختيار حلو الفندق والجولات رايقة
لو رحتو التلفريك باخر النهار كانت رح تكون اجمل
يمكن اغلب مطاعمهم معتمدة على البحر والمنيو قريب للدول المتوسطية
عليكم بالعافية
احلى مافي الرحلة الرواق والبحر والمدينة القديمة واهم شي مناسبة لاعداء التسوق
شعرت مرات لانكم ستات ببعض الخوف من التاكسيات والليل يمكن شعور شخصي
متابعين بقية الرحلة والصور الجميلة