مساكم الله بالخير وحياكم الله بيوم جديد ..




اليوم الثاني ..

هذا اليوم طلعت الصباح بحيث اني استغل فترة النهار واشوف المدينة ..

درجات الحرارة كانت معتدلة بحدود -2 فكانت فرصة لي اني امشي وما استعمل المواصلات العامة ..

هي صور متنوعة للمدينة ,, بتشوفون بالصور كيف المدينة مع ضو النهار جاية باللون الرمادي .. حتى ما يحتاج فلتر الشتا





هذا مول اوتليت عندهم وعندهم تشكيلة من الماركات المتنوعة واسعارهم شوي غالية ..









هنا المكتبة العامة في هلسنكي Central Library Oodi .. وتعتبر رمز سياحي وثقافي وتعليمي ايضا


مكانها عالخريطة



وطبعا الدخول مجاني





طبعا لو تشوفون في تجمع ناس عند البوابة .. وكانوا طلاب مدارس او جامعات مو متاكد بس مسوين حفلة راقصة .. والي فهمته انو تصير كل ويكند تقريبا بما ان كان يوم احد

وقفت شوي وصورت



وهنا صور المكتبة من الداخل .. كثير حبيت التصميم والهدوء الي بالداخل وطبعا قيها عدة اقسام للموسيقى والفنون والعلوم والفلسفة والهندسة وغيرها بس اغلبها باللغة الفنلندية







هنا طابعة 3D تطبع اي شي عندك بمبلغ 2 يورو تقريبا



طلعت من المكتبة وقريب منها في متحف الفنون التشكيلية بالمدينة Museum of Contemporary Art Kiasma .. ما دخلت الصراحة وبس مريت الكوفي اشرب هوت شوكليت ,, عاد هذا عندي ادمان





بعدها شفت عالخرايط في مكان اثري ومن العصور الوسطي وقرات عنه في عدة تقارير عن المدينة فقلت بروح اشوف ايش الوضع وطلع بالنهاية كنيسة .. طبعا مبنية كامل من الصخور اسمها Temppeliaukio Church

ما كنت ادري انها كنيسة للامانة

الصور الخارجية من النت لاني ما قدرت اصور





وهنا من الداخل ..









الدخولية ب 8 يورو ..

جلست شوي لاتدفى وبعدها طلعت رحت بحيرة ومتنزه كان قريب من المكان وكان متجمد بشكل كامل

مكانها على الخريطة




















وهنا مقطعين فيديو للبحيرة ..





الجلسة هناك كانت جدا رائعة والتامل بمنظر البحيرة كان مريح للاعصاب

اضطريت ارجع بدري الشقة لمكالمة مفاجاة من العمل .. وبكل اسف كذا ينتهي اليوم الثاني ..

العشا كان بهالمطعم التركي وكان جدا لذيذ ومن الجوع نسيت اصور





يتبع ..

تقرير الثلج والدرجات اللي تحت الصفر

الشقة وايد حلوه وسعرها مناسب جدا
شلون موقعها بالسنتر ؟؟

اليوم الثالث في هلسنكي .. هاليوم بكون دسم شوي



بهاليوم وسعت النطاق ورحت جزيرة بعيدة شوي عن هلسنكي تقريبا ساعة الا ربع بالباص . واسمها Seurasaari ..

قبل لا اروح هناك قررت افطر بكوفي يعتبر من اقدام كافيهات هلسنكي ومشهور عندهم واسمه EKBERG وتاسس سنة 1852 .. بكل صراحة القهوة عندهم خرافية لابعد حد ..







هذا من الفطور التقليدي عندهم ونسيت اسمها والله بس لذيذة جدا

المهم نرجع للجزيرة ,, عشان توصل للجزيرة رحت محطة الباصات الرئيسية واسمها Kampi ومن هناك تنطلق الباصات للاماكن الي قريبة من هلسنكي ,,
وهي عبارة عن محمية طبيعية ومتحف مفتوح بهالواء الطلق اضافة لكونها متنزه ..
جميلة جدا وتستحق الزيارة ..

هنا مكانها على الخريطة




اولا نروح لمحطة الباصات Kampi وهنا مكانها على الخريطة ..




ومع الصور الى المحطة ,,





المحطة من برا .. وهي ايضا تعتبر مول يعني فيها مطاعم وكافيهات واسواق ..



وهنا من الداخل .. طبعا عرفت رقم الموقف من خرائط جوجل







وهنا من داخل الباص .. جهاز الدفع كان متعطل وعرضت على الي تسوق الباص اني ادفع كاش ورفضت وقالت اركب ما عليك .. طيب يا بنت الحلال ما يصير .. اصرت على الرفض وقالت اركب

انا : ان شالله



وصلنا للجزيرة والباص يوقف بالخارج وفي جسر يودي للداخل ,, وتبدا رحلة المشي

































الجزيرة فيها عدد من البحيرات الصغيرة ومنظرها وهي متجمدة جدا اسرني كان بنفسي امشي على المي المتجمدة بس المشكلة اني لحالي ولو لا قدر الله وقعت ما حد درى عني













هنا الساحة بمنتصف الجزيرة تقريبا وتقام فيها الاحتفالات الوطنية ..



طبعا الجزيرة فيها عدد من دورات المياه بهالشكل ونظيفة جدا ومرتبة وفيها تدفئة ..



وهنا كوفي شوب بس كان مسكر .. حاله حال كل البيوت التراثية الي كانت في الجزيرة .. ما عرفت الاوقات الي تفتح فيها ويمكن لانه كان يوم اثنين ويعتبر دوام عندهم . وحتى الجزيرة نفسها ما كان فيها احد يذكر . يعني عدد الي كانوا متواجدين بهالوقت ما يتجاوزوا عشر اشخاص ! .. وفكرة هالبيوت انك تتعرف على الحياة الشعبية لاهل فنلندا القدماء وكيف كانت معيشتهم






خلص مشواري مع الجزيرة .. وكان في قريب منها اكواريوم للاسماك والحيوانات النادرة .. وقلت امر اخد طلة ..

اسم الاكواريوم See Life Helsinki ومناسب جدا للاطفال والعوائل

وهنا موقعهم على الخريطة



وهنا الصور من برا ومن الداخل







عاد الناس منبهرة من اشكال السمك وانا اتخيل شكلها مع الرز :



الدخولية كانت تقريبا 25 يورو للبالغين والاطفال بنصف السعر .. وفي لهم فعاليات داخلية وجوائز للاطفال ايضا في تطبيق تحمله عالجوال وتصور الاسماك ويعطيك تفاصيل عنها .. وفي خدمة اضافية يعطيك سماعات وشرح بعدة لغات منها العربي عن الاسماك وتفاصيلها ومعلومات عنها بشكل عام

اضافة للاكواريوم في وراها مباشرة مدينة ملاهي وللاسف كانت مغلقة حال مدينة الملاهي الثانية الي في المدينة وكانت ايضا مغلقة



هالمكان كنت متردد اكتب عنه او لا .. بس حبيت انقل التجربة للفائدة

طلعت من الاكواريوم وكان قريب المغرب ورحت الشقة تغديت وصليت وريحت شوي وهنا كان في مكان كان لي يومين محتار ازوره او لا ,, الي هو Allas Pool

وهذا سلمكم الله عبارة عن مسبح خارجي بهالواء الطلق .. يحتوي على غرف ساونا للرجال والنساء والثالثة مختلط ,, ويشمل 3 احواض سباحة ..

الاول : مياه حارة بدرجة 27 درجة ..
الثاني : مياه البحر العادية ..
الثالث : مياه متجمدة ( ما ادري الصراحة ايش فرقها عن مي البحر )

طبعا قرار اني اروح المسبح هذا تطلب مني جلسة تفكير وتامل عميقة نظرا لدرجة الحرارة الي تحت الصفر وفكرة اني اسبح بهالجو كانت مجنونة لابعد حد ..

طبعا بالنهاية ولان الحياة مغامرة دعيت دعاء الاستخارة واستجمعت كل قدراتي العقلية والحرارية وقررت روح

عقلي الباطن : يا ابن الحلال على الاقل احترم السالب الي بدرجة الحرارة
انا : يا اخي لا تقتل المتعة

شفت درجة الحرارة قبل لا اطلع وكانت مقبولة نوعا ما





المهم هنا موقعها على الخريطة



والدخولية تقريبا ب 18 يورو ,,

طبعا وانا على الطريق شفت الثلج الي في البحر ذاب ,,





للاسف ما كان ينفع اصور .. كان في كثير ناس وعشان ما انفهم غلط قررت ما اصور

صورة المدخل من برا



صورة غرف الساونا



صورة غرف الساونا من الداخل




لما دخلت داخل قالي المحاسب ان مسبح المياه الدافئة متعطل اليوم .. وفي بس مسبح مي البحر والمي المتجمدة . قلتله عالحالة رح اتجمد قال لا بالعكس اليوم الجو دافي !!

عقلي الباطن : يالله هي علامة خير ارجع
انا : يا اخي وصلنا ووصلنا خلنا نكمل ونعيش المغامرة

قلت طيب

.. قبل لا اكمل لازم اني اقول هالشي ومن وجهة نظر شخصية واسمحولي الونها بالاحمر

.. لا تصلح للعرب ..


انا كنت مجهز معي ملابس السباحة وغيرها . ولما رحت داخل ادور غرف تبديل الملابس كان في 3 غرف فيها خزائن فقط ..

الاولى : للرجال
الثانية : للنساء
الثالثة : مختلط .

ودخلت غرفة الرجال وكان معي جروب كبير .. استغربت وطلعت ادور غرف تبديل الملابس وما حصلت ..
رجعت غرفة الرجال الا الوضع كان .. ربي كما خلقتني !!

انا :
عقلي الباطن : هوا في ايه يا جدعان !!

الوضع كان بالنسبة لهم جدا عادي وما اخفيكم انصدمت .. انا اخذت اغراضي ورحت لاقرب دورة مياه اكرمكم الله ولسبت لبس السباحة ورجعت حطيت اغراضي بالخزانة

وطلعت مباشرة لغرف الساونا .. وجلست بغرفة الرجال تقريبا 10 دقايق وبعدها رحت المسبح ..

اول ما نزلت المياه لحد الركبة تقريبا فقدت الاحساس وجاني تنميل فظيع بالركب ..

انسحبت مباشرة ورجعت دورات المياه اخذت شاور بمياه حارة وطلعت

عقلي الباطن : احسن تستاهل




الخلاصة .. انا نفسي ما انصح فيها ..




وكذا ينتهي يومنا الاخير في هلسنكي

هلسنكي كانت محطة جميلة.. ما اعتبرها سياحية بالدرجة الاولى . ويكفيها يومين تمشية ,, بس بالنسبة لي اي بلد ازوره لازم امر العاصمة واخذ لفة فيها ..


يتبع بيوم جديد ورحلة روفانيمي ..