| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( تجربتي مع تأشيرة فرنسا . مقيم ( تحت ال ١٨ ) )› بقلم : Felasour
- ‹( أبرار وأختها في مغامرة مونتينقرو )› بقلم : q8ya metnaqla
- ~|[= تركيا في فبراير .. ثلج وأمطار =]|~ بقلم : ClownMask
18الاعجاب| | LinkBack | أدوات الموضوع | انواع عرض الموضوع |
03-05-2015, 02:10 PM
| #1 | ||
| مجلس الإدارة   تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,858
|  تركيا الشتوية
العرب المسافرون تركيا تركيا الشتويه السلام عليكم سفرتي الاخيرة أقدمها لكم سفرتي كانت من 8 / 1 / 2015 الى 19 / 1 / 2015 وبالمسار هذا كويت _ اسطنبول _لندن _ اسطنبول_ الكويت على طيران بيقاسوس الحلوو وكانت هالسفرة من امنياتي اني اسافر بالشتاء لان غالبا سفراتنا بالصيف بحكم اجازات العيال واجازاتي ايام العمل يعني اجازات المدارس الصيفية وكانت هدية من بوحسوون ليوم ميلادي واللي كانت مقدمة لي كمفاجأة الحجوزات اللي تمت بين ابوحسين والبنات بسرية قبل السفرة باربع اشهر تقريبا بس على منووو انا كنت كاشفتهم بس ما خليتهم يعرفون الا يوم قالو لي على موعد الفيزا اللي لازم اكون متواجدة عاد ماعندهم مفر من اخباري وكان موعد الفيزا قبل شهر تقريبا او اقل بشوية المهم الفيزا كانت بسهالة وانتهت بظرف اسبوع استلمناها اليوم بسميه يوم الطيران البيقاسوسي نشوف الصور ترتيباتي لكل سفرة لازم الأوراق لكل شي بروحه علشان ما اقعد ادور واضيع بينهم وتكون بمتناول الأيد اذا بغيتهم نشوف اسعار التذاكر من الكويت الى لندن مع ترانزيت اسطنبول طبعااا مطار صبيحة يلا حسبووو السعر الأجمالي 190 + 73 + 97 = 360 يورو = 115 دينار كويتي للشخص لل 5 اشخاص = 115 في 5 = 575 دينار كويتي الفيزا التركية بلاش للكويتين وطلعناها بالكمبيوتر وهي اصلا عندنا لسه ما انتهت من الصيف وكان باقي لانتهائها لبعد السفرة يومين فقط ما تكلمواا ولا شي لأننا طلعنا من تركيا قبل لا تنتهي الفيزا البريطانية ما انتبهت على السعر لمدة ستة اشهر والحين اصفف الاوراق الباوندات صرفنا 1500 دينار وليرات تركية صرفنا 500 دينار وشوفو بوك هارودز هذا فيه باوندات وليرات تركية من السفرة السابقة ينفعون وخاصة القطع المعدنية للعربات في المطارات الفيزا البريطانية خلصت تقريبا اسبوع ما طولت من بعد الموعد كل واحد ظرف فيهم اوراق حطيت كل ورقة بالجواز بعدين شلتهم بظرف خاص والكل حطيتهم باظرف وبعدين بفايل كبير وجهزت كاميراتي الكانون 100D  وكاميرا الفيديو سوني وجهزتها ببيت اهلي لاني لقيت الميموري فيه شريط سفرة اختي وعيالها وقعد حمادة عمره 5 سنين يشوف الفيديوات وبعدين قعد يبجي قلنا له اشفيك قال خل نروح هني ههههه تذكر سفرتهم لأمريكا وحن الولد للسفر طلع حب السفر وراثة فينا المميوري لها وأكيد كاميرة الأيفون 6 بلس والأحلى ان التواريخ والساعة والمكان تتسجل لكل صورة وبنفس العنوان وبلغتهم وهالبلاك او المحول للسفر شريناه من تركيا بالصيف هذه الزراير جانبية كل ما تنزل واحد تطلع روس بلاك معين وهذا يرجع الروس او الأسنان او مادري شتسمونهم الى مكانهم وهذه الروس منخشه بمكانها تختار اللي تبي لحسب البلاكات اللي في الطوفة ( الحائط ) وهذا الحين تدخلون الفيش للاجهزة اللي عندكم وصار وقت روحتنا المطار الساعة 12,30 احنا بالمطار وزحمة وطوابير وعائلات كبيرة رايحة تركيا وهذا لأن كان هاليوم ليلة أخر يوم دراسي وبعدها عطلة نصف السنة شوفو الزحمة علشان جذيه احنا رحنا مبجر شوي سفرتنا الساعة 2.40 دقيقة تعبت من الوقفة بس راح الوقت لاني شفت لي زميلة بالعمل قبل التقاعد لي طبعا وهي للحين بالعمل وقعدنا تصوير وسناب وواتس اب للزميلات وضحك وسوالف وبعدين وصل دورنا ورا واحد كان واقف يمين شوي قمت وعطيت موظف الكاونتر الجوازات والتذاكر والا ايي الريال ويقول دوري والا عنده يمكن عشر جوازات شوية واخذ منه الموظف وقام يشتغل بجوازات الريال قلت له نعم ليش الحين انا قبله قام الموظف بس يطالعني ويطالع الريال والا بنتي تقول اهو واقف قبلنا قلت لا ما يصير احنا واقفين بعدين هو راح ورجع بالجوازات قال الريال عادي اختي انا وانتو كله واحد انا عايلتي موجودة (وينهم قلت بقلبي ) طلع الاخ موظف بالمطار وواسطة مقعد اهله وهو اللي يتابع الحجوزات ينيالكم يا اهل المطار ووالخطوط يلا عليكم بالعافية (( كلش مو نقزة على ربعنا اللي هني )) المهم خلصنا بعد ساعة تقريبا الساعة 1.30 ورحنا نتعشى وناكل لنا لقمة قبل السفرة هل المرة ما طلبنا الأكل مع التذكرة رحنا هالجهة وطلبنا من البوتوبلي صح الأسم  عصيري وبطاطنا انا وغنومتي هلابينو بالجبن لذيييييييذ طلب دانة ومشاركة بعد مادري وين صور الصمون وتحلية بعد العشا وهذه الجوازات والبوردينق من الكويت لنركيا وبعد من تركيا للندن خشيتهم بالملف وجنطتي اللي مليانة مخدة الراس لابوحسين وكاميرتي الكانون والملف المليان مسكينة ام حسين  تمشينا بالسوق الحرة وبالمطار شوية الساعة 2 بالضبط وشفنا اللوحة بنشوف طيارتنا وبوابتنا وهذا الساعة 2.20 ومثل ما تشوفون تم تغيير البوابة الى البوابة 2 وقعدنا ننتظر لأن قالو في تأخير.....سألنا قال هي ما طارت من تركيا للحين صعدنا فوق مطعم بورتوبللي نريح شوي على ما ينادونا قالو لنا ان في تأخير لأن الطيارة من تركيا للحين ما طارت بسبب العاصفة الثلجية (( هدى )) وقعدنا هني وهذه الشبابيك للاونج وفيه ناس تاكل الساعة الحين صارت 3.10 دقايق اللي انسدح على الطاولات واللي راح داخل غرفة المدخنين بس علشان ينام على الكنب الجلدي بس طلع بسرعة ماله خلق الرييحة ههههه وانا قعدت مكاني وشبكنا عل الأنترنت ومجابلين اللوحة نشوف طيارتنا غرفة المدخنين كانت الريحة قوية اذا خلوو الباب مفتوح واحنا نقوم نسكره  ذبحتنا الريحة البنات قعدووا هني علشان يشحنون اجهزتهم بعدها نزلنا تحت تعبنا من القعدة ردوا البنات يتمشون بالسوق الحرة وانا جابلت البوابة والا الحمدلله وصلت الطيارة الساعة 4.50 دقيقة بالضبط وطلعوا الناس ودخلونا بسرعة للبوابة الساعة 5,7 دقايق احنا هني ووصلنا هني على الساعة 5.26 دقيقة وهذه صور من الطائرة على ما يدخلون باقي الركاب 5.40 تحركت الطيارة وأخيرااا طاااااااااارت وهذه الصورة بالجو الساعة 6 وشايفين الكويت الحبيبة الساعة 6,14 مرينا هني مادري شنوو بس عجبني ترتيبه بالطيارة الشاشات فوق وهذه للحين الساعة صارت 6.30 وبدا شروق الشمس واشرايكم بس تصلح دعاية لطيران بيقاسوس بوغسان يبيلنا نبيعها عليهم هذا كان في الساعة 6.50 دقيقة وهذه الصورة علشان تشوفون القمر والشمس مع بعض طالعين ومنتداي الحبيب كنت مصورته علشان اصوره بالطيارة  و  بكل مكان التصوير هذا في الساعة 8.24 صباحا ووصلنا لتركيا الساعة 8.30 وهذا المنظر تحتنا وقصتنا قصة الطيارة مرة تنزل ونشوف القوارب والبيوت تقرب ونشوفها وبعدين ترجع الطيارة ترتفع وعلى هذه الحال قعدنا تقريبا ساعتين منتدى العرب المسافرون مع الثلوج شايفين رجعنا صعدنا فوق والثلج صار على الدريشة من بره وبعدين ريحت اتمقل بالثلوج واحنا ننزل وبعدين نصعد وقمت بعدين احل سودكو وهذا في الساعة 8.58 وحليتها صح وحليت ثانية وثالثة خلصت سودوكو الساعة 9,15 وبعديين قال الطيار ان برج المراقبة يقول عطونا فرصة اذا في مجال بننزلكم هني او بيتحول الهبوط الى انقرة واحنا ورانا طيران للندن أشلون ؟؟ هذه الصورة الساعة 9,55 والساعة 9.59 شفنا هالبيوت وقرر انه ينزل في مطار صبيحة الحمدلله حمدا كثيراا طيبا مباركا وقربنا من الأرض الساعة 10,6 دقايق طبت الطيارة الحمدلله .gif "(89)")  89):.gif "(127)") : (127):أخيراااااااا المسافرين الكل يصفق ويحمد الله وعلامة النصر والمدرج مغطى بالثلوج ووصلنا للباصات بعد النزول البطيئ للمسافرين لأن الدرج مغطى يالثلوج والكل يخاف يطيح وانا أولهم  الساعة الحين 10,30من الباص ومشينا وحركة المطار والحين في طريجنا الى بوابتنا اللي بنروح عليها للندن الساعة 10,48 والحمدلله ان ترانزيتنا اربع ساعات ....راحوا منهم ساعتين وطيرانا مفروض الساعة 12 ومثل ما شفتوا ما اكلنا شي بالطيارة لأن تعشينا عدل بالمطار والطيارة قضيناها ماي وبيبسي وكاكاو البنات انا ما اكلت شي المهم يعنا وهذا طلبي صورتها الساعة 11 وطبعا هذه التوقيتات اللي انا احطها لكم من وقت التصوير في الأيفون وبعد فيها الموقع باللغة التركية او العربية وهذا مثل ما قريتها من ايفوني س.س . يابي كوبراتيف شيشلي كوكوك ساناييي الأخير أحسه ترحيب فيني ههههه من اسمي أكلنا والسمسم تلفنا هههههه وريحنا وشفنا هالمناظر الجميلة ما وصلت طيارتنا بعد وناااااسة وشوفوااا اللي عمرنا ما شفناه ودنا نطلع نكون تحته http://www.arabtrvl.com/vb/t5914.html تابعوني 
| ||
|
|
03-05-2015, 02:18 PM
| #2 |
| مسافر جديد تاريخ التسجيل : Jan 2015 رقم العضوية : 1132 الجنس : ذكر المشاركات : 28 | رد: تركيا الشتوية
|
|
|
|
03-05-2015, 03:02 PM
| #4 | ||
| مميز العرب المسافرون  تاريخ التسجيل : Dec 2014 رقم العضوية : 620 الدولة : المملكة العربية السعودية الجنس : ذكر المشاركات : 7,228
| رد: تركيا الشتوية
| ||
|
|
.gif)
|
03-05-2015, 03:19 PM
| #5 | ||
| مجلس الإدارة تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,858
| رد: تركيا الشتوية
السوق الحرة يكون سوق في جميع المطارات وتكون البضايع فيه بأسعار بدون ضريبة وفي البضائع المهمة كهدايا بسيطة وتذكارات وشكوليت وخاصة توبليرون  وشنط للسفرسرني مرورك العطر تابعني للأخير
| ||
|
|
.gif "(90)")
رد: تركيا الشتوية 
|
03-05-2015, 06:20 PM
| #7 | ||
| مراقبة العرب المسافرون  تاريخ التسجيل : Dec 2014 رقم العضوية : 331 الدولة : الكويت الجنس : انثى المشاركات : 12,833
| رد: تركيا الشتوية
| ||
|
|
|
03-05-2015, 07:29 PM
| #8 | ||
| عضو قدير  تاريخ التسجيل : Dec 2014 رقم العضوية : 94 الدولة : سوريا الجنس : ذكر المشاركات : 5,123
| رد: تركيا الشتوية
| ||
|
|
|
03-05-2015, 08:10 PM
| #9 |
| مجلس الإدارة تاريخ التسجيل : Dec 2014 رقم العضوية : 15 المشاركات : 15,812 | رد: تركيا الشتوية
|
|
|
.gif "(125)")
| الكلمات الدلالية (Tags) |
| الشتوية, تركيا |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| سكن في تركيا | abdulaziz bin m7md | بوابة تركيا | 3 | 29-06-2019 10:23 AM |
| تركيا او ماليزيا | غـلاتـي | البوابة السياحية | 20 | 08-05-2015 03:42 AM |
| جو تركيا شهر 7هـ | رزان | تركيا | 3 | 18-03-2015 08:24 AM |
| 19 يوم في تركيا | Fnn1991 | تركيا | 10 | 17-03-2015 07:40 AM |
| السياحة الشتوية في لوس انجلوس | منيرة | بوابة امريكا | 11 | 07-03-2015 07:09 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO
Search Engine Optimization by vBSEO
