رحلة صيفية بحرية في ربوع الجبل الأسود (مونتينيغرو 7/2024)

بسم الله الرحمن الرحيم
السلام عليكم ورحمه الله وبركاته
معاكم أختكم أبرار
ببتدي معاكم في رحلتنا الصيفية القصيرة مع المجندات

إلى

الجبـــل الأســـــود ( مونتينيغرو)



عقب رحلتنا العائلية وتحديدا زيارة قطر .. قلنا نشوف لنا وجهة يديدة وصيفية فيها بحر..
وسوينا تصويت بين اللي بيسافرون ورسينا على الجبل الاسود

( مونتينيغرو )..





هنــــــــا الجبل الأسود



بديت بالاستعدادت اللازمة قبل السفر

الرحلة مستواها : نقاهة (ريلاكس)

اولا : الفــــــــــيزا



ما نحتاج طبعا فيزا .. الحمدلله كل دول الخليج تقريبا من غير فيزا

ثـانيـا : العمــــلات

عملة الجبل الاسود (يورو)





1 دينار كويتي = 3.15 يورو = 3.2 دولار امريكي

ثـالثـا : الطـيــــــــران



تم الحجز عن طريق الموقع الالكتروني لطيران الجزيرة الاقتصادي في شهر يونيو 2024



الموقع الالكتروني

https://www.jazeeraairways.com/ar-kw...BoCYeIQAvD_BwE

طيران دولي : كويت - تيفات - كويت بسعر 145 د.ك للشخص ..

رابــعــــــا : الفنــــادق



حجزت كل الليالي في فندق حياة ريجينسي كوتور بي
hyatt regency kotor bay resort

من تطبيق سعودي اسمه ماكوين macqueen
واااايد ممتاز وبديل بوكنغ..

https://macqueen.co/

8 أيام ب 7 ليالي بسعر 1,150 د.ك شامل الريوق والضريبة ل 3 أشخاص.

سعر الليلة غرفة ل 3 أشخاص 143 د.ك = 460 دولار

خـامســا : الصحـــــــة و التطعيمـــــــات



قبل السفر بفترة كافية عليكم التأكد من الوجهة اللي رايحين لها اذا تحتاج الى اي تطعيمات ..

- لازم مراجعة عيادة المسافرين في دولتكم او الصحه الوقائية .
- تلقي التطعيمات اللازمة قبل شهر من السفر على الاقل ليتمكن الجسم من تكوين المناعة .
-اصحاب الامراض المزمنة مراجعة دكتورهم عشان يعرفون لو في تطعيمات تتعارض مع ادويتهم ..

والحمدلله ما تحتاجون اي تطعيم للجبل الاسود .

و طبعا احتياط معاكم كمام ومعقم



ســادســاً : الطقـــس



وقت سفرتنا صيف وعز الصيف شهر 7 يعني حر وبحر بس بالظل الجو وايد حلو ابدا ما حسينا ان الجو رطب او حرارة قوية.

ســابعــاً : القـــــروب



مكون من : قايد كــويتيــة "محدثتكم أبرار " وأختي حبيبتي ورفيجتنا..

ثـامنــاً : الأمـــان



الحمدلله الدولة آمنة لكن الاحتياط واجب في مواقف بسيطة صارت معانا بس عادية مافيها أي أذى للأمانة.

تـــاسعــــاً : التأمين



التأمين صار من الضروريات عقب كورونا صار وايد مهم يفضل يكون معاكم لاسمح الله لاي طارئ..

والحين عقب ما خلصنا الاشياء المهمة نبدي العد التنازلي للاستعدادت

تم دفع رسوم الرحلة

528 دينار كويتي للشخص الواحد ( شاملة : السكن في فندق - طيران دولي)

يتبع