رحلة ابولجين الى البوسنة (هذي سيدي كل الحكاية) - الصفحة 2

أبولجيـن فهد · 01-04-2025, 05:27 PM

** نصيحه لله ثم للتاريخ :
اذا اردت السفر لبيهاتش من سراييفو اطلع من اول اليوم
الطريق طويل جدا جدا ( و جدا ) والسرعه فيه 50-60

يعني خويك النشيط لو ينزل من السياره ويركض وصل قبلك

** واذا اظلم عليك الليل في وسط الطريق جبال وظلمه والخط سيد واحد وفاضي( ينقصك تشغل قصص جن )

ههههههههههههه

Ahmad8911, عبدالرحمن الصلال, q8ya metnaqla و 1 آخرون معجبون بهذا.

أبولجيـن فهد · 01-04-2025, 05:40 PM

لمحه مضحكة :
وحدت تقارير لخلايجه يتحدثون عن معلم سياحي
( مسجد فتحيه ) مسجد قديم عادي ومغلق بعد

تهاويل ربعنا
هههههههههه
ههههههههههه

Ahmad8911, عبدالرحمن الصلال, q8ya metnaqla و 1 آخرون معجبون بهذا.

أبولجيـن فهد · 01-04-2025, 05:43 PM

معلومه لاتفكر تجي للبوسنه الا من 1-5 مايو
غيرها سيعوق البرد تحركاتك شوي خصوصا في الشمال

Ahmad8911, عبدالرحمن الصلال و q8ya metnaqla معجبون بهذا.

Ahmad8911 · 01-04-2025, 11:48 PM

اقتباس : المشاركة الأصلية كتبت بواسطة أبولجيـن فهد

** نصيحه لله ثم للتاريخ :
اذا اردت السفر لبيهاتش من سراييفو اطلع من اول اليوم
الطريق طويل جدا جدا ( و جدا ) والسرعه فيه 50-60

يعني خويك النشيط لو ينزل من السياره ويركض وصل قبلك

** واذا اظلم عليك الليل في وسط الطريق جبال وظلمه والخط سيد واحد وفاضي( ينقصك تشغل قصص جن )

ههههههههههههه

كان خليت ترافنيك او يايسي نقطة استراحة
او تاخذ لك سكن في يايسي وبالمرة تزور شلال يايسي

اقتباس : المشاركة الأصلية كتبت بواسطة أبولجيـن فهد

معلومه لاتفكر تجي للبوسنه الا من 1-5 مايو
غيرها سيعوق البرد تحركاتك شوي خصوصا في الشمال

ميزة شهر 4 لين نص 6 الخضرة في حلتها وجمالها
شهر 4 من اخر شهور انكسار البرد
لازم براد شوي

أبولجيـن فهد و عبدالرحمن الصلال معجبون بهذا.

عبدالرحمن الصلال · 05-04-2025, 09:33 AM

من توقف المطر الى خويك النشيط هههههههههههههه
باين انها رحله تاريخيه يبو لجين

نتمنى لك السلامه دائما

أبولجيـن فهد و الايمان معجبون بهذا.

أبولجيـن فهد · 06-04-2025, 03:02 PM

والله ياشيخ عبدالرحمن ... سوالف السفر زينه
لكن بعض الامور ماهي زي مايتوقعها الواحد ...
/
القيادة في البوسنه امنه لكنها تغثك
تخيل مسافر مثل من بريده للرياض امشي خمسين
ولحالي .. خلص اليوتيوب وختمت حلقات المديفر كلها
وازدتت علما وانا لسا بالطريق .. لامشيت 60
حسيت اني طااااير ..
/

المطر سالفه .. الناس معهم مظلات قصيره اذا صفطها تصير حول 20 سم .. يمسكها بيده .. انا شاري مظله تقل عصا شايب .. سوداء مظلمه هههههههه ... ولاطلعت للسوق اخذتها ولافيه حتى السحاب
ولا تركتها من يوم اتوسط الساحه وهي مسميه ماطر واحد
الدعوى شخصنه
ههههههههههه

اخرتها ( والله ) لقيت مسجد فيه سطل للمظلات حطيتها
فيه .. لاعندنا مطر ببريدة وش ابي بها .. خلها للذكرياااااات

شيماء, q8ya metnaqla و الايمان معجبون بهذا.

أبولجيـن فهد · 06-04-2025, 03:34 PM

استاجرت شقه صغيره عند بوسني اسمه ميرزا .. المهم قلت له ابطلع ست المغرب
قال اوكي ... ست وربع والدنيا مرثعه والجرس والحاله .. كنت نايم .. صحيت

لقيت ( امه ) .. ياحيالله سلم الله .. اشارت للساعه قلت اوكي شوي
وانا اضبط الشنطه واخذ اغراضي واقفه عندي تراقبني وانا اتعاطف معها بما
انها عجوز واشير للكرسي اجلسي وهي ترطن بلغتهم بكلمات احسبها تتشكر
وكل شوي تشيك الغرفه والمطبخ وتبترم ..
وانا احدث نفسي عن ( حسن معامله كبار السن )

المهم شوي وصلنا 6 و26 دقيقه تحديدا واذا بالولد جاي
اثر العجوز كلماتها شكلها كانت تهديد
هههههههههههه
ههههههههههه
وش العلم يامرزا .. واعطي العجوز نظره ... ياخساره التعاطف معك
قال انت متاخر .. قلت يابن الحلال تراها ربع ساعه قااااال لااا 26 دقيقه .. لازم تدفع
افاااا .. وانت اثرت علي وعندي عملاء بيجون ومن هالكلام .. طبعا لغته الانجليزيه
اكثرها ( ايماءات )
المهم شديت نفسي قلت بيطلب مبلغ جامد ونبي نبتلش به هو وعجوزه
اوما بيده واشار بقوة ( 10 ) قلت عشره بوسني قال ايه انت متاخر

هااااااانت .. السالفه كلها 10 مارك .. يالسهالات ..
عطيته العشره ويعطيني هكالابتسامه هو والعجوز بوقت واحد

الحكمه من الموضوع ( ماكل عجوز حليلة )
حكمه اخرى لاتعاطف الا مع خالتك

شيماء, q8ya metnaqla و الايمان معجبون بهذا.

Ahmad8911 · 09-04-2025, 08:42 PM

هههههههه

المهم. وين التغطية

الايمانمعجبون بهذا.

q8ya metnaqla · 18-04-2025, 09:30 AM

عجيب بولجين تبوسنت
كمل متابعين معاك
الكل يمدحها بالربيع والصيف خصوصا
واااي العيوز شدعوه عليها أثرت على العملا اللي عقبك

أبولجيـن فهد و الايمان معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

أبولجيـن فهد · 19-04-2025, 02:57 AM

اقتباس : المشاركة الأصلية كتبت بواسطة q8ya metnaqla

عجيب بولجين تبوسنت
كمل متابعين معاك
الكل يمدحها بالربيع والصيف خصوصا
واااي العيوز شدعوه عليها أثرت على العملا اللي عقبك

اهلا بزعيمة الرحالين في المنتدى
.. والله ياسيدتي الفاضله .. البوسنه حفظها الله
كبلدان شرق اوربا الباقيه مافيها اكشن .. بلدان عاديه
جدا .. مافيها شي يمكن ان ( تتعجب ) منه او يسوي لك
اثاره .. رحت هناك عدة ايام وتجولت كالمعتاد على
(فرسي / سيارتي ) وجيتك راجع ..
ولكن لأكون منصفا .. الطبيعة فيها جميله جدا وخاصة

موضوع الانهار والشلالات ... مدهشه بحق ..
/

تشعر بالسلام هذا الانطباع عن البوسنة

q8ya metnaqlaمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة إلى البوسنة لمدة ١٠ ايام	Abonasser1981	بوابة البوسنة	1	04-06-2022 03:30 AM
استفسار سير رحلة( اوكرانيا -التشييك- البوسنة)	Dr.S	بوابة الدول الاخرى	0	02-09-2021 01:27 AM
ما رايكم في رحلة الى البوسنة شهر 8	عرين	بوابة البوسنة	7	31-03-2016 05:42 AM
تقرير رحلة البوسنة والهرسك 2014	Asil Alsaif	بوابة البوسنة	20	25-11-2015 11:44 PM
البوسنة أحبك كالبدر الذي فاض نوره على فيح جنات و خضر تلال... رحلة خريف 2013م	أبوعبدالله (الاسفار )	بوابة البوسنة	27	05-07-2015 11:28 PM