السلام عليكم

بعد يومين رحلتي الى سويسرا (جنيف)
استأجرت سياره من (يورب كار) في الرياض وبدفع التأمين في فرعهم (يورب كار في القسم الفرنسي في مطار جنيف ).
سؤالي :
هل بطاقة فيزا الممغنطه مسبقة الدفع حروف بارزه(الراجحي) مقبوله في محل اجار السيارات ؟؟

الله يسعدكم ردولي

سفرتي قربت 😔

وعليكم السلام ورحمة الله وبركاته

حياك الله اخوي والمعذرة للتأخر بالرد

بالنسبة للحروف البارزة ..ترى محد يدري عنها انها مسبقة دفع ولا كريديت ..اطمن من هذه الناحية بمشيئة الله .

المهم يكون فيها مبلغ يغطي القيمة التأمينية اللي راح المكتب يحجزها ..مثلا ..كنت استأجر من سيكست ..فيحجز مبلغ 2000 يورو ..تسترد عن استرجاع السيارة ..لأني كنت اخذ اقل تغطية تأمينية .

اما لو اخذت اعلى تغطية تأمينية ..ممكن تكون 500 يورو ..وتختلف من شركة الى اخرى .

الزبدة ..البطاقة لابد ان يكون فيها مبلغ يغطي القيمة التأمينية المستردة .

>>حصلت لأحد الاخوان ..كان حاط فيها تقريبا 5000 ريال ..والشركة طلبت 8000 ريال ..قام اتصل على البنك وحول ثلاثة الاف ريال فوق الخمسة ..وتمت العملية بفضل الله .

على فكرة ..هل معاك الرخصة الدولية ..؟؟ لأن ممكن يطلبوها مع الرخصة المحلية .


واذا احد الاخوان في المنتدى عنده تجربة فراح يفيدنا ان شاء الله .

تحياتي .

مشكور اخوي ماقصرت الله يسعدك ويسهل امورك دنيا واخره

ماقصر مشرفنا

دام الحروف بارزه والمبلغ يغطي .. ما أشوف أحد واجه مشكلة

الرخصة الدولية ما أذكر طلبوها مني .. لكن إذا حاب تطلعها من المكاتب السياحية

موفق

ماازيد علي الشباب
جربتها ومشت والرخصه الدوليه كانت معي ولا أحد طلبها
ولكن ما تدري عن مزاجية الموظفين
الأهم بالمسبقه يكون فيها مبلغ واذا ما ضبطت حول علي طول من الجاري للبطاقه

الله يرضى عليكم ماقصرتو

انا نفس الموضوع مخوفني يعني اكيد الراجحي ماشيه اخاف اتورط هناك


أرسلت بواسطة iPhone بإستخدام Tapatalk

مشت معي في دبي تركيا جنيف مدريد

لكن نرجع ونقول هي مزاجيه موظف والشيء الثاني لابد يكون فيها مبلغ اذا بتستاجر سياره علشان الحجز حقهم