السلام عليكم،



نوينا باذن الله السفر الى تركيا، وهذه اول زيارة لي لهذا البلد. لأني شخصيًا كنت متخوف من انتشار الاخبار السلبية وازدياد المشاكل الي يتعرض لها السياح من الخليج عمومًا.



سفرتنا راح تكون في العاشر من فبراير تقريبًا لمدة اسبوع -10 ايام.

وهدفنا زيارة البلد، والتعرف عليها.
وبحكم الاجواء اتوقع ما راح يكون في مناظر طبيعة كثير.



قرأت هنا ان الغرب التركي هو الادفئ، هل فيه ثلوج؟ ولا راح استمتع بالخضار؟
لأني ناوي استاجر سيارة بنفسي واكيد القيادة في الثلوج راح تكون تجربة جديدة ولا ودي تخرب علينا السفر..

لو بالامكان اقتراح خط سفر مناسب، حسب خبرتكم سواء في الشرق الغرب او الوسط، حتى لو كانت جهتين او ثلاث قريبين من بعض وسهل التنقل بينهم بالسيارة (بالمناسبة، هل القيادة في الطرق السريعة امنه عندهم؟).


كذلك لو خليت وجهتنا الغرب، هل في اسواق تستحق الزيارة في الجهة الغربية؟ هدفنا الثاني، واتوقع مثل جميع السياح، هو التسوق في الاوتليتات وغيره. او الافضل تخصيص يوم او اثنين الى اسطنبول؟



كذلك الرخصة السعودية كافية صحيح؟


بالمختصر، انا ضايع شوي واحتاج توجيه ونصائح في ترتيب رحلة السفر خصوصًا انها تصادف فبراير