تركيا الشتوية - الصفحة 11

توبليرون · 02-08-2015, 05:38 PM

اقتباس : المشاركة الأصلية كتبت بواسطة النمسا

آخر مرة (ركبت ترام الآستقلال) كان عام 2008 وكان الدفع بالكاش ب ليرتين فقط للخط الواحد
الآن ما أفكر أركبه بسبب الزحام الشديد عليه - بس يبدو يالوالدة بالصورة أن فصل الشتاء مافيه زحام بأسطنبول
يبي لي أطلع بالشتا وأشوف الوضع

بالصيف زحمممممة
بس بالشتاء فاضي جدااا
والحلوو فيه اكتشفته انه يوقف بنص الأستقلال وينزلك
وكمان باخر الشارع
يعني حلوو للي يبي يروح اخر الشارع يصعد فيه تمشية وتوصيلة
الشتاء أحلى وفيه كويتين وايد ههههه اجازتنا مالت المدارس

OLGA · 02-08-2015, 05:51 PM

اقتباس : المشاركة الأصلية كتبت بواسطة توبليرون

ليش مافتح الفيديو جربي بنت قوي
اي سريعة لأن ما صورت وايد بالسوق التسوق ما خلانا نصور
وعلييييييييييج نور صح زورلو خوش سوق هادي واللي عجبني فيه الحديقة هادية
ههههههههههه سوق السمج حلوو للي يحب السمج
وهذا بوحسون يحب السمج
حلووو للي يحب الاشياء الشعبية
يعني لو عندنا شقة وبنطبخ هناك لازم بمره واشتري منه ونسوي احلى مطبق سمج
شكراا لللمرور يا حلووووو

والله مادري ليش مو راضي يفتح جربته اكثر من مكان يمكن بس انا ..حظي جي
اي القعدات برا حلوه حتى الكافيهات البرا كان الجو بااارد وو انا اشرب جاي فوقي معلقين دفايه اقولهم بطلولي اثنين ( ام حسين كل مره تشوقينا اكثر )
لووول سوق السمج والله قصه كنا طالعين نسهر يعني
احنا نحب السمج بس مو بليل حلو حق الغدا بس

|القحطاني| · 02-08-2015, 07:10 PM

والله شيء حلو .. يعني السمك فريش .. توه طالع من البحر مو في الثلاجة من يوم

واللله شيء رهيييييب

الله يعطيك العافية

توبليرون · 02-08-2015, 09:05 PM

اقتباس : المشاركة الأصلية كتبت بواسطة |القحطاني|

والله شيء حلو .. يعني السمك فريش .. توه طالع من البحر مو في الثلاجة من يوم

واللله شيء رهيييييب

الله يعطيك العافية

يعافييك ربي
الأسماك فريش من البحر للمعدة على طووول
السوق بمحاذاة البحر
شكراا لمرورك الثاني الرائع

توبليرون · 04-08-2015, 02:21 AM

اقتباس : المشاركة الأصلية كتبت بواسطة OLGA

والله مادري ليش مو راضي يفتح جربته اكثر من مكان يمكن بس انا ..حظي جي
اي القعدات برا حلوه حتى الكافيهات البرا كان الجو بااارد وو انا اشرب جاي فوقي معلقين دفايه اقولهم بطلولي اثنين ( ام حسين كل مره تشوقينا اكثر )
لووول سوق السمج والله قصه كنا طالعين نسهر يعني
احنا نحب السمج بس مو بليل حلو حق الغدا بس

ماشفت ردج هذا امس
الظاهر كنت نعسانه خخخخ
صاجه السمج بس غدا حلوو
والا بالليل ما يصلح
شكراا لمرورج يا الغاليه

شـــــام · 04-08-2015, 03:48 PM

يعطيكي العافية يا توبليرون يا اطيب شوكولاتة عندي <3
متابعة

توبليرون · 05-08-2015, 12:02 AM

اقتباس : المشاركة الأصلية كتبت بواسطة شـــــام

يعطيكي العافية يا توبليرون يا اطيب شوكولاتة عندي <3
متابعة

تسلمين يا شام العسل
انتظري في توبليرون بهذا التقرير
شكراا لمرورك العطر

توبليرون · 06-08-2015, 03:25 PM

حي الله من جانا وتابع منتدانا

منتدى العرب المسافرون

بوابة السفر الى تركيا

اليوم السبت 17 / 1 / 2015

يوم اللعب ومدينة الملاهي

لازم اطل على البنك اشوف درجة الحرارة بشاشتهم قبل لا نطلع من الفندق

عجبني مجسم الفندق اللي قريب من البنك

قررنا اليوم نروح مدينة فيالاند

تجهزنا وطلعنا من الفندق تقريبا 10.45 صباحا ورحنا نتريق عند سميت سراي

ساعات الفندق

سميت سرااي ....الجلسات بررره

ما يبوون بره ....يبون داخل

خوش دعاية للسميت

البرررررررك

الميدان الصبح

زحمة اوادم وحمام

بعد الريوق رحنا لمكان التكاسي واتفقنا مع راعي التاكسي على السعر

ناسية الاسعار سامحوني

وصلنا الفيالاند او المول باقل من ساعة

نشوف الصور للمول اللي عجبني الصراحة حييل

وايد حلووو المكان وعجبني في ترام قديم يهبل يمر بالمسار هذا

ومحل ذهب

وفي شغلات حلوة للتصوير مثل هالعربة
يدخلون فيها الأطفال ويصورون بجوالاتهم

اللمبات حلووة

والنوافير حلووة

يما يلاااااااا

تنزيلات محل دانة

وأخيرااا بانت شعارات الفيالاند

وهني الممر المظلل اللي مرينا منه صار ورانا وفي سلالام متحركة للي يبي ينزل للسوق تحت

بوحسين قال يلا وصلتكم للملاهي انا ما اراح ادخل بتمشى هني والوعد الفندق بتقسيم مت ما رديتوا

والبنات راحوا يقصون تذاكر ..... بس شباك واحد مفتوح .... بس عليه كل اللي بيدخلون

مافي زحمة بس العايلة الكويتية اللي جدامنا عايلة كبيرة

انا قعدت اصور هالمناظر الحلوووة

هذا المشروع حلوو مادري خالص والا باقي

وفيا لاند

المشرووع وايد حلووو

بغيت ذرة بس مافي احد

الجووو يهبل بررررررررد

رجعت لهالمنظر

شوفو النوارس على يسار الصورة

وهذه أكشاك التذاكر للملاهي
توه وصل دورنا

الأعلام

المول

الشمس مو مخليتنا نضبط الصور

وأخيرااااااا تذاكرنا انا وغنووومتي

وهذه الخريطة .....

أغلب الألعاب مو مشتغلة خاصة اللي للكبار كلها مسكرة

مادري هالخريطة من نفس المكان وإلا من الفندق عن الأماكن الترفيهية

لا الظاهر من الفندق وبروشرات للمكاتب عند الفندق

ونرجع لفيا لاند

ودشينا ....

محلات وألعاب وهدايا سوفينرات ...

أووبس

بس للأمانة نظيف

ام الحصن

ينطروني البنات

دخلنا لعبة سبونج بوب

وهذه السوفينرات بعد اللعبة

واول لعبة مسكرة

وام الحصن

أقرب

للشباب ....ما يبونها البنات

نحية لألكم

لأعادة التدوير

منظر من فوق

فتحنا الخريطة وقررنا نروح على مسارها

الأستراحات

قررنا نلعب البرج

اشوة انها مفتوحة ....دخلت انا ودانة وغنومة

غنومة اخر لحظة خافت وارجعت

نفس لغبة الأصنصير ....بس أخف وسريعة ههههههه

قلت حق غنومة ورجعنا ركبت معاها مرة ثانية معاها

تقهوينا شوي للتدفئة

ولعبوا البنات السلاسل

وتمشينا بالملاهي

هذه لعبة البرج
ترى هي عالية وترتفع فيكم لأعلى البرج وتطل على اسطنبول وخاصة البحيرة اللي صورتها بالمشروع
يعني تحس نفسك بالسماء
وينزل فجاة لتحت بسرعة قوبة تحسسك انك تطير من الكرسي

بعد ما طلعنا من اللعبة في هالمحل
حسافة ما شريت منهم قلت يمكن الاقي في الملاهي محل كبير

بقول لكم سالفة
لما صعدت مرة ثانية مع غنومة قالت لي يمه تخوف قلت لها لا اخف من الأصنصير مال باريس
والا على يساري بنت مع اهلها شباب وشابات
سألتني انتي مجربتها قلت لها اي
قال تخوف قلت لها لا ما تخوف بس مرة وحدة تنزل بسرعة
خخخخخخ اهي قبل لا ترتفع اللعبة وهي تبجي وتصارخ هههههههه
نزلزني مابي العب خخخخخخ ما قلت شي انا هههههه
بس ياهي صرخت صريخ
مسيت غنومة ورحمت حال هالبنت

رحنا هنيه

بقص لنا قصة
بعدين ندخل بسفينة وتمشي فينا بين التاريخ

أغلبه صورته فيديو

الفيديوات

https://https://https://https://https://

OumImadeمعجبون بهذا.

توبليرون · 06-08-2015, 03:49 PM

[CENTER]

بعد عمل ثلاث ساعات يطييييييييييييييير الجزء بلمحة

المهم ما عليه نكمل ونعيد علشان خاطر عيونكم تستاهلووون يا احلى اعضاء منتدى

كل ما نقول بنلعب لعبة تطلع مسكرة

العلامات

مسكرررة

العاب الحظ

وهذه اللعبة العبوها دانة وغنومة استانسوا فيها

بس قعدنا ننتظر دورهم كانت عايلة كويتية تارسينها ولعب وضحك

من بيطييير

طيارة مراوح

الديكورات افريقية

سحابة للاستراحة

ودخلنا للعبة ما تخرع تركيب سيارة وتمررنا على اشكال واشياء افريقية

وطلعنا

ةهذه البنات بالغصب صورووا فيها يقولون احنا مو شواذي

كينغ كونغ ...... مسكرررررررة

كافيه آآن

مسكرررة بعد

رجعنا بنطلع

الألوان تهبل حق اليهال

وهذه حلووة بس مسكرة بعد

وهذا غنومة قالت مدام مافيه قطار مووت للكبار بلعب بهذا ونطرناها لما تلعب

حلووة هذه

يلا اخذوا اغراضكم وانتو طالعين

ووداع الأعلام

من المشروع

ام الحصن

والمشروع

هذا المطعم يبيع فلافل.....موجود بالقؤي من بوابة الملاهي
بس ما حبينا نتغدى فلافل.....

وطلعنا جهة المول ندور الغدا يواعة تقريبا الساعة 3.30

الثلاثي الكوكباني

وهذه العاب بولينغ وجيمز

وهذه صورتها من الساحة للمول تطل عليها

نبي اول مكان اللي على اليمين

يصورون عيالهم

شوفو الجووو اشلووون بررررد

ولقينا المطاعم السريعة ......على يسار الدرج بالدور الأول

وعلى اليسار صالة مطاعم ثانية

بوباي

آربيز اللذيذ

وهذا وذاااك

الشاشات مليانة صالة المطاعم السريعة

وهذا بره بلكووون بس محد قاعد بره

وما طلبنا الا

اللي ماله أول ماله تالي

وجبتي الستربس

وجبات البنات

قمنا نتسوق على الخفيف

خوش محل للبنات الشابات

محلات حلووة وتسوق حلوو بالهواء الطلق

السوق مزدحم

دوختكم مع صور الجووو......بس مافي ثلج

ورجعنا بعد ما حصلنا الفيلم اللي تبيه دانة موعده متاخر وخفنا نتاخر على بوحسين ...

وميدان تقسيم

وحشر مع الناس عيد

وبعد ما لقينا بوحسين ...بالساحة
قال بوحسين نبي نحلي .... ورحنا معاه

وهذا للقحطاني وايد ماي ....

ونصور لحد ما يوصل الحلووو ......عرفتوا اي مطعم عاد؟؟

سوتيش

وهذا لفيصل

تصوير من كل الجهات

والكنافة ام البريييد

بعدها رجعنا ريحنا وصلينا بالفندق .....

[FONT=C

OumImadeمعجبون بهذا.

|القحطاني| · 06-08-2015, 04:13 PM

يا سلام على الأجواء .. 6 ..14..15 يا زين البرد على كل حال

..........

أتوقع مديرنا لما يقرأ تقرير ويقرأ اسم " مول أو تسوق " يمشي التقرير بسرعة ههههههه

والله التسوووق رهيب في المولات فقط أما الدورة بالسيارة من محل إلى محل هي اللي ترفع الضغط

المول هذا جمممميييل .. لكن هل هو كبير ولا مول متوسط .. بعض المولات واجهته كبيرة وفي الأخير 4 محلات هههه

....................

أنا شغال بس أشوف أنواع المياه الجديدة فقط ههههههه هالعلبة جديدة

...........

لا تعليق 3/>

........

انا اللي فهمته من تقاريرك كلها إن غنومة أكثر وحدة مستفيدة من الرحلات

لانها الاسم الوحيد اللي يتكرر في جميع رحلاتك وفي جميع الأوقات في الصباح أو الليل هههههه

الله يعطيك العافية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سكن في تركيا	abdulaziz bin m7md	بوابة تركيا	3	29-06-2019 10:23 AM
تركيا او ماليزيا	غـلاتـي	البوابة السياحية	20	08-05-2015 03:42 AM
جو تركيا شهر 7هـ	رزان	تركيا	3	18-03-2015 08:24 AM
19 يوم في تركيا	Fnn1991	تركيا	10	17-03-2015 07:40 AM
السياحة الشتوية في لوس انجلوس	منيرة	بوابة امريكا	11	07-03-2015 07:09 AM