ملخص رحلتي الى ماليزيا

ابوسلمان · 29-01-2025, 08:48 PM

السلام عليكم ورحمة الله وبركاته
عدت الى ماليزيا بعد انقطاع 15 سنه عن اخر رحله...
علما اني من رواد ماليزيا من عام 1993 وهذه الزياره هي رقم 19 وقت ابي اشوف وش الجديد..
المهم رحلتنا على الخطوط السيرلانكيه لكن تاخرت الرحله من الرياض وفاتت علينا رحلة كولمبو كوالالمبور ....
المهم عطونا الخطوط السيرلانكيه فندق 24 ساعه مع ثلاث وجبات (والله ماذقتها) الله يديم النعمه ...
اليوم الثاني رحلتنا من كولمبو الى كوالالمبور ونزلنا المطار لكن ياشباب اللي لفت نظري ان التسجيل في الموقع مدري صراحة وش فايدتها يعني السراء فينا فينا مع اني كلمتهم قبل السراء ووريتهم الايميل وقال كلكم في السراء حتى في الخروج من كوالالمبور تقعدت لهم وقلت بالله وش فايدة التسجيل اذا في نفس السراء ...
ياليت اللي فاهم ينورنا ؟ وش يمكن يفيد التسجيل ووش الفرق لو ماسجلت ؟
عموما ماعلينا خذيت شريحه من المطار وحملت قراب ورحت الفندق كنت حاجز في كنكورد الله يالدنيا اول ما اسكن الا في المندرين ههههههه لكن هكذا الدنيا نزول وارتحال ....
الفندق على سعره ممتاز وبحكم خبرتي في الديره حبيت اسكن فيه لان موقعه يخدمني واروح لاي شي مشي.....
صراحه الديره ماتغيرت علي كثير الا بكثرة الاشقاء اليمنيين والسوريين الله يحفظهم ويعينهم لكن ماشاء الله فاتحين مطاعم ومميزه ...
المولات والديره تقريبا مافيه تغيير كثيره ...
رحت يوم للجبل والاوت لت ويوم للبحر في بورت دقسن جنب كوالالمبور...
لاحظت اختفاء الخليجين الله يالدنيا كانت العبايات ماليه KLCC اما الان يمكن ماتشوف الا عائلة وحده ....
فيه مطعم اسمه حلب لكن ليس اللي في شارع العرب لا اخر وبجنبه حلب اكسبرس المهم هذا المطعم من افضل وانظف مطاعم كوالالمبور في كل رحلاتي ...
فيه شخص تركي قابلته بالصدفه هو وزوجته رجل طويل وجنتل مان لكن ارجوا الانتباه منه فهذا ساحر وبمجرد ماتوريه بعض العملات في محفظتك يسرق الباقي دون ان تحس ولكن لاني عندي خبر وبخبرتي قابلته في مكدونالدز وحب يمشيها علي لكن هزأته وبصوت عالي وخرج من المطعم وهو ذليل ....
جربت مطعم المفضل (بومبي بلس) لكن خلاص راحت ايامه وتغير مكانه والطعم نفسه تقريبا....
جربت مطعم الصمد العراقي ومطعم ممتاز ومايعلى عليه وعلى فكره مكدونالدز اللي قابلت فيه التركي الحرامي هو اللي في نفس الشارع اللي فيه مطعم صمد....
سعر الصرف تقريبا ال100 دولار ب443 رنقت من شارع العرب ...
جربت بطاقة الفرسان من بنك الاول ساب لاول مره في ماليزيا بعد امريكا والبحرين ووجدت نفس سعر الصرف بدون فوائد او فرق عمله اضافة الى اميال تحسب لك ....
احببت افيدكم واي استفسار انا حاضر

بن قوت, آخـــرفـــرصـــة و عبدالرحمن الصلال معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بكج سياحي مميز للعرسان في ماليزيا	شركة شواطئ للسياحة	شركة شواطئ للسياحة والسفر	0	24-12-2024 09:36 AM
ملخص رحلتي الاخيره للفائده	ابوسلمان	بوابة امريكا	6	04-12-2024 09:33 PM
ملخص رحلتي الى المانيا (ميونيخ , برلين ) وتحذيري لكم الشنغن الالمانية ,والفندق النكبه	خالد النصراوي	بوابة المانيا	16	22-10-2019 05:14 PM
ملخص رحلتي الى امريكا وزيارة الخمس ولايات وأكتشاف الملاهي الغير معروفه + معلومات تهمك	خالد النصراوي	بوابة امريكا	14	06-04-2019 07:15 AM
ملخص رحلتي لدبي 25-29 - 12 - 2018 YOUTUBE	عاشق الخالد	بوابة السوشال ميديا	2	13-01-2019 07:02 AM