تركيا الشتوية - الصفحة 9

توبليرون · 23-07-2015, 04:24 PM

اقتباس : المشاركة الأصلية كتبت بواسطة OLGA

حلو التمشي بسلطان احمد وو فاتح اجواء حلوه تونس
ما قلتيلنا شسالفة الارضيه ممنوعه المشي عليها ..

القحطاني السرقات اكثر شي اتصير بالصيف وقت سياحه وو زحمه

اي والله حلوو المكان وخاصه بالشتاء
اما الصيف والحر ما ينبغى
يعطيج العافيه على المتابعه الجميله يا عسل

توبليرون · 23-07-2015, 04:26 PM

اقتباس : المشاركة الأصلية كتبت بواسطة alosaimi

يعطيكم العافه علي الجهد المبذول في خدمة المسافرين
تقبلوا مروري و تحياتي

الله يعافيك يا الانجليزي ومبروووك
يا مشرفنا السابق
الشكر للمروركم العطر وخدمتكم سابقتنا
يعطيك العافيه يابو سلطان

توبليرون · 26-07-2015, 08:21 PM

اولغا اسفه مارديت على سؤالج عن الارضيه
والله مادري ليش الارضيه ممنوع المشي عليها يمكن خبراء تركيا يعلمونا
لان شكل الرخام غير عن باجي المسجد

ان شاءالله راده لكم قريب
يعطيكم العافيه على المرور الجمييل

OLGA · 27-07-2015, 12:26 AM

يمكن الرخامه يديده
احنا موجودين .. اهم شي تطمنين على العيال

توبليرون · 28-07-2015, 12:53 AM

لا مو يديدة الا مار عليها الزمن ومضى ههههه
الحمدلله تطمنت على العيال المريض طلع من المستشفى معافى بفضل الله تعالى
والعريس بشهر العسل
واحنا انتهت مهمتنا واشغالنا
وان شاءالله بفضي للتقرير
اي صح حملت صور الجزء اليديد اليوم
وباجر اكتبها

توبليرون · 28-07-2015, 07:28 PM

اهلا بالربع والربعات على قولة بوعمر

منتدى العرب المسافرون

تركيا

نتابع معاكم جولتنا في اليوم الثاني لنا باسطنبول

شفتووا بعد ما خلصنا من آية صوفيا طلعنا جهة توبكابي

وبعد ما شبعنا من الكستنة

وزعو علينا هالمنشور لعرض للرقص
كنت ودي اروح بس ما حصل

توسع الصدر لما تشوف الأيات القرآنية بكل مكان

دخلنا من البوابة وعجبني المنظر الجميييل

وخليت ربعي ورحت للتصوير

ما رحت بعيد خفت اضيع الربع

رجعت حق ربعي ولقيتهم ينطروني

وكملنا مشي ورا الناس

ولقينا مكان التذاكر

اللي بيصور ....

وعلى ما يقصون التذاكر انا اصور لكم

وقصينا التذاكر

بعد ب30 ليرة

تبون جهاز يعطيكم المعلومات

احنا ما اخذنا

والحمام موجود

ودخلنا وطلع ممنوع التصوير

عجبتني الحدايق

التصوير ممنوع .....

حصللللللللللللللللللللللت زفة معتبرة

ليش اصور ......ما يحترمون لا كبير ولا صغير مالت على النفسيات

المهم بغيت ارد عليه بس احترمت اسم المكان لأنه للرسول الكريم واحترمت نفسي
واحترمت اللي معاي
والا جان شاف المضاربة عل قولة عنقوودة

يعني الصور منتشرة بكل مكان ليش يمنعون التصوير

لا والقهر ....بس طلعت بره يبيعون الصور
مابي صوركم خلاص

وطريجنا لبرااا

وشفنا هالحصن وقعدنا نصور

الجووو خيااال

وتعبت ام حسوووون وراحة تايم

وطلعنا ندور غداااء يواااعة... جوعانين ..

صورة مبهمة .....من سرعة التصوير والتعب

وصورة أحلى علشانكم

واحلى بعد لو مو الريال اللي مر جدامي

والترماااي

والمحلات اللي عند مسجد السلطان أحمد

شنو هذا ؟؟؟ هل هذا هو مكان الصاريج

ووصلنا مطعمنا تذكرونه بتاع الكفتة
مطعم السلطان احمد للكفتة

والصمون التركي

طلبنا للكل شوربة عدس تدفينا

وطلباتنا من المشروبات
عيران وكولا

والكفتة اللذيذة وصلللللت

والعيش بالشعيرية

خلصت وقمت اصور المنيوو المعلق وعلم الكويت اول واحد يسار

والحمدلله على النعمة الوفيرة

رجعنا بعد هالغدوة اللذيذة الى الفندق بعد ما تمشينا شوي

بهالشارع

بعد الراحة والصلاة في الفندق قررنا نروح اوتاكوي

وهذا من الطريق

ورحنا الى اورتاكوي
تمشينا عند الاكسسوارات شوي

وبعدين البروودة ذبحتني واحس بتعب وبوحسين وفرفر للحين مرضى شوي

قلنا بنشرب شي دافي
طلب بوحسين وانا طلبت سحلب قلت بجربه
واخذنا من هالمحل

عجبتني الالوان

بوحسين يطلب والريال يقنعه بالسحلب مثل ما اقنعني

أعتقد اسم الكافيه

قعدنا هني نطمش على الرايح والياي

ووصل السحلب طلع لذييييذ وحلوووو ويدفييي

واحنا قاعدين يالنا الولد السوري بياع الورد
لسااااان جمييل ما شاءالله ويقعد يتغزل ويقنع بوحسين علشان يشتري لي وردة هههههه

واحنا ميتين من الضحك على كلامه صورته فيديو بس مابي احطه لكم تابعوه باليوتيوب ههههه

ياحليله شرينا منه واكرمناه .....جت دانه وقام يقنع بوحسين انه يشتري وردة لها
قاله بوحسين لا تصير طماع عاد روح

بس صج ما شاءالله عليه لسانه يهبل

وهذه الوردة المذوية من البرد

دانة خذت شاي اول شي

بعدين طلبت سحلب يوم شافتنا نمدح فيه

بوحسين يبي يشوف مباراة اعتقد لريال مدريد بس مادري مع منوو ما حصلنا هني قالوا لنا المطاعم اللي قبال البحر

واحنا هني عندالكافيهات عند ستار بكس

نكمل صور الكافيه والجلسات الخارجية

وهذه لقطات للمسجد مع الجسر وكيفكم اختاروا انتو احلى صورة

وصورة بانورامية اشرايكم بس بالفن

رحعنا ندور مطعم فيه المباراة

بررررد

ما قدرنا نقعد بره من البرررد

ومحاولات لتصوير الجسر كاملا ولااااكن

ونصور المسجد احسن

بتوع الكومبير البطاطا المشوية والجسر

والمطعم والمباراة

انا أخذت الكومبير

والعصير

مشويات للبنات

وشيكن بورغر لفرفر

لقطة خونفشارية

وسمجة بوحسين

وبعدها شاي لنا

فيصل وينك ؟؟
ماتبي شاي

لقطة وداعية

ولازم الوداع باللقيمات اللذيذة

وتاكسي ولتفسيم

ما نركب الا تاكسي يشيلنا كلنا مع بعض

ووصلنا الفندق

وأشششششش الناس نايمة لا تصارخون

انتظرونا في يوم جديد

OumImadeمعجبون بهذا.

سآهر الليل · 28-07-2015, 11:52 PM

تقرير جميل والصور اجمل

متحف توب كابي دخلته وماعجبني احلي مافيه الحدايق

وتركيا بالشتااا افضل وقت لها وفيه اصدقاء راحو شهر ٦ و وقالو ان الجو كان بارد فاستغربت شكلي بخلي السفره شهر ٦

متاااابع ....

توبليرون · 29-07-2015, 02:00 PM

اقتباس : المشاركة الأصلية كتبت بواسطة سآهر الليل

تقرير جميل والصور اجمل

اقتباس : المشاركة الأصلية كتبت بواسطة سآهر الليل

متحف توب كابي دخلته وماعجبني احلي مافيه الحدايق

وتركيا بالشتااا افضل وقت لها وفيه اصدقاء راحو شهر ٦ و وقالو ان الجو كان بارد فاستغربت شكلي بخلي السفره شهر ٦

متاااابع ....

شكراا لك من ذوقك يا اخوي

اي والله الحدايق احلى شي
والمعروضات مثل ماهي مافي اضافات عليها من اكثر من 20 سنة

الشتاء وايد حلووة بس احلى جوو يقولون بشهر ابريل ومايو

خلها بشهر 5 احسن
نتمنى لك سفرة ممتعة
وتشرفني متابعتكم

توبليرون · 29-07-2015, 03:00 PM

بعض الفيديوات لاورتاكوي

OLGA · 30-07-2015, 12:15 AM

من احلى المتاحف توبكابي احب المشي فيه ..
اشتقنا نسهر باورتاكوي ناكل كومبير وو نشرب جاي بالبرد ..
شكرا ام حسين ذكرتينا بذكريات حلوه .. ناطرين باجي التقرير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سكن في تركيا	abdulaziz bin m7md	بوابة تركيا	3	29-06-2019 10:23 AM
تركيا او ماليزيا	غـلاتـي	البوابة السياحية	20	08-05-2015 03:42 AM
جو تركيا شهر 7هـ	رزان	تركيا	3	18-03-2015 08:24 AM
19 يوم في تركيا	Fnn1991	تركيا	10	17-03-2015 07:40 AM
السياحة الشتوية في لوس انجلوس	منيرة	بوابة امريكا	11	07-03-2015 07:09 AM