السلام عليكم ورحمة الله وبركاته

مساكم الله بالخير ومبارك عليكم الشهر وكل عام وانتم بالف خير يارب .



حياكم الله بتقرير سريع وجديد ومغامرة جديدة لبلد جديد بالنسبة لي الا وهو فنلندا .. بلد الساونا والسلمون



اختيار هالبلد كان مبني على اساس عدة اعتبارات مهمة بالنسبة لي ..

الشفق القطبي
التزلج
زيارة بلد جديد

وكنت محتار جدا بين فنلندا والنرويج وبعد مقارنة سريعة من ناحية الفعاليات والاسعار بين البلدين اتضح ان فنلندا تحتوي على كثير من الفعاليات الموجودة بالنرويج اضافة لاسعار معقولة ..

كنت ما زلت محتار الصراحة .. وبالصدفة مريت على مقطع على الانستجرام لاحد الاخوات تصور مطعم يقدم السلمون بروفانيمي وكان جدا شكله شهي .. وقلت بس .. فنلندا

.........



بداية تحديد مسار الرحلة ,,

تم تحديد مسار الرحلة كالتالي ..

3 ايام في هلسنكي .

5 ايام في روفانيمي ( لانه مافي احتمالية اكيدة انك تشوف الشفق القطبي )

3 ايام في امستردام , هولندا .

كان مهم بالنسبة لي ان ما تكون اجازتي بمكان واحد وازور بلد ثاني , وكنت محتار بين اوسلو في النرويج او امستردام في هولندا .. ولان النرويج وفنلندا تقريبا نفس الطبيعة والجو فقررت اروح امستردام ..
( مارح اذكر امستردام في التقرير لان انطباعي عنها سيئ للامانة )

...

الطيران ..



تم حجز رحلة الطيران على الطيران القطري وكان مسار الرحلة كالتالي ..

الدمام - الدوحة - هلسنكي

امستردام - الدوحة - الدمام

كان سعر التذكرة كامل على الدرجة السياحية 2305 ريال ..
__

الفنادق ,,

تم حجز كامل السكن في فنلندا عن طريق AIRBNB , لان خيارات الشقق كانت جدا ممتازة هناك .. ورح اذكر تفاصيلها ضمن التقرير باذن الله

___

طرق الدفع ..

كانت اغلبها عن طريق بطاقة الفيزا العملات من بنك ساب اضافة خليت معي مبلغ كاش للطوارئ



___
الملابس والجو ..

بعد المقلب الي اكلته في امريكا كان في مراقبة مكثفة لدرجات الجرارة هناك .. وجهزت عدة ملابس محترمة من ثيرمال وغيره .. طبعا لا غنى عن المفاجات وبتكون ضمن التقرير



يتبع ..

يوم السفر وترتيبات الوصول ..




تم الوصول للمطار وكان اقلاعي من الدمام الساعة 4 الفجر .. وترانزيت في الدوحة ساعتين وشوي تقريبا ..

كان في تدقيق كثير على بوابة الطيارة على الفيزا والجواز .. مع العلم ان فيزتي فرنسية ومستعملة من قبل كم شهر في فرنسا ..




.
.
.





ممرات السعادة



من مطار الدمام وكانت مدة الرحلة من الدوحة لهلسنكي ما يقارب 7 ساعات و 40 دقيقة .


وفي حاجة ما انتبهت لها ان الطيارة من الدوحة الى هلسنكي كانت عن طريق الطيران الفنلندي وليس القطري . وكل توقعي ان الطيارة بتكون فاضية بما ان مو موسم بس سبحان الله كان فل وللاسف كان مقعدي على الممر ما قدرت اصور .. والي جنبي واضح ان كان معه صك ملكية للنافذة وضل مسكرها طول الرحلة ,,

بالنسبة للطيران الفنلندي كان جدا جيدا .. وانا اعتبره شبه اقتصادي . يعني بالنسبة لرحلة الدوحة كان في وجبات وسناكس وغيره .. اما بالنسبة للطيران الداخلي سواء في فنلندا او بين اوروبا يقلب اقتصادي .. وهي حسب تجربتي برحلة هلسنكي روفانيمي ورحلة هلسنكي امستردام



بعد الوصول بالسلامة وعند كاونتر الجوازات كان في زحمة مطولة بسبب بعض اعمال الصيانة ودار نقاش بسيط مع موظفة الجوازات الي عجزت تخفي ملامح الاستغراب لما شافت جوازي

الموظفة : ليش جاي فنلندا وليش مختار هالبلد تحديدا ؟
انا : عندي اجازة وجاي عشان اشوف الشفق القطبي .

الموظفة : ايش ناوي تساوي في هلسنكي وروفانيمي طيب ؟
انا : ذكرت عدد من الاماكن السياحية في كل منطقة .

الموظفة : معلش بس اذكرلي ليش مختار فنلندا عن غيرها من باقي الدول
انا : بكل اختصار عشان اتزلج واشوف الشفق القطبي واكل سلمون

بادرتني بابتسامة وبعد ما شافت حجوزاتي ختمت الجواز وقالت حياك بلهجتهم


اول شي حرصت عليه ان يكون معي شريحة نت واتصال وكرت مواصلات عامة .. وهذه كلها حصلتها في هالمحل داخل المطار .



واخذت هذه الباقة . ونظامها ان طالما فيها رصيد فالانترنت يكون مفتوح فيها وفيها رصيد تقريبا 7 يورو ..




وبعدها اشتريت من عندها بطاقة مواصلات عامة تشمل الترام والقطارات والباصات والعباراات داخل مدينة هلسنكي لمدة 7 ايام بقيمة 40 يورو تقريبا .





معلش انا ماسكها بالمقلوب



وهنا ننزل لمحطة القطارات ..






لفت نظري شاشة الاوبرا الي فالمطار وانت نازل للمحطة . .. من جد رواق


طبعا لما تنزلون حيكون في نقاط بيع تذاكر في حال احد ما اشتراها من مراكز البيع .



طبعا اي وسيلة مواصلات تطلع فيها بكون فيه هالجهاز .. وبتشوف نفس الاحرف الي في البطاقة والي هي المسارات .



طبعا مافي احد يراقب سواء استعملت التذكرة او لا .. وزي ما ذكر الاخ ابو غسان وكثير تذكرت هالكلمة انهم يعتمدون على امانتك على خلاف امستردام الي بكل باص او ترام في احد يراقب


الطريق من المطار للسيتي سنتر ياخذ ساعة تقريبا بالقطار ونص ساعة بالسيارة.. وخرائط جوجل ما تقصر ابدا .. توضح المحطات الي بتوقف عليها وحتى تذكر رقم المنصة الي توقف عندها عشان تركب القطار او المترو




يتبع ..

الحمد لله على السلامة
بداية جميلة وفنلندا بلد مختلف ومثير في كل شيء
الدول الاسكندنافية عموماً تشديد دايم على الفيزا
لذا لابد الواحد يتأكد أن معاه برنت لكل شيء
ويكون جاهز للاجابة على الاسئلة

الغريب أن هذا البلد ما فيه لف و دوران
مثل جميع دول اسكندنافيا
مع استثناء بعض مدن السويد

متابعين لجميع التفاصيل
و راح تكون هذي الرحلة مرجع لكثير

تم التثبيت بالمواضيع المميزة فوق

نتابع معكم التقرير ..

التقرير رح يشمل الاماكن الي زرتها .. ورح يكون في رد مخصص للاماكن المقترح زيارتها



.. هلسنكي ..

وحسب ما يقال عنها ابنة البلطيق وعاصمة الشمال ..

مدينة جميله جدا وتتسم بالهدوء ,, شعبها جدا جدا ودود وتعامله راقي . سواء بالاسواق او المطاعم او المطارات . وعندهم احترام كبير لحقوق المشاة في الطرق. يعني حرفيا مهما كان الشارع مزحوم لما يشوفك واقف مستعد يعطل السير عشان تقطع . وما تسمع اي تذمر .

ولاحظت انهم حريصين على نظافة مدينتهم يعني ما تشوف اكرمكم الله الاوساخ مرمية هنا او هناك .. وهنا يحضرني موقف حصل معي اول ما وصلت الشقة . كنت احاول اطلع المفاتيح ووقعت مني قطعة بلاستيك شفاف عالارض وتركتها وبوقتها مر من جنبي شخص شافها وشالها وعطاني النظرة
اخذتها منه وعبرتله عن اسفي .. وبالفعل لما دققت اكثر بالشوارع لفت انتباهي النظافة عندهم .




المهم وصلت محطة القطار الرئيسية في المدينة وهنا مقطعين فيديو اول ما طلعت .. كانت درجة الحرارة -1 وفي برودة محسوسة بس جدا مقبولة . وكنت فرحان بنجاح خطة التدفئة الي عملتها





بعدها اخدت الترام الى الشقة ..



السكن ..

تم استئجار الشقة عن طريق Airbnb ,, كان في عدة خيارات للفنادق جيدة بس بالنهاية بتكون غرفة مقارنة بشقة كاملة والاسعار كانت جدا جيدة ..

هذا اسمها على الموقع

Contemporary Comfort Heart of Helsinki

وهنا الموقع



مكانها ممتاز وتقريبا بالسيتي سنتر وبامكانك تروح مشي للاماكن السياحية القريبة او عن طريق محطة الترام الي كانت تبعد اقل من 3 دقائق مشي .. وبتركم مع صور الشقة ( اخذتها من الموقع )

كان سعر السكن لمدة 3 ليال بمبلغ 1100 ريال تقريبا











يمكن لاحظتوا اكرمكم الله في دورة المياه كان موجود في شطاف . بالبداية توقعت انو مجرد صورة دعائية .. ولما وصلت لهناك اتضح انو بالفعل شطاف ,, وكان شي جدا مستغرب واسعدني بالحقيقة .. وخلال جولاتي بالمدينة لاحظت انو موجود بكل مكان سواء بدورات المياه العامة او الخاصة سواء بالكافيهات او المطاعم .. وبعد قراءة مبسطة عن الموضوع اتضح ان فنلندا تقريبا الدولة الاوروبية الوحيدة الي تستعمل الشطاف في دورات المياه


طبعا صورة مع التحية

الى : الاتحاد الاوروبي
CC : امريكا

ملاحظة : الشطاف مارح يشتغل الا لما تشغل الحنفية الي بالمغسلة



خلال 3 ايام في هلسنكي كانت حدود زيارتي ضمن هالنطاق




كان وصولي للشقة مساءا بعد ما غابت الشمس .. والنهار اصلا مو طويل عندهم يعني فترة النهار تستمر من الساعة 8 ونصف صباحا للساعة 4 ونص يعني بحدود ال8 ساعات .. ل هالسبب كنت احرص اني استغل فترة النهار الى اقصى درجة ..

بعد ما ريحت وتغديت وصليت .. قلت بطلع اخد جولة في السيتي سنتر .. وبتركم مع الصور

















بعدها اخذت جولة مع الشاطئ وسبحان الله كان البحر متجمد








وانا ماشي لقيت لوحة لجزيرة وفي عبارة توديك لهناك وكانت الساعة 9 تقريبا .. فقلت خليني اجرب اروح . وتبعد عن شاطئ هلسنكي ربع ساعة وبالامكان استعمال بطاقة المواصلات العامة للذهاب ..

اسم الجزيرة Suomenlinna او ( قلعة فنلندا ) وهنا موقعها عالخريطة ..



طبعا هي جزيرة سياحية وايضا سكنية .. لاني استغربت ان فيها مواصلات لوقت متاخر بالليل ..
طبعا وصلت لهناك وكان مافي انارة كافية والهدوء مخيف فتمشيت مع الشاطئ وصورت كم صورة ورجعت .. خفت يخلوني هناك

هنا العبارة الي توصلك للجزيرة



وهنا من الشاطئ هناك





للاسف ما اسعفني الوقت اني اجيها بالنهار بس بتكلم عنها

هي عبارة عن قلعة ماهولة ومبنية على عدد من الجزر ومدرجة على لائحة اليونسكو للتراث العالمي .. فيها عدد كبير من الاشياء والمواقع الاثرية وتستاهل يوم كامل مشي .. طبعا مافي سيارات .. وهنا بعض الصور عنها من النت ,, وهي جميلة لمحبي الاثار














طبعا بعد ما رجعت كانت الساعة تقريبا 10 وشوي .. وهنا الجوع لعب فيني ومن خلال بحثي عن المطاعم العربية لقيت هالمطعم وكان اكله جيد




وهنا صورة للمطعم من الداخل



وصل الاكل اخيرا



وبعدها كاسة شاي لشحن التدفئة




وكذا ينتهي يومنا الاول في هلسنكي

يتبع

النظافة عندهم شيء يشرح الصدر
والأمانة نفس الشي
تحس البلد من زمن الطيبين

البرد عندهم قارس وغير طبيعي
لذا يتجمد البحر

الجزيرة كانت ساتر دفاعي للمدينة
من جيش الفايكنج من السويد
لذا تجد الفنلنديين يتحسسون من ذكر السويد
لدرجة أني قلت له أثاث الشقة كأنه من ايكيا
قال ايكيا شعبي وهذا من محل أثاث فنلندي راقي
وأكاد أجزم أنه نسخ ولصق من ايكيا