مساكم الله بالخير جميعا ..


اليوم الرابع في روفانيمي والمحاولة الثالثة للتبع الشفق القطبي ..





بهاليوم كنت مخطط اتمشى بالمدينة بالنهار واطلع من نطاق السيتي سنتر شوي .. وكان في بحيرة حسب ما يقال انها البحيرة المتجمدة جنوب روفانيمي ( عاد روفانيمي كلها متجمدة ما وقفت على هالبحيرة ) وبعيدة ربع ساعة مشي من السيتي سنتر فقلت فرصة امرها


وهنا مكانها على الخريطة



صور من البحيرة ..











مافي شي تسويه هناك غير التمشية والاستمتاع بالمنظر ..

رجعت المدينة وكان بداية الغروب وصورت هالصور للنهر وكان المنظر جدا جميل








قلت بعدها بروح اتزلج ..قررت اروح مشي واخذ طريق الغابة بما ان باقي نهار .. وكان المشي جدا جدا ممتع
واتركم مع الصور والفيديوهات

تقريبا هذا كان مسار المشي



















هنا لما وصلت لقمة التلة كان في مخيم ومتجمعين عنده ناس ووقفت اريح شوي ..

معلومة

بمدينة روفانيمي بتشوفوا عدد من المخيمات الخشبية هذه موزعة في عدة اماكن سواء في الغابة او على اطراف النهر او حتى بمدينة التزلج .. وهي مجهزة من البلدية عندهم ويكون فيها حطب دائما وبامكانك تستعملها اي وقت تحب .





فيديو للمشي داخل الغابة .. اعذروني على التصوير السريع بس كان الجو ما يسمح اني اطلع يدي كثير





جلست فترة بين الشجر واستمتعت بالهدوء ودفى الشمس .. وكان الثلج ينزل بشكل خفيف وكانت لحظات جدا رائعة


بالفترة المسائية وانا في المنتجع وصلتني عدة اشعارات من تطبيق الشفق القطبي وكانت نسبة التنأ عالية وشفت السما وكان مافي غيوم ,, فاتصلت على المكتب وحجزت رحلة سفاري جديدة ورجعت مباشرة للمدينة للاستعداد ..




رحلة السفاري الثانية

هالمرة ما حجزت رحلة السنوموبيل .. غير انها متعبة وانا كنت متكسر من التزلج بس ايضا برودة الجو كانت صعبة كثير .. وكانت كلفة الرحلة تقريبا 88 يورو .. ما لبست البدلة هالمرة وحسيت انه لبس التزلج كان كفاية وطبعا توهقت بعدين لان برا المدينة كان الهوا شديد جدا

الذهاب والعودة كان عن طريق الباص وكانت الرحلة من الساعة 8 مساءا الى 12 بالليل

وهنا كان تقريبا موقع المخيم



وهنا الفيديو اول ما نزلنا من الباص ..



الباص كان جدا مريح والتدفئة رائعة لابعد حد

وهنا تجيز الحطب وهم يستعملون غطاء الشجر كمولع طبيعي للنار


....

معلومة :

حسب قوانين البلدية ممنوع احد يقطع الشجر او يشيل لحاء او غطاء الشجر بس ان شفته مرمي بالارض عادي تشيله وتستعمله عدا ذلك لا ..

وعلى هذا اقتضى التنبيه
...

هنا صور للمخيم والمنطقة المحيطة



وانا اراقب السما اشوف الغيوم ويدي على قلبي والوضع كان ما يطمن











المرشدين كانو شاب من بلجيكا وبنت من هولندا

وهنا درس عن الشفق القطبي ونفسه يتكرر بكل رحلة




ما اخفيكم جلست معهم بس خاطري متكدر اني ما شفت الشفق القطبي ..

بس سبحان الله الهوا كان شديد بهاليوم .. وفجأة

سمعت احد ينادي ويقول شوفوا السما .. وكان الغيم تحرك شوي وصار في فسحة بالسما وشفنا اخيرا الشفق القطبي


اتركم مع الصور





















سبحان الخالق جل في علاه كان المنظر جدا جميل .. وللاسف ما طول الوقت على ما رجعت الغيوم غطت السما واختفى ..

بس لابد اعطيكم هالمعلومة

الشفق القطبي على الواقع يكون طيف خفيف .. يعني بالعين المجردة ما تشوفه زي ما تشوفه بالواقع ..
اغلب هالصور انا ما كنت شايف الشفق بعيني ولولا الكاميرا ما قدرت احدد مكانه .. ارجع ااكد انك عادي تشوفه بالعين المجردة اذا كان التفاعل قوي ومافي اضاءة بس ما حيكون واضح زيادة زي الصور او الفيديوهات ..




وهنا ينتهي اليوم ..

يتبع