تركيا الشتوية - الصفحة 15

توبليرون · 23-08-2015, 11:36 PM

اليوم الأخير
منتدى العرب المسافرون
تركيا

عصرية يوم الأثنين تاريخ 2015 / 1 / 19

الساعة 4ونص تقريبا العصر طلعنا الى المطار

مطار صبيحة طبعاا

تحميل الجناط .......تاكسي من عند الفندق

نصور جيرانا

صعدت السيارة وجناطنا بعدهم

ومشينا وصور من الطريج

الشارع هني واقف الظاهر طلعة موظفين

زحمة وعلشان جذيه صورت لكم هالبايع شوفو وين يبيع

على الرصيف يبيع سندويشات سمج

العدة كلها جاهزة

شوفو الزحمة

وهذا جدامنا علشان ننزل التقاطع ونروح يمين

شوفو الحمام على الشجر يونس شكلهم

شوفو الجسر وصووووررره

هذا قريب من المطار

وهذا المطار ووصلناه الساعة 6.15

وهذا تيرملنا

نادينا واحد للعربانة وقال انا ادخل لكم واشيل الجناط لحد الكاونتر
بخمسين ليرة
قلنا له يلا

ووقف معانا لحد ما دخلنا الجناط وهو اللي كان يشيل ويحط

كاهو البورتر مع ابوحسين وكارتون البقلاوة قاعد خخخخخ قالو لا تدخلونه
خلوه على العربانة اللي موجودة عند أخر كاونتر ....يحمعون فيها الكراتين كلها ويدخلونها الطيارة جميع

جناطنا وايد وجياسنا اكثر واحنا زايدين الوزن للرجعة

وهم خذوا منا وزن بس مو وايد اعتقد 150 ليرة

حطينا كل الجناط الا كيس سيلفردج معانا

خلصنا على الساعة 7 مساء

ودخلنا السوق الحرة وتكرمون البتاعة وصورت لكم الاسم بس علشان تعرفون انه للبنات هههههه

اللون والأسم بكم لغة والكتابة بطريقة بلير عجبتني

بعدها لازم اتطمن على بضاعتي والا اشلون عيل

البنات يواعة طلبواا من سباروااا ......وبعد راحوا تمشووا بالسوق الحرة
عندنا وقت طويل

خلوو الستيك قطعة صغيرة .....بس حتى الطعم مو وايد حلوو نفس اللي متعودين عليها بالكويت

والأهم

شوفو البنت العملاقة ام قميص ابيض وهذا اهي على الكرسي ههههه

وهذا الجرسون يا حليله بوحسين ساله عن السجد بيصلي

ويوم شاف بوحسين مستبعد المسافة

عطاه سجادة وسكر جهة الطاولة اللي يصلي عندها بوحسين

وطبعا معاي ما انساكم

انا هذا اللي أبيه

شوفو داخل

الجوازات وام حسين الحارس الأمين لهم

دخلنا بعدها البوابة .....وكانت قريبة تحت المطاعم

وهني الموظف مر علينا وتأكد وقص البوردينق يعني قطع الورقة

واحنا قاعدين بمكانا

ودخلنا الطيارة الساعة 10 كان موعد الأقلاع

توهم يدخلون الجناط

يلا القحطاني ماي جديد

وعشاي

صمونة جبن وزيتوون وطماط ...............بس مو نفس كرواسونة بريت

وعصير برتقال

وهني منطقة ديالي اعتقد الأجواء العراقية

يا حلووو ديرتييييييييي وصلنا الكويت الجميلة

وهذا الهبوط وصلنا تقريبا الساعة 1.20 صباحاا

مشترواتنا من الحلقوم والبقلاوة اللي كانت بالكرتون.......عل فكرة الجناط بسرعة اطلعوااا بس الكرتون تاخر وايد

تغليقهم ممتاز العلبة ومجيسينها بالنايلون والكرتون مغلف

المربي مغلفينه بنايلون وكلينكس علشان لا ينكسر

مشترواتنا من السوق الحرة الكاكاوات طبعااا

والمشتروات اللندنية

كوبي التذكاري

عطوري

وهدية العيال لي .....

وهذه النهاية

وان شاءالله سفرات ياية وتقارير احلى

قولو آمييييييين يارب العالمين

OumImadeمعجبون بهذا.

albarood · 24-08-2015, 07:52 AM

الازرق والبنفسجي ما يوصلوا عندنا

|القحطاني| · 24-08-2015, 08:52 AM

يا أم حسين ما احد يعرف اني اراقب علب الماء إلا انتي .. لا تفضحيني بين العربان في المنتدى ههههههه [emoji28][emoji28] .

مو كأن 3 كثير .. عطوني صحن[emoji19] [emoji174]

...

ما الله التقرير جميل و اليوم الأخير رهيييب

وامين .. ان شاء الله تجي سفرات كثيرة وانتوا مبسوطين

بعدين هالتقرير له 3 شهور يا أم حسين ههههههه من قبل رمضان ولا هو ناوي يخلص [emoji38]

بصراحة ورق العنب اللي فووووق في التقرير اللي قبل هذا رهيب .. لكن اللي بالملفوف ما اقدرت اجربه احس طعمه سيء مع ان الأغلبية يمدحونه.

الله يعطيك العافية

Sent From Samsung Galaxy S6

النمسا · 24-08-2015, 10:00 AM

جزء رااائع

لفت نظري الوقت للوصول لصبيحة

ساعة و 45 دقيقة ؟ هل كان زحمة الطريق

سنة 2012 طلعت عليه بس كانت فترة الصباح -
الوصول لتقسيم تقريبا الطريق ساعة وحدة
والعودة الظهر تقريبا ساعة وحدة

OLGA · 24-08-2015, 10:29 AM

الحمدالله ع السلامه لو اهي واصله متأخره ب ٨ شهور

ع كثر ما نزور اسطنبول بس الجسر لازم انصوره ما عرفت السر للحين
ان شاء الله سفراتكم وو تقاريرج دايما .. يعطيج العافيه ام حسين استمتعنا معاكم باسطنبول

الايمان · 24-08-2015, 12:10 PM

يازين السفر بالشتا ام حسون
الحمدلله تحققت امنيتج
مع اني مااحب البرد وايد
لكن هالسنة الحر موطبيعي اشتقنا للبرد ووالمطر
عليكم بالعافيه السفره وايد حلوه استمتعنا معاكم
والله يكتب لكم سفرات واااايد وتسويلنا أحلى التقارير

توبليرون · 24-08-2015, 02:43 PM

اقتباس : المشاركة الأصلية كتبت بواسطة albarood

الازرق والبنفسجي ما يوصلوا عندنا

اي للحين ما وصلوو
بس انا ذقتهم حلووين فيهم على لوز مالح شوي
بس طعم الكاكاو هو الأكثر

خلاص بشوف وكالتهم اخليهم ايجيبونه لنا
شكرااا لمرورك العطر

توبليرون · 24-08-2015, 02:53 PM

اقتباس : المشاركة الأصلية كتبت بواسطة |القحطاني|

يا أم حسين ما احد يعرف اني اراقب علب الماء إلا انتي .. لا تفضحيني بين العربان في المنتدى ههههههه [emoji28][emoji28] .

مو كأن 3 كثير .. عطوني صحن[emoji19] [emoji174]

...

ما الله التقرير جميل و اليوم الأخير رهيييب

وامين .. ان شاء الله تجي سفرات كثيرة وانتوا مبسوطين

بعدين هالتقرير له 3 شهور يا أم حسين ههههههه من قبل رمضان ولا هو ناوي يخلص [emoji38]

بصراحة ورق العنب اللي فووووق في التقرير اللي قبل هذا رهيب .. لكن اللي بالملفوف ما اقدرت اجربه احس طعمه سيء مع ان الأغلبية يمدحونه.

الله يعطيك العافية

Sent From Samsung Galaxy S6

ههههههه لا محد يدري انك تراقب ولا راح يعرفون
هذه 3 من 8 تقريبا گلها توزعت
بس تستاهل 10 بعد مو صحن
احنا عندنا كم قحطاني
ان شاءالله نسافر والتقارير مستمرة
اي شسوي يا ولد انشغلت بامور كثيرة والحمدلله تمت كلها على خير
ورق العنب لذيذ جداا وخاصه اللي بالخليج احسه احلى من تركيا
والملفوف كمان هناك ما عجبني بس عندنا بالخليج روعه جربه وراح تدعيلي
يعافييك ربي ويسعدك على متابعتك الجميله للتقرير
نردها لك بالافراح ان شاءالله

توبليرون · 24-08-2015, 02:56 PM

اقتباس : المشاركة الأصلية كتبت بواسطة النمسا

جزء رااائع

لفت نظري الوقت للوصول لصبيحة

ساعة و 45 دقيقة ؟ هل كان زحمة الطريق

سنة 2012 طلعت عليه بس كانت فترة الصباح -
الوصول لتقسيم تقريبا الطريق ساعة وحدة
والعودة الظهر تقريبا ساعة وحدة

تسلم يا بو عبدالرحمن من ذوقك
الطريق ساعه صح بس كان زحمة وأعتقد وقت الذروه عندهم وخروج
الموظفين
انا مصوره لكم الزحمة الشارع ما تحرك اول شي
يعطيك العافيه على المرور الجميل دائما

توبليرون · 24-08-2015, 02:59 PM

اقتباس : المشاركة الأصلية كتبت بواسطة OLGA

الحمدالله ع السلامه لو اهي واصله متأخره ب 8 شهور

ع كثر ما نزور اسطنبول بس الجسر لازم انصوره ما عرفت السر للحين
ان شاء الله سفراتكم وو تقاريرج دايما .. يعطيج العافيه ام حسين استمتعنا معاكم باسطنبول

الله يسلمج يا مميزتنا تسلمين
الجسر روعه وماشاءالله منظره حلووو
تسلمين على هالدعوات الجميله
يعافييج ربي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سكن في تركيا	abdulaziz bin m7md	بوابة تركيا	3	29-06-2019 10:23 AM
تركيا او ماليزيا	غـلاتـي	البوابة السياحية	20	08-05-2015 03:42 AM
جو تركيا شهر 7هـ	رزان	تركيا	3	18-03-2015 08:24 AM
19 يوم في تركيا	Fnn1991	تركيا	10	17-03-2015 07:40 AM
السياحة الشتوية في لوس انجلوس	منيرة	بوابة امريكا	11	07-03-2015 07:09 AM