الجزء الأول

نهاركم سعيد



زرت دولة جيبوتي في نهاية اغسطس 2012 م
تأخرت كثيراً في كتابة تقرير عنها لقلة المسافرين اليها

مدة الرحلة : 5 أيام
من 25 الى 30 رمضان 1433 هـ
هدف الرحلة بزنس

حجزت على الطيران الفرنسي Air France
بتكلفة رخيصة 450 ريال ذهاب و عودة من جدة
الرحلة كانت فاضية تماماً



طلبت كوب قهوة



و بديت في تعبئة كرت الدخول



وصلنا لمطار جيبوتي المتواضع بعد رحلة مدتها ساعتين تقريباً
صف واحد للجوازات ما كان هناك أي مشكلة لأننا الرحلة
الوحيدة حينها و عددنا لا يتجاوز الـ 40 راكب

وصلت لموظف الجوازات عطيته جوازي و لا يوجد به فيزا
لأن الفيزا عند الوصول حسب ما أعرف
أشار لي بالذهاب لمكتب صغير وجدت عنده بعض الركاب
الاوربيين فقلت في نفسي لا مشكلة ان شاء الله



خلال الانتظار التقطت كم صورة للمطار و اذا بشخص
يبدو عليه الغضب يقترب مني و يطلب مني الكاميرا
قلت ليه ؟ قال هذا مطار عسكري و أنا المسئول هنا
و لا يسمح لك بالتقاط أي صورة داخل المطار
يا سلام هذا أولها

قلت خلينا نلطف الجو
نصور بكل مطارات العالم ما عمر احد كلمنا !!!
قال شايف جوازك مليان أختام بس الوضع هنا يختلف
بعدين فيه فيزا لجيبوتي بجوازك جيت قبل كذا هنا ؟
قلت : لا لكن كان عندي نية و طلعت الفيزا بس ما استخدمتها
خلال هذا الوقت يحاول يشغل الكاميرا ما عرف
طلع نايس قال شغل الكاميرا و خليني أشوف الصور
شغلتها و جلست أسرح فيه شوية
هذي صورتي و أنا في لندن و هذي عند جيرانكم الاثيوبيين
دخل جو و قام يسألني عن سعر الكاميرا
راح بالي بعيد قلت حط عينه على الكاميرا
طلعت له صور المطار على طول قال بس وقف
الغي هذي و هذي و هذي طيب خل صورة للذكرى
امسحها كلها مستر قلت ابشر طال عمرك
و رجعت للمكتب الصغير أجر أذيال الخيبة



شكلنا مطولين ما بقي أحد و يقول انتظر
يعني وش القصد ؟ فلوس ؟
البلد ما اعرفها كيف أتصرف ؟

رفيق الرحلة اثيوبي ختموا له على طول و أخذ الشنط
و جالس ينتظرني برا ماهو داري بالحوسة اللي أنا فيها
لغتهم الغالبة فرنسية و يتكلمون اثيوبي و البعض منهم
قليل من العربية
حاولت مع اللي بالمكتب يرد على فرنسي
و كل شوي أقول له بونجور قال هذا منتهي
عرفت أن ما عنده سالفة كل شوي يقلب بالجواز
طلبت أقابل صاحبي عشان أودعه قلت بارجع جدة
ما سمحوا له بالدخول كلمني من وراء الباب شرحت له المشكلة
قال طيب خمس دقايق و ينحل الوضع



بعد عشر دقايق دخلت سيدة جيبوتية في الخمسينات من عمرها
قالت أنت ضيفنا السعودي ؟ أعجبتني الكلمة قلت نعم
يالله اطلع معي !!! قلت جوازي عندهم ؟؟؟
قالت ماعليك منهم و دخلت اعطتهم كم كلمة خلت كل اللي
بالمكتب يوقفون و قاموا يسلمون على رأسها
و أخذتني خارج المطار وهي زعلانة تقول ماهي طريقة يعاملون
بها ضيوفنا أنا اتفاهم معهم بكرة لا تشيل هم

حتى اللي عند العفش يسلمون عليها
و الله ما انت سهلة يا فاطمة


التقطت كم صورة للمطار عندي واسطة

الواضح بالصورة باب الوصول
و شاشة توضح الرحلات المغادرة




و في الجهة المقابلة كافتيريا متواضعة
لا يوجد بها أحد




بالطبـع يتـبـــع
خليكم قريبين